The Nor­dic Web hefur stofnað sjóð sem mun fjár­festa í tíu til fimmtán nor­rænum sprota­fyr­ir­tækjum næstu 12 mán­uð­ina. Þetta kemur fram í til­kynn­ingu frá miðl­in­um. 

Meðal íslenskra fjár­festa sem koma að sjóðnum eru Helga Val­fells, Hekla Arn­ar­dóttir og Jenný Ruth Hrafns­dóttir hjá Crowberry Capital, Georg Ludviks­son hjá Meniga og Krist­inn Árni Lár Hró­bjarts­son hjá Koli­bri and Northstack.

Ásamt þeim muni evr­ópskir fjár­festar taka þátt í verk­efn­inu, Martin Mignot hjá Index Ventures, Christoph Janz hjá Point Nine Capi­tal og Phil­ipp Moehring og Andy Chung hjá Ang­elList Europe.

Yfir 50 með­limir verða þátt­tak­endur í nýja sjóðn­um, sam­kvæmt yfir­lýs­ingu frá The Nor­dic Web, og eru þeir hvaðanæva úr heim­inum og með margs konar reynslu að baki. ­Sjóð­ur­inn mun fjár­festa í Dan­mörku, Finn­landi, Íslandi, Nor­egi og Sví­þjóð.

Sjóð­ur­inn mun starfa undir nafni The Nor­dic Web og er í raun fram­hald af starfi þeirra. The Nor­dic Web er fjög­urra ára gam­all mið­ill og er mark­mið þeirra er að gefa nor­rænum nýsköp­un­ar- og sprota­fyr­ir­tækjum tæki­færi til að koma starf­semi sinni á fram­færi og vekja athygli á því sem er að ger­ast í þessum lönd­um.

Neil Murray, stofn­andi The Nor­dic Web, seg­ist sjálfur vera stoltur af þeim stuðn­ingi sem sjóð­ur­inn hefur fengið en eins og áður segir taka yfir 50 manns þátt í verk­efn­inu. Með því að nýta þekk­ingu og kunn­áttu fjár­fest­ing­ar­að­il­ana þá sé hægt að hjálpa og styðja við ný sprota­fyr­ir­tæki.