Blockchain mun breyta fjölmiðlum

Blockchain býður upp á mikla möguleika fyrir fjölmiðla, segir Matt Coolidge í viðtali við Frey Eyjólfsson.

Civil
Auglýsing

Flest ný sprota­fyr­ir­tæki í Banda­ríkj­unum byggja starf­semi sína á blockchain-­tækni og þeirra trú er sú að blockchain eigi eftir að breyta öllum við­skiptum og þjón­ustu, skjala­geymslu, samn­inga­gerð, kosn­ingum og fleira á næstu árum. Eitt af þessum fyr­ir­tækjum er Civil, banda­rískt fjöl­miðla­fyr­ir­tæki sem notar blockchain tækn­ina til þess að selja og dreifa blaða­grein­um, útvarps­þáttum og öðru fjöl­miðla­efni. Fyr­ir­tækið hefur strax fengið fram­úr­skar­andi við­ur­kenn­ingar og margir eru farnir að tala um að Civil eigi jafn­vel eftir að breyta fjöl­miðla­heim­inum á bylt­ing­ar­kenndan hátt.  

Matt Coolidge, hjá Civil.Mikið hefur verið rætt og ritað um blockchain og mögu­leika þess. Blockchain-­tæknin bygg­ist á geymslu gagna í dreifðu kerfi, mörgum stöðv­um, blokk­um, en ekki mið­lægu kerfi. Þetta er á margan hátt ný teg­und af inter­neti þar sem eng­inn, hvorki fyr­ir­tæki né ein­stak­lingar eiga eða stýra kerf­inu, hver og einn sem notar kerfið heldur utan um gagn­geymsl­una. Þetta er ný og risa­vaxin gagna­geymsla sem býður upp á nýja mögu­leika, kerfið styrk­ist og eflist með hverri færslu. Blockchain er gagn­sætt kerfi, allar færslur eru rekj­an­leg­ar. Með þessu er hægt að fækka milli­lið­um, stunda við­skipti án þriðja aðila eins og banka og korta­fyr­ir­tækja. Það er von manna að blockchain geti aukið gegn­sæi, lækkað kostnað og eflt traust í við­skiptum og þjón­ust­u.  

Civil er mark­aðs­torg og vett­vangur fyrir sjálf­bæra blaða­mennsku þar sem þessi tækni er not­uð. Mark­miðið er að blása nýju lífi í frétta – og blaða­mennsku. Fjöl­miðlar fjár­magn­aðir með aug­lýs­ingum virð­ast vera renna sitt skeið, netið og ný staf­ræn tækni, nýjir miðlar hafa farið illa með hina hefð­bundnu miðla, við höfum séð fjöl­mörg þekkt fjömiðla­fyr­ir­tæki fara á hausinn, síð­ast liðin 15 ár hafa verið þung­bær fyrir fjöl­miðla út um allan heim.  

Auglýsing



Civil vill reyna snúa blað­inu við með nýrri tækni og nýrri hugsun þar sem blaða- og frétta­mað­ur­inn er ein­ungis í þjón­ustu við les­endur sína, algjör­lega frjáls og óháður aug­lýsend­um, eig­endum eða öðrum hags­muna­öfl­um.  Ég mælti mér mót við einn stofn­anda Civil, Matt Coolidge í höf­uð­stöðvum fyr­ir­tæk­is­ins í Brook­lyn. Þar var allt á iði, nýlega opn­aði fyr­ir­tækið nýjar starfs­stöðvar í Chicago, nýja podcastrás, nýja frétta­stofu. Fjöl­margir, þaul­reyndir blaða­menn hafa gengið til liðs við Civil.

Þetta eru spenn­andi tímar?

„Já, afar, það er allt að ger­ast. Síð­ast liðið haust náðum við að fjár­magna okkur með fimm millj­ónum doll­ara, þannig að nú er allt komið af stað, það er í raun bara tvö ár síðan við fórum af stað með þessa hug­mynd, birtum grein á Net­inu um sjálf­bæra blaða­mennsku, að reyna finna nýja leið til þess að stunda óháða, gagn­rýna og heil­brgða blaða­mennsku og köll­uðum fólk til liðs við okk­ur. Við fengum mikil við­brög við þess­ari grein og seinna fengum við þá hug­mynd að not­færa okkur blockchain-­tækn­ina til þess að láta þennan draum ræt­ast. Við erum öll með bak­grunn í fjöl­miðlum og til­gang­ur­inn með þessu fyr­ir­tæki er fyrst og fremst blaða­mennska, að stunda blaða­mennsku, bjarga henni. Þannig að þetta er drifið áfram af ástríðu og hug­sjón.“

Hvernig fædd­ist sú hug­mynd að nota blockchain?

„Við vildum skapa milli­liða­laust sam­band við les­end­ur, reyna að gera fjöl­miðla óháða aug­lýs­inga­tekjum og þá blasti við þessi dreifði og gagn­sæi gagna­flutn­ingur sem blockchain býður upp á. Þetta er ný hugs­un, nýtt rekst­ar­módel sem gæti blásið nýju lífi í fjöl­miðla, skapað heil­brigð­ara og betra umhverfi. Fjöl­miðlaum­hverfið í Banda­ríkj­unum er orðið mjög laskað og afskræmt, það eru fjög­ur, fimm risa­fyr­ir­tæki sem eiga og reka flestu stóru fjöl­miðl­ana, almenn­ingur ber minna traust til fjöl­miðla, rekstar­um­hverfið er erfitt.“   

En nú er búið að tala um blockchain í tíu ár, og í raun og veru ekki mikið gerst. Þetta er þung og erfið tækni, það eina sem hefur virki­lega sett mark sitt á við­skipta­heim­inn er bitcoin, sem sumir vilja meina að séu ein­ungis spila­pen­ing­ar. Ertu sann­færður um að blockchain sé tæknin til þess að knýja áfram nýtt og öðru­vísi resktr­ar­módel í fjöl­miðl­um?

„Ég er sann­færður um að blockchain muni hafa mikil áhrif á næstu árum með mjög marg­vís­legum hætti. Þessi umræða minnir mig á þegar menn voru ræða Netið í byrjun tíunda ára­tug­ar­ins, það voru ekki allir að skilja hvað var raun­veru­lega í vænd­um, svona ýmsar vanga­veltur og mik­ill efi. Fjöl­miðlar og önnur fyr­ir­tæki settu upp heima­síður og reyndu að net­væðast, en í byrjun var eng­inn að skilja til­gang­inn. Við vitum auð­vitað núna að Netið er gjör­sam­lega búið að breyta öllu. Það sama á við um blockchain, þetta er enn dálítið þoku­kennt, skrít­ið, nýtt, það eru mögu­leikar og við erum að átta okkur betur og betur á því í hverju þeir mögu­leikar eru fólgn­ir. En ég tel það skyn­sam­legt að vera með á nót­unum því blockchain er tækni­bylt­ing sem er hægt að bera saman við Net­ið. Blockchain verður kannski ekki eina tæknin sem á eftir að breyta fjöl­miðlum en hún mun sann­ar­lega eiga stóran þátt í því. Með raf­mynt eins og Etherum hefur opn­ast nýr heim­ur, hún er milli­liður og mark­aðs­torg sem er hægt að umbreyta í ann­ars­konar verð­mæti og gögn, ný tækni sem býður upp á mikla mögu­leika.“  



En það á eftir að taka ein­hvern tíma fyrir almenn­ing að aðlag­ast þessu nýja kerfi?

„Já, það er að fara af stað umbreyt­ing á Net­inu. “Web 2” til “Web 3”, fólk þarf ekki nauð­syn­lega að skilja tækn­ina á bak við þetta. Netið tók miklum breyt­ingum með Gogg­le, Face­book og Amazon og varð þessi risa vett­vangur við­skipta og sam­fé­lags­miðla, en Netið er eig­in­lega stýrt af þessum ris­um. Von­andi verður Net­ið, með nýrri blockchain-­tækni, byggður á meiri dreif­ingu. En það er alveg rétt, ný tækni eins og þessi tekur tíma. Það á eftir að taka tíma fyrir fólk að vej­ast þessu en við hjá Civil tökum það með í reikn­ing­inn þegar við skipu­leggjum okkur fram í tím­ann. Hins vegar þurfa okkar not­endur ekk­ert að vita um raf­mynt eða blockchain. Við ætlum að gefa út efni, fólk ger­ist áskrif­endur og fær sent til sín efni frá okk­ur.

Getur þú reynt að útskýra þessa tækni út – hvernig virkar þetta?

„Ci­vil er vett­vang­ur, stra­f­rænt torg fyrir sjálf­bæra blaða- og frétt­mennsku sem bygg­ist á Ether­eum blockchain tækni. Við erum með okkar eigin “Ci­vil -to­ken” sem teng­ist Etherum, þeir sem kaupa og hlaða því niður eru orðnir félags­menn og þáttak­end­ur. Þetta er ein­fald­lega hugnún­aður sem dreifir fjöl­miðla­efni með örugg­ari hætti en áður þekk­ist. Á þessum vett­vangi geta blaða­menn verið í beinu sam­bandi við les­endur sína, frjálsir og óháðir eig­end­um, mis­vitrum rit­stjórum, stjórn­völdum eða aug­lýsend­um. Blaða­menn geta sömu­leiðis fengið greitt fyrir vinnu sína og lifað á blaða­mennsku sem er orðið æði erfittt. Almenn­ingur getur stutt mik­il­væga rann­sókn­ar­blaða­mennsku, sem er því miður í hættu víðs vegar um heim­inn. Rann­sókn­ar­blaða­mennska og upp­lýs­ing er eitt það mik­il­væg­asta sem við höfum til þess að berj­ast gegn spill­ingu og ofbeldi og það er meg­in­mark­miðið með þess­ari starf­semi: að styrkja alvöru frétta- og blaða­mennsku. Fólk getur stutt blaða­menn bæði með fjár­fram­lögum og sömu­leiðis upp­lýs­ing­um, við vitum ekki um örugg­ara kerfi til þess að deila upp­lýs­ingum því allur gagna­flutn­ingur er dulkóð­aður í blockchain og það er nán­ast ógjörn­ingur að brjót­ast inn í þetta kerfi. Civil er skipt upp í nokkur “News­room” eða frétta­stof­ur, sem eru með mis­mun­andi áhersl­ur, sem þú getur valið að fylgja og styrkja.“

Það hefur gjarnan loðað við blockchain – þessi aktí­vis­mi, and­staða við núver­andi kerfi. Það er ákveðin upp­reisn í kringum þetta allt sam­an?

„Það felst mikil ögrun í þess­ari tækni, að þurfa hugsa hlut­ina upp á nýtt, það fer í taug­arnar á mörg­um. Ég held að mörg fyr­ir­tæki eigi eftir að fara flatt á því að hunsa þetta. En þetta er stór og mik­ill hópur í kringum blockchain og við hjá Civil erum engir full­trúar ein­hverrar blockchain hreyf­ing­ar. Við sjáum bara mikla mögu­leika með þess­ari tækni til þess að styða við frétta- og blaða­mennsku. Okkar megin hug­sjón er frjáls, óháð, sjálf­bær blaða­mennska. Við erum með mjög skýr yfir­mark­mið, sem ég held að sé alltaf hollt og gott fyrir öll fyr­ir­tæki og félaga­sam­tök. Við höfum sömu­leiðis mjög skýrar siða­reglur og okkar eigin stjórn­ar­skrá, við þyggjum ekki fé eða styrki frá vafasmömum aðil­um. Civil hugsar fyrst og fremt hags­muni almenn­ings – að almenn­ingur fái réttar upp­lýs­ing­ar, það ríki alvöru mál- og prent­frelsi. Þetta er í raun grund­vall­ar­reglur í allri fjöl­miðlum sem við fylgj­u­m.“

Og hvernig gengur – ertu bjart­sýnn að þetta gangi upp?

„Þetta hefur gengið vonum fram­ar, margir frá­bærir blaða­menn hafa gengið til liðs við okk­ur, við erum þá þegar komnir með fjöldan af áskrif­end­um. Við erum ekki að segja að við séum með “Lausn­ina” en þetta er ein lausn og von­andi gott for­dæmi fyrir aðra. Við erum mjög bjart­sýn.“

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þórólfur Guðnason sóttvarnalæknir.
Sóttvarnalæknir: Áhættan virðist ekki vera mikil
PCR-mæling hjá einkennalausum einstaklingum er ekki óyggjandi próf til að greina SARS-CoV-2 veiruna, segir sóttvarnalæknir. 0-4 dögum eftir smit geti niðurstaða úr sýnatöku verið neikvæð hjá þeim sem er smitaður.
Kjarninn 2. júní 2020
Komufarþegum býðst að fara í sýnatöku frá og með 15. júní.
Staðfest: Komufarþegum mun standa sýnataka til boða
Bráðabirgðamat bendir til þess að kostnaður við sýnatöku á Keflavíkurflugvelli fyrstu tvær vikurnar frá rýmkun reglna um komu ferðamanna til landsins yrði um 160 milljónir króna ef 500 manns koma til landsins.
Kjarninn 2. júní 2020
Lilja D. Alfreðsdóttir, mennta- og menningarmálaráðherra.
Lilja braut jafnréttislög þegar hún skipaði Pál í embætti ráðuneytisstjóra
Mennta- og menningarmálaráðherra braut jafnréttislög við skipun Páls Magnússonar í embætti ráðuneytisstjóra í nóvember síðastliðnum. Verulega skorti á efnislegan rökstuðning ráðherra fyrir ráðningunni, segir í úrskurði kærunefndar jafnréttismála.
Kjarninn 2. júní 2020
Slökkviliðsmaður berst við skógarelda í Brasilíu á síðasta ári.
Regnskógar minnkuðu um einn fótboltavöll á sex sekúndna fresti
Um tólf milljónir hektara af skóglendi töpuðust í hitabeltinu í fyrra. Skógareldar af náttúrunnar og mannavöldum áttu þar sinn þátt en einnig skógareyðing vegna landbúnaðar.
Kjarninn 2. júní 2020
Donald Trump, forseti Bandaríkjanna.
Tæpur þriðjungur Miðflokksmanna myndi kjósa Trump
Prófessor í stjórnmálafræði við Háskóla Íslands segir að hátt hlutfall Miðflokksmanna sem styður Trump fylgi ákveðnu mynstri viðhorfa sem hafi mikið fylgi meðal kjósenda lýðflokka Vestur-Evrópu.
Kjarninn 2. júní 2020
Vaxtabótakerfið var einu sinni stórt millifærslukerfi. Þannig er það ekki lengur.
Vaxtabætur halda áfram að lækka og sífellt færri fá þær
Á örfáum árum hefur fjöldi þeirra fjölskyldna sem fær vaxtabætur helmingast og upphæði sem ríkissjóður greiðir vegna þeirra dregist saman um milljarða. Þetta er vegna betri eiginfjárstöðu. En hærra eignarverð leiðir líka til hærri fasteignagjalda.
Kjarninn 2. júní 2020
Óskar Steinn Jónínuson Ómarsson
Tengsl bæjarstjórahjóna við Kviku banka vekja spurningar
Leslistinn 2. júní 2020
Gylfi Zoega, prófessor í hagfræði.
Ekki æskilegt að einblína á fjölgun starfa í ferðaþjónustu í hálaunalandi eins og Íslandi
Prófessor í hagfræði segir að ferðaþjónusta sé grein sem þrífist best í löndum þar sem vinnuafl er ódýrt. Endurreisn ferðaþjónustu í sömu mynd og áður sé því varla æskileg, enda hafi hún að uppistöðu verið mönnum með innfluttu vinnuafli.
Kjarninn 1. júní 2020
Meira úr sama flokkiViðtal