Arion banki hefur óskað eftir því að fá upp­lýs­ingar um end­an­lega eig­endur þeirra aðila sem keyptu 29,18 pró­sent hlut í bank­anum um liðna helgi, og eiga umfram eitt pró­sent hluta­fjár. Þegar upp­lýs­ing­arnar ber­ast munu þær verða birtar á heima­síðu Arion banka. Þetta hefur Kjarn­inn fengið stað­fest hjá Arion banka.

Fjár­mála­eft­ir­litið sendi frá sér frétt í gær þar sem það vakti athygli á því að fjár­­­­­mála­­­fyr­ir­tækjum beri að til­­­­­greina nöfn og hlut­­­falls­­­legt eign­­­ar­hald allra þeirra sem eiga umfram eitt pró­­­sent hluta­fjár á heima­­­síðu sinni. „Sé lög­­­að­ili eig­andi hluta­fjár umfram eitt pró­­­sent skal jafn­­­framt koma fram hvaða ein­stak­l­ingur eða ein­stak­l­ingar séu raun­veru­­­legir eig­endur við­kom­andi lög­­­að­ila.“

Jón Þór Sturlu­­son, aðstoð­­ar­­for­­stjóri eft­ir­lits­ins, sagði í tíu­fréttum RÚV í gær að Arion banki hefði fjóra daga til að upp­­­fylla þessa skyldu. Því eiga upp­lýs­ing­arnar að liggja fyrir í lok þess­arar viku.

Arion banki óskaði eftir því við nýja eig­endur sína, sem eru þrír vog­un­ar­sjóðir og Gold­man Sachs, að fá upp­lýs­ingar til að upp­fylla þessa laga­skyldu.

Ekki víst að end­an­legir eig­endur verði gefnir upp

Það er þó ekki víst að þessi umleitan muni skila neinum upp­lýs­ingum um þá ein­stak­linga sem voru að kaupa sér stóran hlut í íslenskum við­skipta­banka.

Taconic, Och-Ziff, Attestor og Gold­man Sachs, sem keyptu sam­tals 29,18 pró­­sent hlut í Arion banka af Kaup­­þingi á 48,8 millj­­arða króna, eiga að mestu hlut­ina í gegnum sjóði. Í hverjum sjóði eru margir hlut­deild­ars­kirtein­is­hafar og til að hægt sé að rekja eign­ar­haldið á hlut­deild­ar­skír­teini áfram þarf ein­stak­lingur að eiga yfir tíu pró­sent í umræddum sjóði. Ef t.d. fjár­fest­inga­fé­lag á níu pró­sent af eignum umrædds sjóðs þá verður ekki hægt að rekja eign­ar­hald þess til þeirra ein­stak­linga sem eiga fjár­fest­inga­fé­lag­ið.