Tel­egram lok­aði tíma­bundið spjall­rás sem kall­aði eftir ofbeld­is­fullum mót­mælum gegn rík­is­stjórn Írans síð­ast­lið­inn sunnu­dag. 

Tel­egram fram­leiðir vin­sælt skila­boða­smá­forrit og er það notað víða í Íran. Rúm­lega 40 millj­ónir manns nota for­­ritið í land­inu en það er um helm­ingur íbú­anna. Sam­kvæmt heim­ildum frétta­mið­ils­ins Recode hefur það haft mikil áhrif á sam­skipti í mót­mæl­unum í Íran gegn rík­is­stjórn Aya­tollah Khamenei. 

Umfangs­mikil mót­mæli hafa verið í land­inu und­an­farna daga og viku. Tugir hafa verið drepnir og hund­ruðir fang­els­að­ir. Ali Khamenei æðstiklerkur Írans hefur sagt óvini rík­is­ins að baki mót­mæl­anna en upp­haf­lega beindust mót­mælin gegn versn­andi efna­hag og hækk­andi mat­væla­verði en hafa þau nú beinst gegn stjórn­völdum sjálf­um. 

Fram­kvæmda­stjórar fyr­ir­tæk­is­ins hafa fengið athuga­semdir frá írönskum stjórn­völdum þess efnis að þeir verði að fylgj­ast með not­endum smá­forrits­ins og sér­stak­lega mót­mæl­end­um.  

Mohamma­d-Javad Azari Jahromi, fjar­skipta­ráð­herra Írans, sendi skila­boð til fram­kvæmda­stjóra og stofn­anda fyr­ir­tæk­is­ins, Pavel Durov, á Twitter á laug­ar­dag­inn síð­ast­lið­inn, þar sem hann hvatti Tel­egram til að taka í taumana. 

Durov svar­aði um hæl og sagði að ákall um ofbeldi væri ekki liðið hjá Tel­egram og ef þetta yrði stað­fest þá væri ekki um annað að ræða en að loka sam­skiptarásinni. Ekki skipti máli stærð hennar eða póli­tísk tengsl. 

Aðrir sam­fé­lags­miðlar á borð við Face­book og Twitter hafa sömu­leiðis þurft að skil­greina hvaða orð­ræða sé í lagi á miðlum þeirra og hvað falli undir brot á reglum þeirra.