Tölvu­leik­ur­inn Gunjack frá íslenska hug­bún­að­ar­fyr­ir­tæk­inu CCP kemur út í dag en það er fyrsti tölvu­leikur CCP sem krefst þess að spil­ar­inn noti sýnd­ar­veru­leika­búnað til að spila. Leik­ur­inn ger­ist í EVE-heim­inum þar sem EVE Online tölvu­leik­ur­inn ger­ist líka en það er lang­vin­sæl­asti tölvu­leikur CCP. Frá þessu var greint í frétta­til­kynn­ingu í morg­un.

Not­ast verður við Sam­sung Gear VR-­bún­að­inn til að spila leik­inn. Sam­sung-­snjall­síma af sér­stakri gerð er komið fyrir í gler­augum sem not­and­inn ber svo á hausnum á sér auk heyrnatóla. Með hverri hreyf­ingu spilar­ans birt­ist ný mynd á skjánum svo það er eins og hann sé raun­veru­lega staddur á fjar­lægri plánetu að berj­ast við vél­menni.

„Sýnd­ar­veru­leiki mun skipa stóran sess í afþreyg­ing­ar­iðn­aði fram­tíð­ar­inn­ar,“ lætur Hilmar Veigar Pét­urs­son, fram­kvæmda­stjóri CCP, hafa eftir sér í frétta­til­kynn­ing­unni. Hann segir leik­inn því marka ákveðin tíma­mót í sögu fyr­ir­tæk­is­ins. 

Gunjack var að mestu þró­aður í Shangai þar sem CCP er með starf­stöð. Fram­leiðslu­stjóri leiks­ins, Jean-Charles Gaudechon, segir mark­miðið hafa verið að ná því besta út úr þess­ari nýju tækni sýnd­ar­veru­leik­ans. „Við þróun leiks­ins reyndum við að nýta þessa nýju tækni til hins ýtrasta þannig að spil­ari leiks­ins fari í annan heim þegar hann setur á sig Gear VR-­bún­að­inn,“ er haft eftir Caudechon.

Fleiri fyr­ir­tæki og sam­tök hafa reynt sýnd­ar­veru­leik­ann til að færa það sem áður virt­ist óraun­veru­legt að vitum fólks. Má þar nefna UNICEF á Íslandi sem færði fólk í flótta­manna­búðir í Jórdaníu með sama bún­aði. Mögu­leikar tæk­is­ins eru því miklir, bæði í heimi afþreyg­ingar og upp­lýs­inga­miðl­un.