„Hættum að laga konur. Lögum samfélagið!“

Bandalög stéttarfélaga og Kvenréttindafélag Íslands stóðu fyrir fundi #metoo-kvenna í febrúar síðastliðnum og eru niðurstöður gerðar kunnar í skýrslu sem unnin var upp úr ábendingum kvennanna.

Metoo-samtal við samfélagið - Úr skýrslu af fundi BSRB
Auglýsing

Stétt­ar­fé­lög, atvinnu­rek­endur og stjórn­völd þurfa að bregð­ast við #metoo-um­ræð­unni og grípa taf­ar­laust til aðgerða. Þetta er nið­ur­staða fjöl­menns fundar #metoo-kvenna sem banda­lög stétt­ar­fé­laga og Kven­rétt­inda­fé­lag Íslands stóðu fyrir nýver­ið. 

Frá þessu er greint í til­kynn­ingu frá BSRB.

Ein álykt­unin sem dregin var á fund­inum er sú að nú verði að hætta að laga kon­urnar sjálfar og nauð­syn­legt sé að laga sam­fé­lagið í stað­inn. Allir verði að taka þátt í bylt­ing­unni til að ná fram breyt­ing­um.

Í skýrslu sem unnin hefur verið upp úr ábend­ingum fund­ar­gesta, sem komu úr fjöl­mörgum #metoo-hópum kvenna, kemur fram sú krafa að allir taki þátt í því að laga sam­fé­lag­ið. Á fund­in­um, sem fór fram með þjóð­fund­ar­sniði, komu fram ábend­ingar sem banda­lög­unum og Kven­rétt­inda­fé­lag­inu var falið að fylgja eft­ir. Það munu þau gera í sinni starf­semi og gagn­vart stjórn­völdum og atvinnu­rek­end­um, segir í til­kynn­ing­unn­i. 

Auglýsing

Kom­ist var að ýmsum nið­ur­stöðum á fund­inum en þær helstu voru að atvinnu­rek­endur þurfi að axla ábyrgð, vera virkir í umræð­unni og grípa til sýni­legra aðgerða á vinnu­stöðum með þátt­töku allra starfs­manna. Efla þurfi fræðslu og umræðu um heil­brigð sam­skipti, mörk og með­virkn­i. 

Stétt­ar­fé­lög eiga jafn­framt að vera leið­andi í umræð­unni, virkja trún­að­ar­menn og heim­sækja vinnu­staði. Einnig eiga þau að styðja þolendur innan vinnu­staða. Stjórn­völd þurfa að breyta jafn­rétt­islögum þannig að heim­ilt verði að sekta vinnu­staði sem ekki sinna for­vörnum og upp­ræt­ingu kyn­bund­innar áreitni, kyn­ferð­is­legrar áreitni og ann­ars ofbeldis á vinnu­stöð­um.





Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira úr sama flokkiInnlent