Hreiðar Már Sig­urðs­son, fyrr­ver­andi for­stjóri Kaup­þings, hefur farið fram á að lög­regla rann­saki starfs­hætti starfs­manna emb­ættis Sér­staks sak­sókn­ara. Hann segir starfs­menn­ina hafa leynt mik­il­vægum sönn­un­ar­gögnum í saka­málum gegn sér sem hefðu hugs­an­lega geta leitt til sýknu hans í þeim málum sem hann hefur verið dæmdur í. Frétta­stofa RÚV greindi frá þessu í kvöld.

Hér­aðs­dómur Reykja­víkur sýkn­aði Hreiðar Má, Sig­urð Ein­ars­son, fyrr­ver­andi stjórn­ar­for­mann Kaup­þings, og Magnús Guð­munds­son, fyrr­ver­andi banka­stjóra Kaup­þings í Lúx­em­borg, í svoköll­uðu CLN-­máli í jan­úar þar sem þre­menn­ing­unum var gefið að sök að hafa við­haft flókin við­skipti sem voru til þess fallin að sýna bank­ann sterk­ari en hann raun­veru­lega var. Þá hafði hér­aðs­dómur kveðið upp úrskurð um að sak­born­ing­arnir ættu rétt á aðgengi að öllum þeim gögnum sem emb­ætti Sér­staks sak­sókn­ara hefði aflað úr tölvu­kerfi Kaup­þings. Hreiðar Már telur að aðgengi að öllum gögn­unum hafi ráðið úrslitum um að hann hafi verið sýkn­aður í mál­inu.

Hreiðar Már er, ásamt þeim Magn­úsi Guð­munds­syni og Lárusi Weld­ing, sá ein­stak­lingur sem Sér­stakur sak­sókn­ari ákærði oft­ast eða alls fjórum sinn­um. Hreiðar Már hefur tvisvar verið sak­felldur í Hér­aðs­dómi í málum sem Sér­stakur sak­sókn­ari hafði til rann­sókn­ar; fyrst í Al Than­i-­mál­inu í des­em­ber árið 2013, sem Hæsti­réttur stað­festi svo, og svo í Marp­le-­mál­inu í októ­ber í fyrra.

Í CLN-­mál­inu voru Hreiðar Már og Sig­urður Ein­ars­son ákærðir fyrir stór­felld umboðs­svik með því að lána fjórum eign­ar­halds­fé­lögum 260 millj­ónir evra. Félögin fjögur laun­uðu féð áfram til tveggja ann­arra félaga sem not­uðu það til að kaupa láns­hæf­istengd skulda­bréf (Credit Lin­ked Not­es, eða CLN) sem tengd voru skulda­trygg­ing­ar­á­lagi Kaup­þings.

Þegar þýski bank­inn Deutsche Bank hóf veð­köll vegna máls­ins fengu síð­ari félögin tvö 260 millj­ónir evra til við­bótar lán­uð. Sam­tals nemur láns­upp­hæðin 510 millj­ónum evra eða um 70 millj­örðum króna á gengi dags­ins í dag. Í ákæru sér­staks sak­sókn­ara kemur fram að talið sé að útlánin séu að öllu leyti töp­uð. Þar segir einnig að menn­irnir tveir hafa valdið Kaup­þingi „stór­felldu tjóni“ með hátt­semi sinni. Sem fyrr segir voru banka­menn­irnir þrír sýkn­aðir af þessum ákær­um.

Hreiðar Már seg­ist hafa ítrekað gagn­rýnt Sér­stakan sak­sókn­ara fyrir að hafa ekki veitt sak­born­ingum fullan aðgang að þeim gögnum sem sak­sókn­ara­emb­ættið hafði undir hönd­um, eftir bæði hús­leit í Kaup­þingi og leit í tölvu­kerfi hins fallna banka. Gögnin sem sak­born­ingar hefðu fengið að sjá voru aðeins þau gögn sem emb­ættið setti fram til rök­stuðn­ings fyrir dómi.