Kosn­ing um sam­ein­ing­u S­FR og Starfs­manna­fé­lags Reykja­vík­ur­borgar hefst á hádegi í dag. Verði sam­ein­ingin sam­þykkt þá verða félags­menn sam­ein­aðs félags 10.300 tals­ins, sem er nærri helm­ingur félags­manna BSRB og þriðja stærsta stétt­ar­fé­lag lands­ins. Frá þessu er greint í Morg­un­blað­inu í dag.

SFR og Starfs­manna­fé­lag Reykja­vík­ur­borgar eru langstærstu félögin innan BSRB en BSRB eru heild­ar­sam­tök stétt­ar­fé­laga starfs­manna í al­manna­þjón­ust­u. ­Fyrr á árum höfðu félögin aug­ljósa aðgrein­ing­u, S­FR, ­stétt­ar­fé­lag í almanna­þjón­ustu, var félag rík­is­starfs­manna og samdi við ríkið en Starfs­manna­fé­lag Reykja­vík­ur­borgar var félag borg­ar­starfs­manna og samdi við borg­ina. Skipt­ingin hefur riðl­ast nokk­uð, m.a. vegna færslu verk­efna frá ríki til sveit­ar­fé­laga og stofn­unar opin­berra hluta­fé­laga um rekstur opin­berra ­stofn­ana. Nú ­gera félögin mis­mun­andi samn­inga við sömu við­semj­end­ur. Bæði félögin eru blönduð félög, með ófag­lærða og háskóla­menntað fólk og allt þar á milli.

For­menn félag­anna tala fyrir sam­ein­ingu 

For­menn félag­anna tala ákveðið fyrir sam­ein­ingu en þeir telja að sam­ein­ingin býður upp á hag­kvæmni í rekstri en félögin eru nú þegar með­ ­skrif­stofu á sömu hæð í BSRB hús­inu. Ásamt því hafa félögin átt í marg­þættu sam­starfi í rúm 20 ár og að sögn for­manna er það ástæðan fyrir því að umræður hófust um sam­ein­ingu. Sam­starfið felst meðal ann­ars í sam­eig­in­legri þjálfun trún­að­ar­manna, nám­skeiða­haldi og síð­ast sam­ein­uðu félögin félags­blöðin sín í eitt.

Árni Stefán Jóns­son, for­mað­ur­ S­FR, segir að sam­ein­ing geti verið liður í því að styrkja þau í kjara­bar­áttu og verja rétt­indi félags­manna. Hann segir félög sem eru með í kringum 5.000 félaga vera þokka­lega sterk en með sam­ein­ingu verði þau mun öfl­ugri. „Það hefur sýnt sig að gott er að hafa fjöld­ann á bak við sig til að halda hlutum gang­and­i,“ segir Garðar Hilm­ars­son, for­maður Starfs­manna­fé­lags­ins í sam­tali við Morg­un­blað­ið.

Ef af sam­ein­ing­unni verður þá verða opin­berir starfs­menn komnir með þriðja stærsta stétt­ar­fé­lag lands­ins. Sam­kvæmt for­mönn­unum hafa áformin verið kynnt á fjölda funda og á heima­síðu félag­anna. Raf­ræn atkvæða­greiðsla hefst síðan á hádegi í dag og lýkur á hádegi nk. föstu­dag. 

Skiptar skoð­anir um sam­ein­ing­una

Árni Stefán segir að þær kann­anir sem gerðar hafa verið benda til að mik­ill meiri félags­manna styðji sam­ein­ing­una. Efa­semd­araddir hafa þó látið í sér heyra innan raða beggja félag­ana en þar á meðal er vara­for­maður Starfs­manna­fé­lags Reykja­vík­ur­borgar Ing­unn H. Þor­láks­dótt­ir. Ing­unn segir í sam­tali við Morg­un­blaðið að henni  hugn­ast þessi sam­ein­ingu. Hún telur að ekki sé mik­ill spenn­ingur fyrir mál­inu í félag­inu og ótt­ast að lít­il þátt­taka verði í atkvæða­greiðsl­unn­i. 

Ing­unni finnst félagið verða of stórt og of dreift um allt land, hún telur að sam­einað félag yrði of mikið bákn innan BSRB. Starfs­manna­fé­lögin á Sel­tjarn­ar­nesi og Akra­nesi sam­ein­uð­ust Starfs­manna­fé­lagi Reykja­víkur fyrir nokkrum árum. Telur Ing­unn að það hefði verið betra fyrir hags­muni félags­manna að leita eftir sam­ein­ingu við starfs­manna­fé­lögin á höf­uð­borg­ar­svæð­inu og í nágrenn­in­u.