Borgin stofnar sérstaka deild fyrir börn hælisleitenda

Sérstök stoðdeild ætluð börnum hælisleitenda verður starfrækt við Háaleitisskóla. Formaður skóla- og frístundaráðs segir tilkomu hennar framför.

img_4692_raw_0710130561_10191567693_o.jpg
Auglýsing

Skóla- og frí­stunda­ráð Reykja­víkur hefur sam­þykkt að stofnuð verði sér­stök stoð­deild í Háa­leit­is­skóla vegna mót­töku barna hæl­is­leit­enda og erlendra börn með litla skóla­göngu að baki. Börnin sem sækja munu nám við deild­ina hafa hingað til dreifst á tólf skóla víðs­vegar um borg­ina og er henni ætlað að vera úrræði til að styðja við börn inn­flytj­enda og hæl­is­leit­enda. Þetta kemur fram í til­kynn­ingu frá Reykja­vík­ur­borg.

Skúli Þór Helga­son, for­maður skóla- og frí­stunda­ráðs Reykja­vík­ur­borg­ar, segir í sam­tali við Kjarn­ann að stoð­deildin sé að erlendri fyr­ir­mynd og að hún sé fram­för frá núver­andi kerfi þar sem börn inn­flytj­enda og hæl­is­leit­enda fari inn í almenna bekki án þess að vera til­búin til þess. Skúli segir að grunn­hug­myndin með stofnun deild­ar­innar sé að „mýkja lend­ing­una” fyrir börn hæl­is­leit­enda sem hingað til hafi farið inn í bekki í sínum skól­um, án þess að vera til­búin til þess. 

Kenn­ari sem Kjarn­inn ræddi sagði að sér lit­ist vel á úrræð­ið, þó að hann hefði ekki kynnt sér málið ítar­lega.

Auglýsing

Ekki verið að ein­angra börn hæl­is­leit­enda

Í til­kynn­ingu borg­ar­innar segir að mik­il­vægt sé að hlúa að náms- og félags­legri stöðu þess­ara barna, þar sem gera megi ráð fyrir að þau muni ekki dvelja lengi í íslensku sam­fé­lagi. Skúli þver­tekur fyrir að með stoð­deild­inni sé verið að ein­angra börn hæl­is­leit­enda eða að deildin muni koma í veg fyrir aðlögun þeirra að íslensku sam­fé­lagi. Þá sé alls ekki verið að reyna að koma í veg fyrir aðstæður líkar þeim sem komu upp í Haga­skóla nýver­ið, þegar nem­endur við skól­ann hófu mót­mæli gegn því að nem­anda og fjöl­skyldu hans yrði vísað úr landi.

Hann segir að þvert á móti sé deild­inni ætlað að auð­velda aðlögun barn­anna og koma í veg fyrir að þau upp­lifi sig utan­gátta þegar þau koma inn í almenna skóla­kerf­ið. Séu þau ekki undir það búin að taka þátt í almennu skóla­starfi þegar þau komi inn í skóla­kerfið þá geti barnið upp­lifað sig utan­gátta. Til­koma mót­töku­deild­ar­innar geti því auð­veldað þeim að mynda tengsl þegar þau koma inn í almenna bekki.

Hann segir að stoð­deildin sé ein­ungis tíma­bundið úrræði og miðað sé við að börnin verði þar í mesta lagi í nokkra mán­uði. Í stoð­deild­inni muni þau fá stuðn­ing og kenn­arar deild­ar­innar leggja á það mat hvenær þau séu til­búin til að fara inn í venju­legan bekk. Það mat muni meðal ann­ars byggja á and­legri stöðu barns­ins og hver skóla­ganga þess hefur verið áður en þau koma til Íslands.

Þörf á fjöl­breyttum úrræðum

Í skýrslu starfs­hóps skóla- og frí­stunda­sviðs um mót­töku og aðlögun barna inn­flytj­enda og hæl­is­leit­enda segir að dæmi sé um að börn í þessum hópi hafi orðið fyrir marg­þættum áföllum og að þau hafi ekki verið í skóla áður. Mis­brestur hafi verið á því að þjón­usta við þennan hóp og fjöl­skyldur þeirra sé í höndum félags­ráð­gjafa og því geti tekið langan tíma að koma málum þeirra í réttan far­veg. Nýja fyr­ir­komu­lagið tryggi hins vegar betra utan­um­hald utan um þennan hóp.

Í skýrsl­unni sem vitnað er til að ofan segir að mis­mun­andi sé bæði á milli landa og sveit­ar­fé­laga á Norð­ur­lönd­unum hvernig staðið sé að mót­töku barna inn­flytj­enda og flótta­fólks. Í stærri sveit­ar­fé­lögum og höf­uð­borgum land­anna séu mót­töku­mið­stöðvar fyrsti við­komu­staður barna sem eru nýkomin til lands­ins. Þar fari fram mat á stöðu barns­ins og á grund­velli þess mats sé ákveðið hvort að barnið fari í almennan bekk, mót­töku­deild innan skóla eða önnur úrræði. Mark­miðið sé hins vegar alltaf að sér­úr­ræði standi ekki lengi og að börnin geti hafið nám í almennum bekkj­um.

Hópar kenn­ara og kennslu­ráð­gjafa frá sveit­ar­fé­lögum á höf­uð­borg­ar­svæð­inu sem fóru til Nor­egs, Dan­merkur og Sví­þjóðar til að kynna sér hvernig mót­töku barna inn­flytj­enda og hæl­is­leit­enda er háttað þar skil­aði af sér til­lögum um úrbætur í mála­flokknum hér á landi. Þar er meðal ann­ars bent á að hópur erlendra barna sem hingað koma sé fjöl­breyttur og ólík­ur. Því sé mik­il­vægt að sveit­ar­fé­lögin bjóði upp á mis­mun­andi námsúr­ræði. Það kemur einnig fram í erlendri skýrslu sem vitnað er til, en þar segja við­mæl­endur að nauð­syn­legt sé að úrræðin séu fjöl­breytt.

Börnin hafa dreifst á tólf skóla

Í til­kynn­ingu borg­ar­innar segir að nem­end­urnir sem komi til með að sækja nám í stoð­deild­inni komi víðs vegar að úr borg­inni og hafi hingað til dreifst á tólf skóla. Í til­kynn­ingu borg­ar­innar segir að sam­göngur barn­anna muni verða tryggðar og Háa­leit­is­skóli hafi orðið fyrir val­inu meðal ann­ars vegna þess hversu mið­svæðis hann er í Reykja­vík og vel hann liggi við sam­göng­um. Þá sé íþrótta­fé­lag starf­andi við skól­ann og hús­næði frí­stunda­heim­ilis skól­ans nýt­ist vel.

Áætlað er að kostn­aður skóla- og frí­stunda­sviðs fyrir árið 2019 verði fjórtán millj­ónir og að við deild­ina muni starfa einn deild­ar­stjóri, þrír kenn­arar auk eins stuðn­ings­full­trúa.

Sam­kvæmt til­kynn­ingu borg­ar­innar liggur fyrir umsögn skóla­ráðs Háa­leit­is­skóla, auk þess sem for­eldra­fé­lag skól­ans og kenn­arar hafi verið jákvæðir í garð þess að deildin verði starf­rækt innan veggja skól­ans.



Fjárfestingar Íslandspósts of miklar í fyrra
Fjárhagsvandi Íslandspósts stafar af of kostnaðarsamri dreifingu pakkasendinga frá útlöndum og samdrætti í bréfasendingum hjá fyrirtækinu. Vandi þess stafar þó einnig af of miklum fjárfestingum í fyrra miðað við greiðslugetu fyrirtækisins.
Kjarninn 25. júní 2019
Skúli Eggert Þórðarson
Ræddu framtíðarsýn Íslandspósts
Ríkisendurskoðandi fundaði með fjárlaganefnd og stjórnskipunar- og eftirlitsnefnd í morgun, en fulltrúar fjármálaráðuneytisins og samgöngu- og sveitarstjórnarráðuneytisins voru einnig viðstaddir, sem og stjórn Íslandspósts.
Kjarninn 25. júní 2019
Ójöfn fjölskylduábyrgð hefur áhrif á stöðu kvenna í atvinnulífinu
Konur bera enn meginábyrgð á heimilinu, bæði er kemur að börnum, heimilisstörfum og umönnun aldraðra foreldra.
Kjarninn 25. júní 2019
Stuðningur við ríkisstjórnina mestur hjá kjósendum Sjálfstæðisflokks
Fleiri væntanlegir kjósendur Vinstri grænna styðja ríkisstjórnina en þeir sem segjast ætla að kjósa Framsóknarflokkinn. Stuðningur við hana á meðal kjósenda Sjálfstæðisflokksins hefur aukist síðustu vikur.
Kjarninn 25. júní 2019
Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Þóra Kristín Þórsdóttir
Frá #konurtala til #konurþagna?
Kjarninn 25. júní 2019
Rúmlega þúsund kröfur vegna Gaman ferða
Alls bárust Ferðamálastofu 1.038 kröfur vegna Gaman ferða sem hættu starfsemi fyrr á árinu í kjölfar gjaldþrots WOW air. Ferðaskrifstofan var í 49 prósent eigu WOW air.
Kjarninn 25. júní 2019
Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Meira úr sama flokkiInnlent