Olíuverð hækkar um rúmlega 11 prósent

wall-street-sign.jpeg
Auglýsing

Verð á hrá­olíu hefur hækkað um rúm­lega ell­efu pró­sent í morg­un, og stendur nú í tæp­lega 30 Banda­ríkja­dölum. Aðrar hrá­vör­ur, sem hafa verið að lækka mikið und­an­farnar vikur, hafa einnig hækkar mik­ið, sem og hluta­bréf í alþjóð­legum bönk­um. 



Á vef Wall Street Journal segir að þessi mikla hækk­un, hafi komið mörgum á óvart, og sé enn ein stað­fest­ingin á því að það sem helst ein­kenni gang efna­hags­mála í alþjóð­hag­kerf­inu í augna­blik­inu, sé mik­ill óstöð­ug­leiki. Eignir sveiflist mikið upp og niður sem bendi til þess að fjár­festa hafa ekki góða vissu um þróun mála, og færi fjár­magna stöðugt milli eigna­flokka.



Hag­tölur frá mörgum af helstu mark­aðs­svæðum heims­ins, Evr­ópu, Japan og Kína meðal ann­ars, benda til þess að hag­vöxtur sé umtals­vert undir vænt­ingum og á fyrstu vikum árs­ins. 



Í Fin­ancial Times (FT) síð­ast­lið­inn mið­viku­dag kom fram að nú séu fjár­festar farnir að ótt­ast hið versta. Fjár­mála­kerfin séu ekki nógu burgðug til að takast á við sam­drátt­ar­skeið, og að skuldum vafnir rík­is­sjóð­ir, ekki síst Evr­óp­ur­landa, muni lenda í enn meiri erf­ið­leik­um. Enn sem komið er eru það helst hluta­bréfa­mark­aðir sem sýna ein­kenni þess að fjár­festar ótt­ist næstu mán­uði. Hag­tölur í Banda­ríkj­unum hafa verið að batna á und­an­förnum mán­uð­um, og mælist atvinnu­leysi undir fimm pró­sentum þessi miss­er­in, en nýjum störfum fækk­aði hins vegar nokkuð í jan­úar miðað við sama mánuð í fyrra. 



Evr­ópu er atvinnu­leysi að með­al­tali ríf­lega tíu pró­sent, og hefur Seðla­banki Evr­ópu sagt að hugs­an­lega muni koma til þess að nýjum stuðn­ing­ar­að­gerðum bank­ans verið hrint í fram­kvæmd, sem miði að því að örva hag­kerf­in.



Auglýsing



Meira úr sama flokkiFréttaskýringar
None