Áhrif loftslagsbreytinga aldrei verið verri

Í dag var árleg ráðstefna Sameinuðu þjóðanna um loftlagsmál sett í Póllandi. Patricia Espinosa, framkvæmdastjóri rammasamnings S.Þ um loftslagsbreytingar, fullyrðir að aðildarríkin þurfi að gera miklu meira í baráttunni við loftlagsbreytingar.

verksmiðja mengun loftslagsmál  h_51920965.jpg
Auglýsing

Hættan sem stafar að mann­kyn­inu vegna lofts­lags­breyt­inga hefur aldrei verið meiri, full­yrð­ir Pat­rici­a Espin­osa, fram­kvæmda­stjóri Ramma­samn­ings Sam­ein­uð­u ­þjóð­anna um lofts­lags­breyt­ing­ar, á árlegri ráð­stefnu Sam­ein­uðu þjón­anna um loft­lags­mál. Ráð­stefn­an, COP24, var sett í 24. sinn í Kató­vítsje í Pól­landi í dag. „Þetta ár verður lík­lega meðal fjög­urra heit­ustu ára síðan mæl­ingar hófust,“ sagð­i Espin­osa. „Áhrif lofts­lags­breyt­inga hafa aldrei verið verri. Þessi veru­leiki sýnir okkur að við þurfum að gera miklu meira.“

Leik­reglur Par­ís­ar­sam­komu­lags­ins

Á þess­ari 24. ráð­stefnu er mark­miðið að öll 183 ríki heims sem eru aðilar að Par­ísa­sam­komu­lag­inu sam­þykki leik­reglur sem séu fýsi­legar fyrir öll rík­in. Það er þó óvíst hvort að öll ríkin taki þátt en til dæmis taka Banda­ríkin ekki lengur þátt í Par­ís­ar­sam­komu­lag­inu, eftir að Don­ald Trump, ­banda­ríkja­for­seti, dró stuðn­ing Banda­ríkj­anna til baka um mitt ár 2017.

Þrjú ár eru síðan Par­ísa­sam­komu­lagið var und­ir­ritað á ráð­stefn­unni, sem þá var haldin í Frakk­landi. Þar settu öll að­ild­ar­rík­i að ramma­samn­ingnum sér mark­mið í lofts­lags­málum til árs­ins 2030. Ísland var þeirra á meðal en mark­mið Íslands er að minnka losun gróð­ur­húsa­loft­teg­unda um minnst 40 pró­sent árið 2030 miðað við árið 1990.

Auglýsing

Heild­­ar­losun íslenska hag­­kerf­is­ins hefur tvö­­fald­­ast á síð­ustu 20 árum

Á Ís­landi hefur losun gróð­ur­húsa­loft­teg­unda aukist, þvert á mark­mið Par­ís­ar­sátt­mál­ans. Ís­land var með mesta losun koltví­­­sýr­ings frá hag­­kerfi á ein­stak­l­ing innan ESB og EFTA svæð­is­ins árið 2016. Árið 1995 var heild­­ar­losun koltví­­­sýr­ings íslenska hag­­kerf­is­ins 2.817 kílótonn en árið 2016 mælt­ist heild­­ar­los­unin 5.698 kílótonn. Los­un Íslands hefur því tvö­fald­­ast en losun Íslands árs­ins 2016 er sú mesta frá árin­u 1995. 

Mest­a los­unin hag­kerf­is­ins Íslands kemur frá ein­­kenn­andi greinum ferða­­þjón­ust­unnar en los­unin frá ferða­þjón­ust­unni hefur ríf­­lega fimm­fald­­ast frá árinu 1995 og nær þre­fald­­ast frá árinu 2012. Losun á hvern íslenskan ein­stak­ling var 16,9 tonn árið 2016 en los­unin hefur auk­ist síð­ustu ár. Þetta kemur fram í nýj­­ustu tölum Hag­­­stofu Íslands.

Ríki þurfa auka slag­kraft aðgerða sinna fimm­falt

Í byrjun októ­ber kom út ný skýrsla loft­lags­­sér­­fræð­inga á vegum Sam­ein­uðu þjóð­anna þar sem skýrt var frá­­ ó­hugn­an­­legri ­­stöðu er varðar hlýnun jarð­­ar. Þar kemur fram að ríki heims hafa aldrei átt jafn langt í land með að upp­fylla mark­mið sín í lofts­lags­mál­u­m. N­ið­­ur­­stöður skýrsl­unnar sýna að hita­­stig á jörð­unni muni hækka um 1,5 gráðu fyrir 2030 ef ekki er brugð­ist hratt við. Sú hækkun myndi hafa í för með sér hörmu­­legar afleið­ing­­ar, eyð­ing­u kór­al­rifa, mikla þurrka, flóð og mat­­ar­skort fyrir hund­ruð millj­­ónir manna.

Í skýrsl­unni er kallað eftir að ríki heims grípi til stór­tækra aðgerða en aðeins eru tólf ár til stefnu ef koma á í veg fyrir óaft­­ur­kræf áhrif á líf­­ríki jarð­­ar­inn­­ar. Í ­skýrsl­unni segir að ríki heims þurfi að þre­falda slag­kraft aðgerða sinna til þess að hægt verði að halda hita­stigi á jörð­inni innan við tvær gráð­ur, miðað við stöð­una nú. Til þess að hita­stigið fari ekki yfir 1,5 gráður þurfa ríkin að auka aðgerðir sínar fimm­falt.

Nefnd eru fjögur meg­in­­svið sem þarf að gjör­breyta, orku­­not­k­un, land­­not­k­un, borg­­ar­­skipu­lag og iðn­­að­­ur. Talið er að það þurfi bylt­ing­­ar­­kenndar breyt­ingar á öllum kerf­­um. Breyt­ing á því hvernig lönd eru nýtt, hvernig fólk borð­­ar, hvernig menn ferð­­ast og svo fram­­veg­­is. Í skýrsl­unni sem mætti segja vera eins­­konar loka­út­­­kall segir að mög­u­­legt er að bregð­­ast við og ná veru­­legum árangri fyrir 2030. En ljóst er að til þess þarf vilja almenn­ings til breyt­inga sem og póli­­tískan vilja stjórn­­­valda.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Skúli í Subway ákærður ásamt samstarfsmönnum
Ákæran byggir á því að millifærslur af reikningum félags, í aðdraganda gjaldþrots þess, hafi rýrt virði félagsins og kröfuhafa þess.
Kjarninn 13. nóvember 2019
Guðlaugur Þór: Ekki gott fyrir orðspor Íslands erlendis
Afhjúpandi umfjöllun Kveiks á RÚV, sem byggir á 30 þúsund skjölum sem Wikileaks hefur birt, hefur dregið mikinn dilk á eftir sér.
Kjarninn 13. nóvember 2019
SFS: Alvarlegar ásakanir og allir verða að fara að lögum
Samtök fyrirtækja í sjávarútvegi segja að það sé sjálfsögð krafa að öll fyrirtæki fari að lögum.
Kjarninn 13. nóvember 2019
Eimskip lækkaði um tæp fimm prósent – Samherji stærsti hluthafinn
Félög í Kauphöllinni þar sem Samherji er stór hluthafi lækkuðu í virði í dag.
Kjarninn 13. nóvember 2019
Þorgerður Katrín Gunnarsdóttir, formaður Viðreisnar.
Spyr hvort greiðslur lögaðila til stjórnmálaflokka eigi að vera heimilaðar
Formaður Viðreisnar segir að það sé engin tilviljun að ríkisstjórnin hafi beitt sér fyrir milljarða lækkun á veiðigjaldi.
Kjarninn 13. nóvember 2019
Samherjamálið og afleiðingar þess í erlendum fjölmiðlum
Meintar mútugreiðslur Samherjamanna til áhrifamanna í namibísku stjórnkerfi til þess að fá eftirsóttan kvóta þar í landi og afleiðingar þess hafa ratað í erlenda fjölmiðla.
Kjarninn 13. nóvember 2019
Tæknivarpið
Tæknivarpið
Tæknivarpið - Disney+ byrjar að streyma
Kjarninn 13. nóvember 2019
Þórður Snær Júlíusson
Íslenska kerfið sem bjó til skipulagða glæpastarfsemi
Kjarninn 13. nóvember 2019
Meira úr sama flokkiInnlent