Ísland tapaði fyrir Króötum - Þátttöku lokið á HM

Íslendingar mættu Króötum í síðasta leik riðlakeppninnar á HM í Rússlandi í dag. Þrátt fyrir ósigur börðust strákarnir hetjulega.

Jóhann Berg Guðmundsson tekst á við Króata.
Jóhann Berg Guðmundsson tekst á við Króata.
Auglýsing

Íslenska lands­liðið í knatt­spyrnu karla tap­aði fyrir Króa­tíu á heims­meist­ara­mót­inu í Rúss­landi rétt í þessu, 1-2. Leik­ur­inn fór fram á Rostov-­leik­vang­in­um. 

Íslenska liðið hélt hreinu í rúmar fimm­tíu mín­útur en oft mátti litlu muna að strák­arnir okkar næðu að setja knött­inn í net­ið. Milan Badelj skor­aði mark Króata á 53 mín­útu. Íslend­ingar fengu víta­spyrnu á 76 mín­útu og skor­aði Gylfi Þór Sig­urðs­son örugg­lega. Mikil spenna var í lok leiks en nauð­syn­legt var fyrir Íslend­inga að skora til að kom­ast áfram. Á 90 mín­útu skor­aði Ivan Per­isic síð­ara mark Króata. 

Lið Íslands gerði jafn­tefli, eins og frægt er orð­ið, við Argent­ínu í fyrsta leik Íslands á HM þann 16. júní síð­ast­lið­inn. Alfreð Finn­boga­son skor­aði mark Íslend­inga. Annar leikur liðs­ins við Nígeríu fór ekki eins vel sex dögum síðar en þá unnu mótherj­arnir 2-0. Til þess að eiga von á að kom­ast áfram þurftu Íslend­ingar að vinna og von­ast eftir jafn stórum argent­ínskum sigri. 

Auglýsing

Leikur Argent­ínu og Nígeríu fór 2-1 fyrir Argent­ínu. Króa­tía og Argent­ína munu því mæta Frökkum og Dönum í 16 liða úrslit­u­m. 

Ekki verður annað sagt en að íslenska liðið hafi staðið sig vel á þessu fyrsta heims­meist­ara­móti sínu og geta lands­menn verið stoltir af strák­unum sín­um. 

Meira úr sama flokkiInnlent