Verð­lækk­un­in á olíu und­an­farna sextán mán­uði, sem nemur um 70 pró­sent­um, hefur komið illa við norska hag­kerfið og er meg­in­á­stæða þess, að norsk stjórn­völd töld­u rétt­læt­an­legt að nýta lít­inn hluta af hinum stóra olíu­sjóði Nor­egs heima fyr­ir. 

Meira en 95 pró­sent af eignum norska olíu­sjóðs­ins, sem nema um 800 millj­örð­u­m ­Banda­ríkja­dala, eða sem nemur rúm­lega 106 þús­und millj­örðum króna, er í er­lendum eignum utan Nor­egs. Sjóð­ur­inn hefur tapað tölu­verðu af verð­gildi sín­u að und­an­förnu, eða um fjórum pró­sentum miðað upp­gjör í lok síð­asta árs.



Yngve Slyngstad, for­stjóri sjóðs­ins, ­segir að eigna­safn sjóðs­ins sé dreift á milli fjöl­margra eigna­mark­aða um allan heim, og það sé næmt fyrir nið­ur­sveiflum á heims­mörk­uð­um, að því er fram kom í við­tali við Slyngstad hjá CNBC, í lok októ­ber í fyrra.



Upp­hæðin sem nú hefur verið greidd til norska rík­is­ins, verður síðan nýtt til­ þess að örva efna­hags­líf­ið, meðal ann­ars með inn­viða­fjár­fest­ing­um, nemur 6,7 millj­örðum norskra króna, eða sem nemur um 100 millj­örðum króna. Það er upp­hæð ­sem er um 0,1 pró­sent af stærð sjóðs­ins, miðað við lok árs í fyrra. 

Norsk stjórn­völd hafa sagt, að var­lega verði farið í að nota fjár­muni úr ­sjóðnum heima fyr­ir, enda er sjóð­ur­inn svo stór, að þensla getur skap­ast ef á­kveðið verður að nýta of stóran hluta hans þar. Jafn­vel þó lægð sé nú í efna­hags­líf­inu, sé miðað við upp­gangs­tím­ann á liðnum árum.