Fram­kvæmda­stjórn Evr­ópu­sam­bands­ins vill að ríki sam­bands­ins aflétti vega­bréfa­eft­ir­liti á innri landa­mærum fyrir lok þessa árs, til þess að bjarga Schen­gen-­sam­starf­inu, einu helsta afreki Evr­ópu­sam­vinnu. Þetta kemur fram í drögum að skýrslu frá fram­kvæmda­stjórn­inni, sem breska blaðið Guar­dian hefur séð og skrifar um í dag. 

Landamæra­eft­ir­lit og ýmiss konar landa­mæri hafa birst innan Evr­ópu í tengslum við flótta­manna­vand­ann í álf­unni. Frá því í sept­em­ber í fyrra hafa átta ríki innan Schen­gen-­svæð­is­ins tekið upp landamæra­eft­ir­lit á ný. Sam­kvæmt skýrslu­drög­unum hefur landamæra­eft­ir­lit vakið upp spurn­ingar um raun­veru­lega virkni Schengen svæð­is­ins og frjálsrar far­ar. Nú sé kom­inn tími fyrir ríki til að taka sig saman og láta hags­muni svæð­is­ins alls ráða, til þess að halda einu helsta afreki sam­bands­ins gang­andi. Skýrslan verður gerð opin­ber á föstu­dag­inn. 

Fram­kvæmda­stjórnin vill að þessum landamæra­lok­unum verði aflétt eins fljótt og hægt er og ekki síðar en í nóv­em­ber 2016. Hún vill hins vegar líka að eft­ir­litið á ytri landa­mærum Schengen verði eflt veru­lega, og mun á ný vara Grikki við því að þeir verði mögu­lega látnir víkja úr Schengen ef þeim tekst ekki að bæta landamæra­eft­ir­lit í maí. 

Skýrslan er gerð nú í aðdrag­ana fundar ESB og Tyrk­lands um flótta­manna­mál­in, sem hefst eftir helgi.