Alls söfn­uð­ust 3.767.000 krónur í Mál­frels­is­sjóð­inn en söfn­unin hófst þann 21. júní síð­ast­lið­inn og lauk í gær. Frá þessu er greint á Face­book-­síðu sjóðs­ins í dag.

„Við erum í skýj­unum með árang­ur­inn og þökkum öllum sem lögðu sitt af mörkum kær­lega fyrir sam­stöð­una. Hjálp ykkar nýt­ist til að umbylta því hvernig tekið er á kyn­bundnu ofbeldi og nauðg­unum á Íslandi og mun tví­efla þær sem berj­ast fyrir rétt­læti á þessu sviði.

Einnig er ómet­an­legt fyrir þolendur að vita af slíkum stuðn­ingi, burt­séð frá pen­ing­unum sem hafa safn­ast. Sér­stak­lega þökkum við þeim hug­rökku konum sem sögðu frá sínum upp­lif­inum af því að lifa við skert mál­frelsi og afleið­ingum þess að mega ekki tjá sig um ofbeldið sem þær urðu fyr­ir,“ segir á síðu sjóðs­ins.

Sam­kvæmt sjóðnum verða næstu skref að form­festa sjóð­inn og úthlut­un­ar­reglur og munu þær birta allar praktískar upp­lýs­ingar þegar þær liggja fyr­ir.

Í lok­inn þakka þær fyrir og segja: „Við höfum sýnt að við munum ekki þagna.“

Berj­ast fyrir því að fá rétt­ar­kerf­inu breytt

Kon­urnar sem stóðu fyrir söfn­un­inni eru þær Helga Þórey Jóns­dótt­ir, Anna Lotta Michaels­dótt­ir, Elísa­bet Ýr Atla­dóttir og Sóley Tóm­a­s­dótt­­ir.

Anna Lotta sagði í sam­tali við Kjarn­ann í júní síð­ast­liðnum að dóm­­­ur­inn gegn Odd­nýju Ara­dóttur og Hildi Lilli­endahl Vigg­ós­dótt­­­ur, sem dæmdar voru til að greiða miska­bætur vegna ummæla sinna í kjöl­far hins svo­­­kall­aða Hlíða­­­máls, væri for­­­dæm­is­­­gef­andi. Anna Lotta sagði að stofn­endur sjóðs­ins væru að berj­­­ast fyrir því að fá rétt­­­ar­­­kerf­inu breytt og að gefið væri að Oddný og Hildur myndu fá úr sjóðn­­­um.

„Það er ekk­ert verið að dæma harðar eða oftar í kyn­­­ferð­is­brota­­­mál­um, en þá virð­ist með þessum dómi vera komið til­­­­­tölu­­­lega gott vopn gegn konum sem tjá sig um kyn­­­ferð­is­of­beldi, að það sé hægt að kæra þær fyrir meið­yrð­i,“ sagði Anna Lotta.