Yfir sex þús­und ein­stak­lingar hafa verið hand­teknir í Tyrk­landi, eftir að til­raun til valda­ráns mistókst í Tyrk­landi. Stærstur hlut­i hinna hand­teknu kemur úr röðum tyrk­neska hers­ins en einnig hafa 2.700 dóm­ar­ar og sak­sókn­ar­ar, víða um land­ið, verið hand­tekn­ir, sam­kvæmt fréttum breska ­rík­is­út­varps­ins BBC.

Erdogan for­seti segir valda­ránstil­raun­ina hafa ver­ið „guðs­gjöf“ sem gefi færi á end­urs­upp­stokkun hers­ins, og að þeir sem stóðu að ­valda­ránstil­raun­inni muni fá mak­leg mála­gjöld.

Sam­tals lét­ust 265 í átökum á meðan á til­raun­inni stóð.

Dóms­mála­ráð­herra lands­ins, Bekir Mozdag, segir að „hreins­un­ar­starf“ sé í gangi, en meira en 50 yfir­menn í hern­um, þar á með­al­ tugir manna sem flúðu með þyrlu til Grikk­lands, hafa verið hand­tekn­ir.

Leiðogar margra af stærstu ríkjum heims­ins hafa hvatt ­stjórn­völd í Tyrk­landi til þess að virða lög lands­ins þegar kemur að upp­gjöri við valda­ránstil­raun­ina. Ang­ela Merkel segir að þjóðir heims­ins muni fylgjast grannt með gangi mála í Tyrk­landi, og veita aðstoð eins og óskað verður eft­ir.