Breytingar á landslagi í skólamálum á Íslandi

Lýðháskólinn á Flateyri mun taka til starfa í haust og segir Helena Jónsdóttir að mikill áhugi sé á skólanum.

Mynd: Lýðháskólinn á Flateyri
Auglýsing

Lýðháskóli mun taka til starfa í fyrsta skipti á Íslandi í haust. Skólinn mun bjóða upp á nýja valmöguleika til náms, en skólinn starfar ekki samkvæmt sömu lögum og framhaldsskólar. 

Skólinn er staðsettur á Flateyri í Önundarfirði. Lýðháskólar eru vinsælir í nágrannalöndum okkar og hafa margir Íslendingar lagt land undir fót og lagt stund á nám við lýðháskóla á norðurlöndunum. Allir þeir sem hafa náð 18 ára aldri geta sótt um í skólanum en hámarks fjöldi nemenda verður 40. 

Lýðháskólar leggja áherslu á að veita menntun utan hins hefðbundna skólakerfis með prófgráðum og námsárangri. Rannsóknir sýna að vera í lýðháskóla hefur jákvæð áhrif á þá sem hafa hætt námi í hefðbundnum skólum. Líkurnar á að snúa aftur til náms aukast sem og að þeir einstaklingar ljúki gráðum á hærra menntunarstigi.

Auglýsing

Tvær námsbrautir verða í boði við skólann sem hvor um sig tekur að hámarki 20 nemendur. Kennt verður í tveggja vikna lotum yfir skólaárið sem hefst 19. september. 

Námsbrautin Hafið, fjöllin og þú einblínir á að fræða nemendur um nýtingu auðlindanna á öruggan og umhverfisvænan máta. Í hinni námsbrautinni, Hugmyndir, heimurinn og þú, verður áhersla lögð á hugmyndavinnu og sköpun. 

Aðeins hluti af kennslunni mun fara fram innandyra en líkt og heiti námsbrautanna gefur til kynna þá verður unnið í og með náttúrunni og umhverfinu. 

Mynd: Lýðháskólinn á Flateyri


Helena Jónsdóttir, skólastjóri Lýðháskólans á Flateyri, segir þau finna fyrir nokkrum áhuga erlendis frá. Í haust verður þó aðeins kennt á íslensku og námið því ætlað þeim sem geta skilið og talað íslensku. „Innflytjendur hafa tjáð áhuga sinn en einnig hefur verið áhugi frá brottfluttum Íslendingum sem eiga börn.“ segir Helena. Foreldrar ungmenna sem ekki hafa fundið sig í hinu hefðbundna skólakerfi hafa einnig tjáð áhuga sinn. 

Stuðningur frá samfélaginu

„Við finnum fyrir miklum stuðningi frá íbúum á Flateyri. Fólk er boðið og búið að lána okkur búnað og leigja okkur aðstöðu fyrir kennslu.“ segir Helena.

Ísafjarðar bær hefur einnig stutt við verkefnið, bæði með beinum fjárstyrkjum, endurgjaldslausu húsnæði og baktryggingu.

Verkefnið er að mestu leyti fjármagnað að fullu en enn þá vantar nokkrar milljónir upp á að sögn Helenu. Það er þó undir 5 milljónum en Ísafjarðarbær hefur að sögn hennar gefið þeim vilyrði fyrir því að hlaupa undir bagga, ef til þess kemur.

Hugmyndir að skólanum fengu stofnendur skólans fyrir um 5-7 árum en fyrir tveimur árum varð hugmyndin að alvöru. Þá hófst undirbúningsvinnan og í haust er áætlað að hefja skólahald á Flateyri.  

Inngöngukröfur í lýðháskóla eru ekki hefðbundnar í þeim skilningi að námsárangur og starfsreynsla vega ekki þungt heldur áhugasvið, viðhorf og persónuleiki umsækjenda. Nemendur þurfa því ekki að hafa lokið neinu formlegu námi áður en sótt er um í skólanum. Námsmat fer heldur ekki fram á hefðbundinn máta líkt og í framhaldsskólum heldur í gegnum fundi og samtöl við aðra nemendur, kennara og íbúa samfélagsins. Skólahaldið snýst því einnig um að virkja samfélagið og auðga mannlífið. 

Hægt er að lesa meira um skólann á heimasíðu hans. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiInnlent