Íslend­ingar verða mest varir við sam­keppn­is­vanda­mál í far­þega­þjón­ustu. Um 42 pró­sent svar­enda nefna þjón­ust­una sem þann geira þar sem við­kom­andi hefði upp­lifað vanda­mál sökum skorts á sam­keppni. Þar á eftir nefna svar­endur fjár­mála­þjón­ustu, eða um 33 pró­sent og þar á eftir mat­vöru­mark­að, 24 pró­sent. 

Þetta kemur fram í nið­ur­stöður MMR könn­unar fyrir Sam­keppn­is­eft­ir­litið um við­horf almenn­ings til sam­keppn­is­stefnu stjórn­valda og sam­keppni í til­teknum atvinnu­grein­um. Alls voru 941 ein­stak­lingar spurðir við fram­kvæmd könn­un­ar­innar dag­ana 30. apríl til 3. maí 2019.

Hátt verð og lít­ill verð­mun­ur 

Íslend­ingar eru mest varir við sam­keppn­is­vanda­mál í ferða­þjón­ustu, fjár­mála­þjón­ustu og á mat­vöru­mark­aði. Þegar spurt var hver séu helstu vanda­málin á við­kom­and­i ­mörk­uðum þá var hátt verð og lítil verð­munur oft­ast nefnt. Alls sögðu 64 pró­sent að verð­lag væri vanda­málið í mat­vöru­mark­aði, far­þega ­þjón­ust­u og 54 pró­sent svör­uðu að verð­lag­ið væri vanda­málið á lyfja­mark­að­i. 

Lítill mark­tækur munur á verði fyrir svip­aða þjón­ustu var einnig oft nefndur sem vanda­mál á þessum mörk­uðu. Af þeim sem töldu skort á sam­keppni í fjár­mála­þjón­ustu nefndu þau oftast verð­lag en auk þess var verð­lag oft nefnt sem vanda­mál í síma- og net­þjón­ustu í könn­un­inni.

Könn­unin Sam­keppn­is­eft­ir­lits er byggð á könnun sem fram­kvæmda­stjórn Evr­ópu­sam­bands­ins hefur látið gera þrisvar sinnum í öllum aðild­ar­ríkjum sam­bands­ins. ­Eft­ir­lit­ið ­segir að með því að fram­kvæma könn­un­ina hér á landi gefst tæki­færi til þess að bera nið­ur­stöð­urnar saman við nið­ur­stöður innan ESB og ein­stakra aðild­ar­ríkja. 

Íbúar ESB verða mest varir við sam­keppn­is­vanda­mál í síma- og ­net­þjón­ustu, eða 27 pró­sent svar­enda, auk þess verða þeir varir við vanda­mál innan orku­mark­aðs­ins og lyfja­mark­aðs­ins. Í könnun ESB var hátt verð einnig oft­ast nefnt sem vanda­mál á þessum mörk­uð­um. Í til­felli síma- og net­þjón­ustu nefndu að með­al­tali um 70 ­pró­sent svar­enda í könnun ESB verð, það sama á við um aðra geira sem spurt var um.

Íslenskir neyt­endur með­vit­aðir

Nær allir svar­endur í könn­un­inn­i ­töldu virka sam­keppni hafa góð áhrif á sig sem neyt­endur eða 97 pró­sent svar­enda. Það er hærra en gengur og ger­ist í ríkjum Evr­ópu­sam­bands­ins þar sem hlut­fallið er að með­al­tali 83 pró­sent í sam­bæri­legri könn­un. 

Þá sögðu 8 af hverjum 10 Íslend­ingum hafa heyrt um ákvörðun tekna af sam­keppn­is­yf­ir­völdum og nær allir þeirra nefna Sam­keppn­is­eft­ir­litið í því sam­hengi miðað við 5 af hverjum 10 innan ESB sem hafa heyrt um ákvörðun sam­keppn­is­yf­ir­valda.

Sam­kvæmt til­kynn­ingu frá Sam­keppn­is­eft­ir­lit­inu benda nið­ur­stöður könn­un­ar­innar til þess að íslenskir neyt­endur séu mjög með­vit­aðir um mik­il­vægi virkrar sam­keppni og sam­keppn­is­eft­ir­lits.