Stærstu borgir Banda­ríkj­anna munu ekki breyta áætl­unum sínum neitt sem snúa að því að berj­ast gegn mengun af manna­völdum í heim­inum og hlýnun jarð­ar. Ef Don­ald Trump, nýkjör­inn for­seti Banda­ríkj­anna, mun setja ný mark­mið - þar sem hlýnun jarðar er afneitað - þá munu borg­irnar ein­fald­lega ekki hlusta á það og halda áfram á sömu braut. 

Þetta kom fram í máli Mich­ael Bloomberg, fyrr­ver­andi bor­ar­stjóra í New York, á fundi í Was­hington í gær með Kín­verskum emb­ætt­is­mönnum og fyr­ir­tækj­u­m. 

Bloomberg hrós­aði Kín­verjum fyrir að gefa sterk­lega til kynna, að alveg sama hvað Trump segði, þá myndi það ekki breyta neinu um þau áform Kín­verja, um að standa við skuld­bind­ingar Par­ís­ar­sam­komu­lags­ins. 

Bloomberg sagði enn fremur að sá árangur sem náðst hefði á síð­ustu árum hefði að nán­ast engu leyti komið í gegnum Banda­ríkja­þing og stjórn­völd, þrátt fyrir góðan vilja, heldur hefðu það verið borgir, fyr­ir­tæki og borg­ar­arnir sjálfir sem hefur gert mest til þess að vinna gegn alvar­legum áhrifum hlýn­unar jarð­ar. 

Sjálfur hefur Trump sagt - eftir að hann var að kjör­inn - að hann muni nálg­ast umhverf­is­mála­flokk­inn með „opnum huga“ og seg­ist jafn­vel til­bú­inn til að þess að skipta um skoðun ef hann telur það vera hið rétta, eftir að hafa fengið upp­lýs­ingar frá sér­fræð­ingum um mála­flokk­inn. 

Borg­ar­stjórar New York, Phila­delp­hiu, Seatt­le, Los Ang­el­es, Was­hington og Chicago hafa nú form­lega til­kynnt um að borg­ar­yf­ir­völd muni ekki fara eftir fyr­ir­mælum um að vísa inn­flytj­endum úr landi sem ekki eru rétt skráðir inn í land­ið, eða óskráð­ir, komi til þess að stjórn Trumps til­kynni um slíkt.