Útganga Bretlands úr ESB hefst formlega 29. mars

Theresa May mun virkja 50. grein Lissabonsáttmálans þann 29. mars næstkomandi, og þá geta formlegar samningaviðræður um útgöngu ríkisins úr ESB hafist. Þeim verður að ljúka á tveimur árum.

Theresa May og Angela Merkel.
Theresa May og Angela Merkel.
Auglýsing

Ther­esa May, for­sæt­is­ráð­herra Bret­lands, mun virkja 50. grein Lissa­bonsátt­mál­ans þann 29. mars næst­kom­andi og með því hefja form­lega útgöngu­ferli rík­is­ins úr Evr­ópu­sam­band­inu. Þetta hefur tals­maður hennar nú stað­fest. 

Áður hefur verið greint frá því að hún myndi virkja ákvæðið form­lega fyrir lok mars­mán­að­ar. May mun senda bréf til for­seta fram­kvæmda­stjórnar Evr­ópu­sam­bands­ins, Don­ald Tusk, þar sem þetta verður til­kynnt. Hún mun einnig flytja breska þing­inu skýrslu um málið þennan dag, sam­kvæmt Guar­dian

Þegar búið er að virkja 50. grein­ina geta samn­inga­við­ræður um útgöngu Bret­lands form­lega hafist, en virkjun grein­ar­innar er eina lög­lega leiðin fyrir ríki til þess að draga sig út úr sam­band­inu. Þegar greinin hefur verið virkjuð á að ljúka samn­ingum um útgöngu innan tveggja ára, en flestir telja þó ólík­legt að það náist. 

Auglýsing

Hægt er að fram­lengja þennan samn­ings­tíma en það verður aðeins gert með sam­hljóma ákvörðun Evr­ópu­ráðs­ins. Hvert ein­asta aðild­ar­ríki hefur einnig neit­un­ar­vald þegar kemur að sam­komu­lag­inu um útgöngu, ekki ein­göngu Bret­land. Þjóð­þing allra ríkj­anna munu koma til með að kjósa um útgöngu­samn­ing­inn þegar hann liggur fyr­ir. 

Meira úr sama flokkiErlent
None