Fram­kvæmda­stjórn Evr­ópu­sam­bands­ins (ESB) hefur stað­fest að ­form­leg rann­sókn sé hafin á skatta­samn­ingum milli Lúx­em­borg og alþjóð­lega skyndi­bit­ar­isans McDon­ald´s. Rann­sóknin snýr að því hvort sam­komu­lagið sé svo hag­stætt McDon­ald´s að í því felist rík­is­styrkur frá Lúx­em­borg.

Þetta er ekki í fyrsta sinn sem skatta­mál McDon­ald´s í Lúx­em­borg eru til rann­sókn­ar. Fyrir tveimur árum rann­sök­uðu frönsk yfir­völd þau og fyrr á þessu ári sendi hópur verka­lýðs­fé­laga frá sér mjög gagn­rýna skýrslu um skatta­mál McDon­ald´s, sem er stærsta skyndi­bita­keðja Evr­ópu.

Sam­kvæmt frétt the Guar­dian um málið kom fram í skýrsl­unn­i að félagið McD Europe Franchising Sarl, sem er stað­sett í Lúx­em­borg og til­heyrir McDon­ald´s sam­stæð­unni, hafi fengið um 834 millj­ónir evra, 117 millj­arða króna, í þókn­anir árið 2013 þrátt fyrir að vera ein­ungis með þrett­án ­starfs­menn. Í skýrsl­unni var einnig bent á að skipu­lag sam­stæðu McDon­ald´s í Evr­ópu hafi verið breytt árið 2009 og höf­uð­stöðvar þess færðar frá Bret­land­i til Gen­f.