Ágústa Mar­grét Arn­ar­dótt­ir, fimm barna móðir á Djúpa­vogi, fann fyrst fyrir vöntun á barna- og

ung­menna­tíma­riti fyrir um 6 árum síðan þegar dóttir hennar sem þá var 6 ára vildi verða

áskrif­andi af tíma­riti en fátt fannst þeim um góða drætti í þeim efn­um.

Öðru hvoru síðan

hefur þetta komið upp í huga Ágústu en það var ekki fyrr en fimmta og síð­asta fæð­ing­ar­or­lofi

lauk í sept­em­ber sl. að hún ákvað að setja hug­mynd­ina í fram­kvæmd.

Hvernig vakn­aði hug­myndin að verk­efn­inu?

„Þegar dóttir mín bað mig um að fá að vera áskrif­andi af tíma­riti fyrir um 6 árum síðan fannst

mér það frá­bær hug­mynd til að auka lestur og fjöl­breyti­leika les­efnis sem hún hafði aðgengi

að. Hins vegar fundum við ekk­ert sem heill­aði okk­ur, mögu­lega var ég haldin ein­hverri

nostal­g­íu­þrá eftir ein­hverju sam­bæri­leg­u A­BC og Æsk­unni eins ég man þau tíma­rit frá minni

barn­æsku.

Spurningin af hverju er ekki verið að gefa út hvetj­andi og efl­andi efni fyrir börn og

ung­menni í tíma­rita formi kom oftar og oftar upp í haus­inn á mér. Hug­myndir um efni í svona

tíma­rit juk­ust líka jafnt og þétt og trú mín á vöntun á þetta varð til þess að ég ákvað að stíga

fyrstu sporin og kanna áhuga fólks á að taka þátt í þessu með mér. Það má segja að

við­brögðin frá fólki sem ég þekki, og þekki ekki neitt, gerðu úts­lag­ið. Þetta tíma­rit þarf að

koma út.“

Segðu okkur frá þema verk­efn­is­ins?

„Þemað er hvatn­ing, efl­ing og þátt­taka barna og ung­menna. Eig­andi fimm börn, sem öll hafa á

ein­hvern hátt stýrt fram­vindu verk­efn­is­ins, veit ég hversu mik­il­vægt er að efla þeirra innri

mann­eskju og tengja þau við það sem skiptir raun­veru­lega máli. Þau verða fyrir stans­lausu

áreiti í gegnum net­ið, bíó­mynd­ir, aug­lýs­ing­ar, sam­fé­lagið og fleira. Það er lát­laust verið að

segja þeim með­vitað eða ómeð­vitað hvernig þau eiga að vera, hvað er töff, hvað er gott,

hvað gerðum við þegar við vorum yngri og fleira.“

Hér er hægt að skoða og styrkja verk­efn­ið.