Þeir sem keyptu í Arion banka eiga 66 prósent í Kaupþingi

Vogunarsjóðirnir þrír og Goldmans Sachs, sem geta geta eignast rúman helming í íslenska viðskiptabankanum Arion banka, eiga 2/3 hluta í seljandanum, Kaupþingi. Því eru þeir að kaupa eign af sjálfum sér.

Kaupþing ehf. er eignarhaldsfélag utan um eftirstandandi eignir hins fallna banka, og í eigu fyrrverandi kröfuhafa hans.
Kaupþing ehf. er eignarhaldsfélag utan um eftirstandandi eignir hins fallna banka, og í eigu fyrrverandi kröfuhafa hans.
Auglýsing

Þeir fjórir aðilar sem hafa keypt 29,18 pró­sent hlut í Arion banka af Kaup­þingi ehf. eiga sam­tals 66,31 pró­sent hlut í Kaup­þingi. Langstærsti ein­staki eig­andi Kaup­þings eru sjóðir í stýr­ingu Taconic Capi­tal með 38,64 pró­sent eign­ar­hlut. 

Næst stærsti eig­and­inn er lúx­em­borgískt félag tengd vog­un­ar­sjóðnum Och-Ziff Capi­tal Mana­gement Group með 14,21 pró­sent eign­ar­hlut. Þriðji stærsti hóp­ur­inn eru sjóðir í stýr­ingu hjá Attestor Capi­tal, sem eiga 8,63 pró­sent hlut. Fjár­fest­inga­bank­inn Gold­man Sachs og sjóður í stýr­ingu hans eru síðan skráðir fyrir 4,83 pró­sent hlut. Þetta kemur fram í svari Kaup­þings við fyr­ir­spurn Kjarn­ans um eign­ar­hald á félag­inu.

Kaup­þing ehf. er eign­ar­halds­fé­lag utan um þær eignir sem kröfu­hafar fallna bank­ans Kaup­þings héldu eftir í kjöl­far þess að íslensk stjórn­völd sömdu um að heim­ila þeim að slíta þrota­búi bank­ans gegn greiðslu stöð­ug­leika­fram­laga. Langstærsta ein­staka eignin sem Kaup­þing átti var 87 pró­sent hlut í íslenska við­skipta­bank­anum Arion banka. Eigið fé hans var 211 millj­arðar króna um síð­ustu ára­mót.

Á sunnu­dag var til­kynnt að Taconic, Och-Ziff, Attestor og Gold­man Sachs hefðu keypt sam­tals 29,18 pró­sent hlut í Arion banka af Kaup­þingi á 48,8 millj­arða króna. Verðið sem greitt var fyrir er um 0,8 krónur á hverja krónu af bók­færðu eigin fé Arion banka.

Þegar samið var um stöðu­leika­fram­lög setti íslenska ríkið inn ákvæði þess efnis að það gæti gengið inn í við­skipti með hluti í Arion banka ef gengið yrði lægra en 0,8 af bók­færðu eigin fé bank­ans. Í því sam­komu­lagi var líka samið um að Kaup­­­þing þurfi að selja hlut sinn í Arion banka fyrir árs­­­lok 2018. Ef það myndi ekki tak­­ast myndi rík­­­is­­­sjóður leysa bank­ann til sín.

Í við­skipt­unum sem til­kynnt var um á sunnu­dag felst því að eig­endur ⅔ hluta Kaup­þings voru að kaupa stóran hluta í Arion banka á eins lágu verði og mögu­legt var fyrir þá án þess að virkja ákvæði sem gerði íslenska rík­inu kleift að ganga inn í kaup­in.

Til við­bótar á þessi hópur kaup­rétt á 21,9 pró­sent hlut í Arion banka til við­bót­ar. Nýti þeir hann, en lík­legt er að þeir geri það síðar á þessu ári, verða vog­un­ar­sjóð­irnir þrír og Gold­man Sachs beinir eig­endur að meiri­hluta í Arion banka.

Vantar 0,01 pró­sent til að telj­ast virkir eig­endur

Ekki hefur verið til­greint hverjir eru end­an­legir eig­endur þeirra sjóða sem munu saman verða ráð­andi eig­endur Arion banka nýti þeir kaup­rétt sinn. Tveir þeirra, Taconic og Attestor, halda sem stendur á 9,99 pró­sent hlut. Til að Fjár­mála­eft­ir­litið meti hæfi aðila til að fara með virkan eign­ar­hluta í fjár­mála­fyr­ir­tæki, meðal ann­ars út frá orð­spori, þurfa þeir hins vegar að eiga í minnsta lagi tíu pró­sent hlut. Því mun eft­ir­litið ekki fara yfir hæfi þeirra vog­un­ar­sjóða sem keyptu í Arion banka um liðna helgi. Að minnsta kosti ekki fyrr en þeir nýta kaup­rétt sinn og eign­ast meira í bank­an­um.

Auglýsing

Í fréttum sem Fjár­mála­eft­ir­litið hefur birt hefur þó komið fram að kaupum vog­un­ar­sjóð­anna þriggja á hlutum í Arion banka fylgi ekki atkvæð­is­rétt­ur. Eft­ir­litið hefur hins vegar ekki „upp­­lýs­ingar um þetta atriði“ varð­andi Gold­man Sachs.

Hafa fjóra daga til að birta lista yfir eig­endur

Bene­dikt Jóhann­es­son, fjár­mála- og efna­hags­ráð­herra, var þrá­spurður um eign­ar­haldið á vænt­an­legum eig­endum í Arion banka á Alþingi í gær. Þar sagð­ist hann hafa óskað eftir því við for­stjóra Fjár­mála­eft­ir­lits­ins að upp­lýst verði um end­an­lega eig­endur í Arion banka og að það væri óvið­un­andi fyrir Íslend­inga að vita ekki hverjir standi þarna á bak við.

Fjármálaeftirlitið sendi frá sér frétt í gær þar sem það vakti athygli á því að fjár­­­mála­­fyr­ir­tækjum beri að til­­­greina nöfn og hlut­­falls­­legt eign­­ar­hald allra þeirra sem eiga umfram eitt pró­­sent hluta­fjár á heima­­síðu sinni. „Sé lög­­að­ili eig­andi hluta­fjár umfram eitt pró­­sent skal jafn­­framt koma fram hvaða ein­stak­l­ingur eða ein­stak­l­ingar séu raun­veru­­legir eig­endur við­kom­andi lög­­að­ila.“

Jón Þór Sturlu­son, aðstoð­ar­for­stjóri eft­ir­lits­ins, sagði í tíu­fréttum RÚV í gær að Arion banki hefði fjóra daga til að upp­fylla þessa skyldu.

Tíu stærstu eig­endur Kaup­þings opin­beraðir

Það hefur hins vegar ekki gengið vel hingað til að fá upp­lýs­ingar um end­an­lega eig­endur vog­un­ar­sjóða sem eign­ast hafa hluti í íslenskum fjár­mála­fyr­ir­tækj­um. End­ur­reistur Straumur fjár­fest­ing­ar­banki fékk á sínum tíma fjár­fest­inga­banka­leyfi frá Fjár­mála­eft­ir­lit­inu án þess að þurfa að greina frá hverjir end­an­legir eig­endur hans voru. Eina sem vitað var um það var að dótt­ur­fé­lag Deutsche Bank í Hollandi hélt utan um hlut­deild­ars­kirteini þeirra.

Þá komst Fjár­mála­eft­ir­litið að þeirri nið­ur­stöðu fyrr í ár að vog­un­ar­sjóð­ur­inn Burlington Loan Mana­gement, í eigu Dav­id­son Kempner, mætti fara með virkan eign­ar­hlut í fjár­mögn­un­ar­fyr­ir­tæk­inu Lýs­ingu.

Kjarn­inn beindi fyr­ir­spurn til Kaup­þings um hverjir væru stærstu eig­endur þess félags. Í svari félags­ins kemur fram yfir­lit yfir tíu stærstu hlut­hafa Kaup­þings í lok árs 2016. Á þeim lista eru end­an­legir eig­endur hins vegar ekki til­greind­ir.

Eftirfarandi tíu eru stærstu eigendur Kaupþings
  1. fjár­fest­ing­ar­sjóðir í stýr­ingu Taconic Capi­tal 38,64%;
  2. Sculptor Invest­ments s.a.r.l., félag tengt Och-Ziff Capi­tal Mana­gement Group 14,21%;
  3. fjár­fest­ing­ar­sjóðir í stýr­ingu Attestor Capi­tal 8,63%;
  4. Gold­man Sachs og sjóður í stýr­ingu Gold­man Sachs 4,83%;
  5. fjár­fest­ing­ar­sjóðir í stýr­ingu Center­bridge 3,92%;
  6. Kaupt­hing Sin­ger & Fried­lander (in Administration) 3,14%;
  7. Deutsche Bank AG, London 3,01%;
  8. Merrill Lynch International 2,33%;
  9. Citigroup Global Markets Ltd. 2,10%;
  10. fjár­fest­ing­ar­sjóður á vegum Blu­eMountain Capi­tal Mana­gement 1,44%

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Kveikur
Kveikur sendir frá sér yfirlýsingu
Ritstjóri Kveiks segir að vinnubrögð RÚV og sá tími sem Samherja gafst til andsvara sé fyllilega í samræmi við lögbundar skyldur samkvæmt lögum um Ríkisútvarpið og reglum sem hvíla á blaða- og fréttamönnum.
Kjarninn 13. nóvember 2019
Verkalýðsforystunni ekki skemmt
Ekki stendur á viðbrögðum í samfélaginu eftir afhjúpanir fréttaskýringaþáttarins Kveiks og Stundarinnar í gærkvöldi. Forysta stærstu verkalýðsfélaganna lætur ekki sitt eftir liggja í umræðunni.
Kjarninn 13. nóvember 2019
Svandís Svavarsdóttir, heilbrigðisráðherra.
Svandís: Mynd af græðgi sem fór úr böndunum
Svandís Svavarsdóttir, heilbrigðisráðherra, segir að þær ávirðingar sem fram komu í umfjöllun Kveiks um meintar mútugreiðslur Samherja í Namibíu séu stórmál. Hún segir að sú mynd sem dregin var upp í þættinum sé mynd af græðgi sem fór úr böndunum.
Kjarninn 13. nóvember 2019
Bryndís Kristjánsdóttir skattrannsóknarstjóri.
Skattrannsóknarstjóri fékk nýlega gögn frá namibískum yfirvöldum
Embætti skattrannsóknarstjóra hefur bæst í hóp fjölmargra annarra rannsóknaraðila, hérlendis og erlendis, sem eru að skoða gögn um möguleg íslensk lögbrot í Namibíu. Opinberað var í gær að Samherji liggi undir grun um að hafa framið lögbrot.
Kjarninn 13. nóvember 2019
Nýi Seðlabankastormurinn hófst eftir að Kveikur nálgaðist Þorstein Má
Þorsteinn Már Baldvinsson hefur frá því í lok síðasta mánaðar ítrekað ásakað RÚV og Helga Seljan um hafa verið gerendur í rannsókn á Samherja sem hófst 2012. Þegar ásakanirnar hófust hafði Þorsteini þegar verið greint frá umfjöllunarefni Kveiks.
Kjarninn 13. nóvember 2019
Segir Kristján Þór Júlíusson hafa hitt „hákarlana“ frá Namibíu
Í Stundinni segir að Þorsteinn Már Baldvinsson, forstjóri Samherja, hafi kynnt Kristján Þór Júlíusson sem „sinn mann“ í ríkisstjórninni.
Kjarninn 13. nóvember 2019
Samherji kennir Jóhannesi um allt – Segjast ekkert hafa að fela
Þorsteinn Már Baldvinsson segir það mikil vonbrigði að fyrrverandi starfsmaður fyrirtækisins hafi „hugsanlega flækt Samherja í viðskipti sem kunni að vera ólögmæt.“
Kjarninn 12. nóvember 2019
Þorsteinn Már Baldvinsson, forstjóri Samherja.
Samherji hefur hagnast um 112 milljarða á átta árum
Samherji hefur hagnast gríðarlega á síðustu árum. Eigið fé samstæðunnar var 111 milljarðar króna um síðustu áramót. Fjárfestingar Samherja eru mun víðar en bara í sjávarútvegi.
Kjarninn 12. nóvember 2019
Meira eftir höfundinnÞórður Snær Júlíusson
Meira úr sama flokkiFréttaskýringar
None