#loftslagsmál#norðurslóðir

Vill leyfa náttúrunni að njóta vafans

Arctic Circle-þingið var sett í fimmta sinn í morgun.

Bjarni Benediktsson, forsætisráðherra í starfsstjóirn og formaður Sjálfstæðisflokksins, ávarpaði Arctic Circle-þingið í Hörpu í dag.
Bjarni Benediktsson, forsætisráðherra í starfsstjóirn og formaður Sjálfstæðisflokksins, ávarpaði Arctic Circle-þingið í Hörpu í dag.

Norð­ur­slóðir eiga ekki að verða að hrað­braut milli heims­hluta og mann­kynið verður að standa vörð um nátt­úr­una, sagði Bjarni Bene­dikts­son, for­maður Sjálf­stæð­is­flokks­ins og for­sæt­is­ráð­herra í starfs­stjórn, í opn­un­ar­ræðu á Arctic Cir­le-­þing­inu í Hörpu í morg­un.

Bjarni sagði íslensk stjórn­völd stefna að því að draga úr losun útstreymis gróð­ur­húsa­loft­teg­unda á Íslandi um 40 pró­sent, eins og ákveðið hafi verið í aðdrag­anda Par­ís­ar­sam­komu­lags­ins árið 2015. Hann sagði jafn­framt að Ísland ætlar að standa við Par­ís­ar­sam­komu­lagið að fullu.

Alþingi hefur þegar inn­leitt og stað­fest Par­ís­ar­sam­komu­lagið á Íslandi en enn hefur ekki verið samnið við Evr­ópu­sam­bandið um það sem er kallað „sann­gjörn hlut­deild“ í sam­eig­in­legu mark­miði Evr­ópu­sam­bands­ins sem Ísland og Nor­egur eru einnig hluti af.

Auglýsing

Vinna við nýja aðgerða­á­ætlun íslenskra stjórn­valda í lofts­lags­málum er í bið, eftir að rík­is­stjórn­ar­sam­starf Sjálf­stæð­is­flokks­ins, Við­reisnar og Bjartrar fram­tíðar féll 15. sept­em­ber síð­ast­lið­inn og þar til ný rík­is­stjórn tekur ákvörðun um fram­haldið eftir kosn­ing­arn­ar.

Arctic Circle-­þingið hófst í Hörpu í Reykja­vík í dag, með ávarpi Ólafs Ragn­ars Gríms­son­ar, Bjarna Bene­dikts­sonar og Guðna Th. Jóhann­es­son­ar.

Í ávarpi sínu sagði Bjarni að stjórn­völd ríkja á norð­ur­slóðum verði að leyfa nátt­úr­unni að njóta vafans við ákvörð­un­ar­töku um nýt­ingu auð­linda.

Ólafur Ragnar er stjórn­ar­for­maður Arctic Circle sem nú er haldið í fimmta sinn. Árlega dregur þingið að áhrifa­fólk og þjóð­ar­leið­toga um allan heim. Meðal þeirra sem sækja þingið í ár eru Nicola Stur­ge­on, fyrsti ráð­herra skosku rík­is­stjórn­ar­inn­ar, Pat­ricia Espin­osa, fram­kvæmda­stjóri lofts­lags­ráð­stefnu Sam­ein­uðu þjóð­anna, Ségloène Royal, heim­skauta­sendi­herra Frakk­lands.

Eins og nafn þings­ins gefur til kynna þá eru mál­efni norð­ur­slóða til umræðu á Arctic Circle-­þing­inu. Bráðnun heim­skauta­íss­ins er ein helsta birt­ing­ar­mynd lofts­lags­breyt­inga í heim­in­um. Ólafur Ragnar segir í við­tali við Kjarn­ann að ef bar­áttan á norð­ur­slóðum tap­ast þá tap­ist einnig bar­áttan í lofts­lags­mál­um.

Meira úr sama flokkiInnlent