Um fimmt­ungur þeirra sem fá snjall­tæki frá vinnu­veit­enda sínum telja að það hafi mikil áhrif á líf sitt utan vinnu­tíma, sam­kvæmt nýrri könnun sem fram­kvæmd var fyrir BHM. Þetta kemur fram í frétta­til­kynn­ingu banda­lags­ins sem gefin var út í dag. 

Könn­un­in, sem fram­kvæmd var af Mask­ínu milli 5. Maí og 28. Júní náði til 2.232 manna handa­hófsúr­taks úr 27 aðild­ar­fé­lögum banda­lags­ins. Um 28% svar­enda sögð­ust hafa snjall­síma til umráða frá vinnu­veit­enda sín­um, 7% spjald­tölvu og 0,5% snjallúr.

Í könn­un­inni kom einnig fram að 40% svar­enda svar­aði skila­boðum utan hefð­bund­ins vinnu­tíma með snjall­tæki  oftar en fjórum sinnum í viku, og þar af 20% dag­lega.

Meiri­hluti svar­enda sem hafa snjall­tæki frá vinnu­veit­enda kvaðst oft eða mjög oft fá ein­hvers konar skila­boð vegna vinn­unnar í tækið utan hefð­bund­ins vinnu­tíma. 

Um fimmt­ungur þeirra svar­enda sem hafa snjall­tæki frá vinnu­veit­enda sögðu að tækið hefði frekar mikil eða mjög mikil áhrif á hvíld­ar­tíma sinn eða sam­skipti við fjöl­skyldu og vini. Um fjórð­ungur svar­enda töldu snjall­tækin hafa í með­al­lagi mikil áhrif en rúm­lega helm­ingur sagði það hafa frekar lítil eða mjög lítil áhrif.

„Sú mynd sem birt­ist okkur í þess­ari könnun veldur nokkrum áhyggj­um. Hún stað­festir það sem við töldum okkur vita. Skil milli vinnu og einka­lífs hafa orðið ógreini­legri en þau voru áður með til­komu snjall­tækja. Í stað þess að veita nauð­syn­legan sveigj­an­leika geta snjall­tækin valdið því að fólk sé í vinn­unni allan sól­ar­hring­inn,“ segir Þór­unn Svein­bjarn­ar­dótt­ir, for­maður BHM í frétta­til­kynn­ingu.