Nýjasta stór­mynd leik­stjór­ans Quentin Tar­antino, The Hateful Eight, verður frum­sýnd í kvik­mynda­húsum í Banda­ríkj­unum á morg­un, föstu­dag. ­Þrátt fyrir það er þegar búið að leka mynd­inni í góðum gæðum á inter­netið og hægt er að horfa á hana eða nið­ur­hala á flestum ólög­legum streymi- eða ­nið­ur­hals­síðum netheima.

Það er vert að velta fyrir sér hvernig það getur gerst að kvik­mynd­ir ­leka áður en þær eru einu sinni frum­sýnd­ar? Hvaðan kemur ein­takið af mynd­inni sem hlaðið er upp á net­ið? Svarið er ein­falt: það er verð­launa­há­tíð­ar­tíð.

Í aðdrag­anda stærstu verð­launa­há­tíða kvik­mynda­heims­ins (BAFTA, Golden Globe og auð­vitað Ósk­ars­ins) þá senda kvik­mynda­verin þær mynd­ir ­sem þau telja lík­leg­ust til afreka til fjölda aðila sem hafa áhrif á val á til­nefn­ingum til ofan­greindra verð­launa. Á und­an­förnum árum hafa þess­ar út­send­ingar án und­an­tekn­inga leitt til þess að allar helstu kvik­mynd­ir und­an­far­ins árs, og jafn­vel myndir sem enn á eftir að frum­sýna, verða ­skyndi­lega aðgengi­legar á net­inu í góðum gæð­um.  

Á síðu Business Insider er greint frá því að The Hateful Eight hafi fyrst verið deilt á net­inu af hóp sem kallar sig Hive-CM8, en seg­ir að The Hollywood Reporter telji sig hafa borið kennsl á þann sem átti ein­tak­ið ­sem lak. Sá er for­stjóri kvik­mynda­fram­leiðslu­fyr­ir­tæk­is­ins Alcon Enterta­in­ment, og heitir Andrew Kosove.

Sam­kvæmt frá­sögn Business Insider liggur ekk­ert fyrir hvort ­Kosove sé ábyrgur fyrir lek­anum né að hann hafi í raun gert nokkuð rang­t. Raunar er talið að hann sé sak­laust fórn­ar­lamb í mál­inu. Hann sagði við Hollywood Reporter að hann hefði aldrei séð diskinn með mynd­inni og aldrei ­fengið hann í hend­ur. Kosove sagði að fyr­ir­tæki sitt ætl­aði ekki bara að vinna ­náið með banda­rísku alrík­is­lög­regl­unni (FBI) við rann­sókn máls­ins, heldur að fram­kvæma sína eigin inn­an­hús­rann­sókn lík­a. 

Rann­sókn FBI bein­ist að því að ein­hver hafi kom­ist yfir ein­tak af DVD-diski með mynd Tar­antino sem ætluð var Kosove áður en hún skil­aði sér á áfanga­stað. Hvort sá sem hafi stolið henni sé ­starfs­maður Alcon, dreif­ing­ar­að­ila mynd­ar­innar The Wein­stein Company eða bara ein­hver allt annar liggur enn ekki fyr­ir. Ljóst er þó að skað­inn er skeður og fjár­hags­legt tjón fram­leið­enda mynd­ar­innar verður gríð­ar­legt.

Það var í raun ekki flókið ferli að rekja hvaða ein­taki hefði verið lek­ið. Þegar ein­tök af kvik­myndum sem von­ast er til að hljóti náð ­fyrir val­nefndum stærstu verð­launa­há­tíð­anna þá er hvert ein­tak merkt með­ ­sér­stöku vatns­merki. Þannig er sam­stundis hægt að átta sig á hvaða ein­taki var ­lek­ið. Hóp­arnir sem stunda það að stela kvik­myndum sem þessum eru hins veg­ar orðnir nokkuð sjó­aðir í að fjar­lægja þessi vatns­merki. Í þessu til­felli hef­ur þeim ekki tek­ist að gera það nægj­an­lega vel.

Yfir­vof­andi rann­sókn FBI virð­ist ekki ætla að hræða Hive-CM8 frá því að halda ótrauður áfram starf­semi sinni. Hóp­ur­inn seg­ist vera með und­ir­ höndum um 40 myndir sem hann eigi eftir að leka út á net­ið. Fyrst verði þær ­myndir sem mest eft­ir­vænt­ing hefur verið eft­ir, eins og The Hateful Eight, ­lekið út og svo verði hinum mjatlað út.