Icelanda­irgroup vinnur nú að loka­drög­um að sölu­samn­ingi á 80 pró­sent hlut í Icelandair Hot­els, dótt­ur­fé­lag­i Icelanda­ir Group. Kaup­and­inn er dótt­ur­fé­lag mala­síska fjár­fest­inga­fé­lags­ins Berja­ya Cor­poration. Frá þessu er greint í Við­skipta­Mogg­anum í dag. 

Um tvö þús­und hót­el­her­bergi

Icelanda­ir Group til­kynnti í maí á síð­asta ári að félagið hefði ákveðið selja Icelanda­ir Hot­els og fast­­eignir sem til­­heyra hót­­el­­rekstri, en sam­tals rekur fyr­ir­tækið 13 hót­­el. Þá rekur fyr­ir­tækið einnig tíu sum­­­ar­hótel undir merkjum Eddu hót­­ela um allt land. Um er að ræða alls 1.937 her­bergi á land­inu öllu, 876 í Reykja­vík og 450 her­bergi á lands­­byggð­inni í rekstri allt árið en þar að auki 611 Eddu hót­­el­her­bergi í sum­­­ar­­rekstri. ­Sam­kvæmt heim­ildum Við­skipta­Mogg­ans hugð­ist Icelanda­ir Group ­selja félagið í heild en mun nú halda eftir fimmt­ungs­hlut af því.

Stærsta fyr­ir­tæki í Malasíu

Berja­ya Cor­poration, sem var stofnuð af millj­arða­mær­ingnum Vincent Tan en hann er einnig eig­anda breska knatt­spyrnu­fé­lags­ins Car­diff City. Berja­ya Cor­poration ­sem er eitt stærsta fyr­ir­tæki í Malasíu. Fjár­festir það meðal ann­ars í lottó- og fjár­hættu­spila­starf­semi, hót­elum og öðrum fast­eigna­verk­efn­um, fjar­skipta­þjón­ustu, mat­væla- og drykkj­ar­fram­leið­end­um, dreif­ing­ar­­fyr­ir­tækj­um, bíla­sölum og hinum ýmsu fram­leiðslu­fyr­ir­tækj­um, svo eitt­hvað sé nefnt.

Í febr­úar síð­ast­liðnum var greint frá því að dótt­ur­fé­lag Berja­ya Cor­poration, Berja­ya Reykja­vik In­vest­ment, væri að ganga frá­ ­kaup­um á fast­eign­inni að Geirs­götu 11 á Mið­bakka við gömlu höfn­ina í Reykja­vík­. ­Selj­endur eru félögin Fiski­tangi og Útgerð­ar­fé­lag Reykja­víkur sem eru að stærstum hluta í eigu Guð­mundar Krist­jáns­son­ar, útgerð­ar­manns og for­stjóra HB Granda.

Útkoman verri en búist var við

Icelanda­ir tap­aði 6,7 millj­­örðum á fyrstu þremur mán­uðum árs­ins, eða sem nemur rúm­­lega 55 millj­­ónum Banda­­ríkja­dala. Út­koman var lak­­ari en spár grein­enda á mark­aði höfðu gert ráð fyr­­ir. Á síð­­­ustu tveimur árs­fjórð­ungum hefur félagið tapað 13,5 millj­­örðum króna.  Bogi Nils Boga­­son, for­­stjóri félags­­ins, sagði að rekstr­­ar­um­hverfið flug­fé­lags­ins hefði verið erfitt und­an­farin mis­s­eri, ekki síst vegna þess að sam­keppn­is­að­ilar hafi verið selja far­miða á ósjálf­­bærum verð­u­m. 

Í til­­kynn­ingu sem Icelanda­ir sendi til kaup­hall­­ar, vegna upp­­­gjör­s­ins, segir að þrátt fyrir erf­iða stöðu séu lang­­tíma­horfur félags­­ins og íslenskrar ferða­­þjón­­ustu góð­­ar.