Um 29 pró­sent drengja og 16 pró­sent stúlkna gátu ekki lesið sér til gagns árið 2015. Þetta kemur fram í svari Lilju Alfreðs­dótt­ur, mennta- og menn­ing­ar­mála­ráð­herra, við fyr­ir­spurn frá Ingu Sæland, for­manni Flokks fólks­ins, um læsi drengja og stúlkna við lok grunn­skóla­göngu.

Mik­ill munur er á 15 ára tíma­bili þar sem árið 2000 gátu 20 pró­sent drengja og átta pró­sent stúlkna ekki lesið sér til gagns. 

Ráð­herra hefur áður sagt lesskiln­ing vera eitt helsta vanda­málið sem takast þurfi á við, auk stöðu nem­enda með annað móð­ur­mál en íslensku og gagn­sæi í upp­lýs­inga­öfl­un. Þau verk­efni eru meðal þeirra sem eru til skoð­unar við mótun mennta­stefnu Íslands til árs­ins 2030. 

Í nor­rænni skýrslu um atvinnu­þátt­töku og menntun flótta­manna og inn­flytj­enda á Norð­ur­löndum kemur fram að erf­ið­lega gangi að hjálpa börnum inn­flytj­enda að aðlag­ast skóla­kerfum Norð­ur­land­anna. Í skýrsl­unni er áhersla lögð á að styðja eigi betur við þau börn sem koma eldri inn í skóla­kerf­ið.

Áður hefur komið fram að Íslend­ingum sem lesa aldrei hefur fjölgað auk þess sem bók­sala hefur dreg­ist saman um 37 pró­sent á síð­ast­liðnum árum.