Í yfir­lýs­ingu frá Borg­un, kemur fram að stjórn Borg­unar geri alvar­legar athuga­semdir við fram­göngu Stein­þórs Páls­son­ar, banka­stjóra Lands­bank­ans, í fjöl­miðl­um. Yfir­lýs­ingin var send út, eftir að Stein­þór var í við­tali í Kast­ljósi RÚV. Segir í yfir­lýs­ing­unni að Stein­þór hafi „ít­rekað farið með dylgjur og óbeinar ásak­anir um óheið­ar­leika og illan ásetn­ing stjórn­enda Borg­un­ar“ sem stand­ist enga skoð­un. 

Stein­þór sagð­ist í við­tal­inu við Kast­ljós í kvöld, ekki ætla að hætta vegna máls­ins, og að Lands­bank­inn væri að kanna hvort kæra ætti stjórn­endur Borg­unar vegna máls­ins.



Vísar stjórnin í þessu til við­skipta með 31,2 pró­sent hlut í Borg­un, sem seldur var bak við luktar dyr til val­innar fjár­festa, meðal ann­ars stjórn­enda Borg­un­ar, undir lok árs 2014. Hlut­ur­inn var seldur á 2,2 millj­arða króna og heild­ar­virði félags­ins var metið á um sjö millj­arða. Í dag er það talið allt að 26 millj­arða króna virði.

Yfir­lýs­ingin er orð­rétt þessi:

„1. Stjórn­endur og aðrir starfs­menn Borg­unar keypt­u 6,24% hlut í félag­inu af Lands­bank­an­um. Tveim­ur ­mán­uðum áður en til­kynnt var um sölu Visa Europe og hagnað Borg­un­ar, seldu þessir sömu stjórn­endur Borg­unar rúman helm­ing af þeim hlut, án nokk­urs fyr­ir­vara um sölu Visa Europe. Allt tal um blekk­ingar verður alger­lega frá­leitt í þessu ljósi.

2. ­Stein­þór Páls­son er orð­inn marg­saga um hvort og hvernig Lands­bank­inn kynnti sér mögu­legan val­rétt Visa Inc. Eins hvers vegna bank­inn gerði fyr­ir­vara í við­skiptum með eign sína í Valitor en ekki í Borg­un. Stað­reyndin er sú að Lands­bank­inn hafði mun betri aðgang að upp­lýs­ingum um þennan val­rétt en Borg­un. Það er ótrú­legt að Lands­bank­inn, eftir að hafa að eigin sögn kynnt sér gögn um val­rétt­inn vel,  hafi samt kom­ist að þeirri nið­ur­stöðu að Borg­un, einn allra leyf­is­hafa,  hefði ekki rétt til greiðslna, kæmi til sölu Visa Europe.

3. Við sölu á hlut Lands­bank­ans í Borgun árið 2014 höfðu full­trúar Lands­bank­ans  aðgang að öllum upp­lýs­ingum sem máli skiptu, að und­an­skilum upp­lýs­ingum um sam­keppn­is­að­ila sína.

4. Alvar­legar ásak­anir banka­stjór­ans um ­mein­t lög­brot ann­arra í þessu máli má sjálf­sagt skoða í ljósi þeirrar erf­iðu stöðu sem Lands­bank­inn er kom­inn í. Stjórn­endur Borg­un­ar frá­biðja sér með öllu að vera gerðir að blóra­bögglum í þessu máli.“