Nær öll íslenska þjóðin er á Face­book og um tveir af hverjum þremur nota Snapchat reglu­lega. Notk­unin á Snapchat er þó ójafn­ari milli þjóð­fé­lags­hópa, en for­ritið er vin­sæl­ast meðal kvenna, minna mennt­aðra, íbúa lands­byggð­ar­innar og kjós­enda Fram­sókn­ar­flokks­ins. Þetta kom fram í nýrri könnun MMR.

Í könn­un­inni, sem mældi notkum sam­fé­lags­miðla eftir lýð­fræði­hóp­um, kom í ljós að 93% Íslend­inga segj­ast nota Face­book. Næst­vin­sæl­asti mið­ill­inn var Snapchat, en 67% þjóð­ar­innar segj­ast nota hann reglu­lega. Aðrir miðlar sem njóta mik­illa vin­sælda eru YouTube (66%), Spotify (51%) og Instagram (45%).  Frá síð­ustu könnun MMR fyrir tveimur árum síðan hefur mest aukn­ing verið á notkun Spotify og Snapchat.

Snapchat vin­sælt á lands­byggð­inni

Notkun miðl­anna dreif­ist mis­jafnt milli þjóð­fé­lags­hópa, en lít­inn mun var þó að sjá á notkun Face­book yfir allt landið og alla ald­urs­hópa. Svar­endur á höf­uð­borg­ar­svæð­inu voru hins vegar dug­legri að nota YouTu­be, Spotify og Instagram heldur en þeir á lands­byggð­inni, en notkun á þessum miðlum jókst einnig með auk­inni mennt­un. 

Svipað mynstur mátti sjá þegar litið var til stjórn­mála­skoð­ana, en stuðn­ings­fólk stjórn­mála­flokka sem mæl­ast sterk­astir á lands­byggð­inni (Fram­sókn­ar­flokk­ur, Mið­flokkur og Sjálf­stæð­is­flokk­ur) voru lík­legri en aðrir til að segj­ast nota Snapchat reglu­lega. Stuðn­ings­menn flokka sem eru sterk­ari á höf­uð­brg­ar­svæð­inu (Sam­fylk­ing, Píratar og Við­reisn) voru hins vegar lík­legri til að nota YouTu­be, Spotify og Instagram. 

Nokkur munur var á notkun sam­fé­lags­miðla milli kynja, en miðl­arnir Snapchat og Pinter­est virð­ist vin­sælli meðal kvenna á meðan fleiri karlar nota YouTu­be, Twitt­er, Lin­kedIn og Reddit. Þá fór notkun miðl­anna almennt minnk­andi með adrei að und­an­skil­inni notkun hjá Lin­ked­In, sem er vin­sælla meðal eldri ein­stak­linga.