Don­ald J. Trump, nýkjör­inn for­seti Banda­ríkj­anna, segir í færslu á Twitt­er-­svæði sínu að til við­bótar við yfir­burða­sigur hans í kjör­manna­kosn­ing­unni þá hefði hann unnið heild­ar­kosn­ing­una (popular vote) einnig, ef ekki hefði verið fyrir þær „millj­ónir kjós­enda“ sem kusu ólög­lega. 

Þetta kom fram á Twitt­er-­svæði hans í dag, og hafa allir helstu fjöl­miðlar Banda­ríkj­anna fjallað um yfir­lýs­ing­una í dag. Hún kemur í beinu fram­haldi haf því að Jill Stein, fram­bjóð­andi Græn­ingja, hefur farið fram á end­ur­taln­ingu atkvæða í þremur ríkjum þar sem mjótt var á munum milli Hill­ary Clinton og Don­ald Trump, og vilja margir frétta­skýrendur meina það, að í þessum ríkjum hafi úrslitin í raun ráð­ist. Þetta eru Winscons­in, Penn­syl­vanía og Michig­an. 

Stein hefur sagt, að orðrómur um tölvu­hakk­arar hafi haft áhrif á útkomu raf­rænnar kosn­ingar í ríkj­unum sé alvar­leg­ur, og það þurfi að fást botn í það hvernig staðan var í raun og veru. Hill­ary Clinton hefur tekið undir þetta, og vísað til þess að vitað sé að tölvu­hakk­arar hafi verið að skipta sér af kosn­inga­bar­átt­unni með því að kom­ast yfir gögn og birta þau. Þau afskipti voru rakin til tölvu­hakk­ara í Rúss­landi.

Hill­ary Clinton hlaut ríf­lega 64 millj­ónir atkvæða í kosn­ing­unum en Don­ald Trump ríf­lega 62 millj­ónir atkvæða. Þrátt fyrir það hlaut Trump muni fleiri kjör­menn en Hill­ary, en að lág­marki þurfti að tryggja 270 til að ná í Hvíta hús­ið.