Karl Garð­ars­son, þing­maður Fram­sókn­ar­flokks­ins, vill leiða lista flokks­ins í Reykja­vík­ur­kjör­dæmi norður fyrir næstu Alþing­is­kosn­ing­ar. Hann til­kynnti þetta í dag. Val­ið verður á lista flokks­ins á tvö­földu kjör­dæm­is­þingi í lok ­mán­að­ars­ins. Þor­steinn Sæmunds­son þing­maður ætlar líka að reyna við fyrsta sætið í kjör­dæm­in­u. 

Sig­rún Magn­ús­dóttir og Frosti Sig­ur­jóns­son eru þing­menn flokks­ins í reykja­vík­ur­kjör­dæmi norð­ur, en þau ætla bæði að hætta eftir núver­andi þing. Hinn þing­maður flokks­ins í reykja­vík suð­ur, Vig­dís Hauks­dótt­ir, ætlar líka að hætta. 

„Ég hef ­setið á Alþingi frá árinu 2013 fyrir Reykja­vík­ur­kjör­dæmi ­suð­ur. Í störfum mínum hef ég m.a. lagt áherslu á heil­brigð­is­mál, skatta­mál og mál­efni tengd öldruð­um, og hef lagt fram frum­vörp og þings­á­lykt­un­ar­til­lögur þar um,“ segir Karl í til­kynn­ingu.

Eng­inn kom­inn enn í Reykja­vík suður  

Karl er að færa sig um kjör­dæmi, en hann hefur setið fyrir Reykja­vík­ur­kjör­dæmi suður hingað til. Lilja Dögg Alfreðs­dóttir utan­rík­is­ráð­herra hefur ekk­ert viljað gefa upp um hvort hún ætli að bjóða sig fram til Alþingis fyrir næstu kosn­ing­ar. Hún er eini fram­sókn­ar­mað­ur­inn sem hefur ekki gefið út ákvörðun sína. Eng­inn hefur enn boðið sig fram til að leiða list­ann í Reykja­vík­ur­kjör­dæmi suð­ur, gamla kjör­dæmi Karls.