Vilja innleiða evrópskt fagskírteini

Mennta- og menningarmálaráðuneytið hefur lagt fram frumvarp til laga um viðurkenningu á faglegri menntun og hæfi til starfa hér á landi. Lagabreytingin á að tryggja rétt fagmenntaðra einstaklinga óháð því hvar viðkomandi lærði innan EES-svæðisins.

Evrópa
Auglýsing

Í nýju frum­varpi til laga um við­ur­kenn­ingu á fag­legri menntun hér á land­inu er lagt til að tekið verði upp evr­ópskt fag­skír­teini til að ein­falda og gera ferlið við að fá við­ur­kenn­ingu á fag­legri menntun og starfs­reynslu, óháð því hvar við­kom­andi lærði inn­an­ EES-­svæð­is­ins, fljót­legra. Í vik­unni birti mennta- og menn­ing­ar­mála­ráðu­neytið drög að frum­varp­inu til umsagnar í sam­ráðs­gátt stjórn­valda.

Frum­varpið snýr að inn­leið­ingu á til­skipun Evr­ópu­sam­bands­ins um við­ur­kenn­ingu á fag­legri menntun og hæfni á EES-­svæð­in­u. Til­skip­unin var tekin inn í EES-­samn­ing­inn með ákvörðun sam­eig­in­legu EES-­nefnd­ar­innar í maí á síð­asta ári og verður inn­leidd hér á landi með breyt­ingu á lögum ef frum­varpið er sam­þykkt. Sam­kvæmt frum­varp­inu er við­ur­kenn­ing fag­legrar mennt­unar og hæfis ein af grunn­stoðum EES-­sam­starfs­ins og hefur verið það frá gild­is­töku EES-­samn­ings­ins árið 1994.

Auglýsing

Sam­kvæmt drög­unum felst mik­il­vægi til­skip­un­ar­innar í þeim rétt­indum sem hún tryggir þeim er aflað hafa sér fag­legrar mennt­unar til starfa hvar sem er á Evr­ópska efna­hags­svæð­inu og rétt­inum til við­ur­kenn­ingar á menntun og hæfi óháð því hvar nám var stund­að. Þessi breyt­ing á við um lög­vernduð störf, s.s. lækna, verk­fræð­inga, tal­meina­fræð­inga, kenn­ara og ­pípu­lagn­inga­manna. 

Evr­ópska fag­skír­teinið leið til að gera fram­kvæmd­ina ein­fald­ari

Ofan­greind til­skipun Evr­ópu­þings­ins og ráðs­ins ­felur í sér heim­ild til handa fag­stéttum til að njóta við­ur­kenn­ingar á starfs­rétt­indum sínum innan EES-­svæð­is­ins og þar með til að stunda vinnu í krafti mennt­unar sinnar og starfs­reynslu sem fjöldi fag­fólks hefur ekki haft mögu­leika á hingað til hér á landi. Í drögum að frum­varp­inu kemur fram að með þess­ari til­skipun verði ekki gerðar grund­vall­ar­breyt­ingar á til­högun við­ur­kenn­ingar á fag­legri menntun og hæfi á Evr­ópska efna­hags­svæð­inu heldur er frum­varpið skref til að tryggja að fram­kvæmdin verði enn ein­fald­ari og skjót­virk­ari m.a. með inn­leið­ingu evr­ópsks fag­skír­tein­is ­fyrir ein­staka starfs­greinar þar sem af­greiðslu­frest­ur eru styttir frá því sem nú er.



Evrópska fagskírteiniðEvr­ópska fag­skír­tein­inu er ætlað að styrkja innri markað Evr­ópu­sam­bands­ins og Evr­ópska efna­hags­svæð­is­ins, ýta undir frjálsa för fag­fólks og tryggja skil­virk­ari og gagn­særri við­ur­kenn­ingu á fag­legri menntun og hæfi sam­kvæmt þings­á­lykt­un­ar­til­lögu frum­varps­ins. Með evr­ópska fag­skír­tein­inu geta umsækj­endur sótt um við­ur­kenn­ingu á fag­legri menntun og hæfi með raf­rænum hætti fyrir þær starfs­greinar sem falla undir evr­ópska fag­skír­tein­ið. Skír­teinið er því hugsað sem raf­ræn sönnun þess að ein­stak­lingur hefur náð fag­legum prófum og landið sem ein­stak­ling­ur­inn vill vinna í hafi sam­þykkt fag­legu menntun hans og upp­fyllir því skil­yrði til að veita þjón­ustu tíma­bundið eða til fram­tíðar í því land­i. 



Hingað til hafa Íslend­ingar getað nælt sér í skír­teinið til að fá fag­lega menntun og hæfni sam­þykkta á hraðan og auð­veldan hátt í öðru ESB landi. Í dag eru það aðal­lega fag­menn í heil­brigð­is­stéttum sem hafa getað notað skír­teinið en fag­menn í öðrum greinum þurfa að reiða sig á staðl­aða ferla fyrir mat á lög­vernd­uðum starfs­greinum í öðrum löndum til að fá menntun og hæfni við­ur­kennda en á síðu fram­kvæmda­stjórnar Evr­ópu­sam­bands­ins kemur fram að skír­teinið gæti í fram­tíð­inni verið útvíkkað til að ná yfir aðrar stétt­ir.

Erfitt að fá menntun metna hér á landi

Í lok sept­em­ber síð­ast­liðin voru erlendir rík­is­borg­arar 43.430 en árið 2011 voru þeir 20.930 sam­kvæmt nýj­ustu mann­fjölda­tölum frá hag­stofu Íslands. Fjöldi erlendra rík­is­borg­ara hefur því auk­ist um 22.500 á sjö árum eða um tæp­lega 108 pró­sent hér á landi. Erlendir rík­is­borg­ara sem búa hér­lendis hafa aldrei verið fleiri og lítið lát verður á þessum miklu sam­fé­lags­breyt­ingum ef marka má mann­fjölda­spá Hag­stofu Íslands.

Á síð­ustu mán­uðum hefur mikil umræða skap­ast um stöðu inn­flytj­enda hér á landi og fjallað hefur verið um hvern­ig at­vinnu­rek­end­ur á Íslandi hafi í röðum brotið á rétt­indnum erlends starfs­fólks. Ásamt því hefur á síð­ustu árum einnig verið fjallað um í fjöl­miðlum hversu erfitt það getur reynst inn­flytj­endum sem setj­ast að hér á landi að fá menntun sína metna eða fá starf sem hæfir menntun sinni. Í umfjöllun Frétta­blaðs­ins um málið fyrir nokkrum árum voru birt við­töl við fjölda inn­flytj­enda sem búa hér á landi og eru með­ há­skóla­mennt­un en fá aðeins að sinna lág­launa­störfum hér­lendis vegna þess að þeir fá menntun sína ekki metna.

Sjúkraþjálfun

Sam­tök kvenna af erlendum upp­runa segja til að mynda marga lenda í vand­ræðum með að fá nám sitt metið hér í landi. Í sam­tali við Frétta­blaðið bentu stjórn­ar­konur sam­tak­anna þær Ang­elique Kelly og Anna Katarzyna Wozn­iczka á að nauð­syn­legt sé að líta á nám sem auð­lind sem eigi að nýt­ast hvort sem það er erlend menntun eða íslensk. „Ís­land er að missa af tæki­færi til þess að nota menntun og þekk­ingu þessa fólks,“ sagði Anna og benti jafn­framt á að það myndi hjálpa mörgum ef ferlið til þess að meta nám yrði gert aðgengi­legra og auð­veld­ara.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Dóra Björt Guðjónsdóttir
Stafræn bylting bætir líf borgarbúa
Kjarninn 1. apríl 2020
Klikkið
Klikkið
Klikkið – Starfsemi Hugarafls í samkomubanni
Kjarninn 1. apríl 2020
Steingrímur Ólafsson
Pestir, Inc. og Corp.
Kjarninn 1. apríl 2020
Alma Möller landlæknir á fundinum í dag.
Apple og Google eru að yfirfara íslenska smitrakningaforritið
Bandarísku stórfyrirtækin Apple og Google eru að yfirfara snjallsímaforritið Rakning C-19, sem heilbrigðisyfirvöld hafa látið smíða til að auðvelda smitrakningu á Íslandi. Appið verður aðgengilegt þegar þessari rýni er lokið.
Kjarninn 1. apríl 2020
Þórólfur Guðnason sóttvarnalæknir mun mæla með því við Svandísi Svavarsdóttur heilbrigðisráðherra að samkomubann verði framlengt út apríl.
Þórólfur mælir með samkomubanni út mánuðinn: „Veiran mun ekki virða páska“
„Núna reynir virkilega á úthaldið og samstöðuna,“ sagði Þórólfur Guðnason sóttvarnalæknir á upplýsingafundi yfirvalda í dag. Hann mun gera tillögu til heilbrigðisráðherra um framlengingu samkomubanns út apríl.
Kjarninn 1. apríl 2020
Drífa Snædal, forseti ASÍ.
Nú reyni á samstöðu verkalýðshreyfingarinnar sem aldrei fyrr
Miðstjórn ASÍ telur að nú reyni á samstöðu verkalýðshreyfingarinnar sem aldrei fyrr og skýra sýn. Þá sé málflutningur SA bæði rangur og villandi.
Kjarninn 1. apríl 2020
Ragnar Þór Ingólfsson formaður VR hefur sagt sig úr miðstjórn ASÍ.
Ragnar Þór hættur í miðstjórn ASÍ
Formaður VR hætti í miðstjórn Alþýðusambands Íslands á mánudaginn. Hann segir að hann telji orku sinni betur varið í að leita lausna á öðrum vettvangi og að hans mati sé ASÍ að gera það versta í stöðunni, ekki neitt.
Kjarninn 1. apríl 2020
Vilhjálmur segir Drífu hafa lagt fram tillögu um að fresta öllum launahækkunum
Fráfarandi varaforseti ASÍ segir að forseti sambandsins hafi lagt fram tillögu á föstudag um að taka tímabundnar launahækkanir af fólki en hafi hafnað því að lækka mótframlag atvinnurekenda í lífeyrissjóð í sex mánuði hið minnsta.
Kjarninn 1. apríl 2020
Meira úr sama flokkiInnlent