Bjarni segir Sigríði Andersen „að sjálfsögðu“ geta orðið ráðherra að nýju

Formaður Sjálfstæðisflokksins segir að Sigríður Á. Andersen, sem sagði af sér sem dómsmálaráðherra fyrr á árinu, geti „að sjálfsögðu“ átt endurkomu í ríkisstjórn.

Sigríður Á. Andersen
Auglýsing

Sig­ríður Á. And­er­sen, sem sagði af sér sem dóms­mála­ráð­herra fyrr á þessu ári eftir dóm Mann­rétt­inda­dóm­stóls Evr­ópu í Lands­rétt­ar­mál­inu, gæti sest aftur í rík­is­stjórn.

Bjarni Bene­dikts­son, for­maður Sjálf­stæð­is­flokks­ins, sagði þetta á opnum fundi þing­flokks flokks­ins í Val­höll fyrr í dag. Sam­kvæmt frétt mbl.is um málið svar­aði Bjarni spurn­ingu um mögu­lega end­ur­komu Sig­ríðar svona: „Að sjálf­­sögðu get­ur hún átt end­­ur­komu í rík­­is­­stjórn­.“ 

­Mann­rétt­inda­­­dóm­­­stóll Evr­­­ópu komst að þeirri nið­­ur­­stöðu í mars síð­­­ast­liðn­­­um að Sig­ríður og Alþingi hafi skipað fjóra dóm­­­ara af þeim 15 sem voru upp­­haf­­lega skip­aðir í Lands­rétt með ólög­­­mætum hætti. Sig­ríður þurfti að segja af sér emb­ætti dóms­­­mála­ráð­herra vegna máls­ins. Hún sagði á blaða­manna­fundi af því til­efni að hún væri að víkja til hliðar tíma­bund­ið, en slíkt er ekki hægt sam­kvæmt íslenskri stjórn­skip­an. 

Kjarn­inn greindi frá því á sínum tíma að afsögn Sig­ríðar hafi orðið meðal ann­ars vegna þess að Katrín Jak­obs­dóttir for­sæt­is­ráð­herra hafði komið því skýrt á fram­færi við for­menn sam­starfs­flokka sinna að Sig­ríður yrði að axla ábyrgð á mál­inu með afsögn. 

Íslenska ríkið ákvað í kjöl­farið að áfrýja nið­ur­stöð­unni til efri deildar dóm­stóls­ins og nú er beðið eftir ákvörðun um hvort hún muni taka málið fyrir eða ekki.

Auglýsing
Þór­dís Kol­brún Reyk­­fjörð Gylfa­dótt­ir, tók tíma­bundið við dóms­mála­ráðu­neyt­inu sam­hliða öðrum ráð­herra­störfum eftir afsögn Sig­ríðar en nýr dóms­mála­ráð­herra verður skip­aður í nán­ustu fram­tíð. Orð Bjarna gefa til kynna að Sig­ríður geti mögu­lega snúið aftur í fyrra starf.

Sagði Sam­fylk­ing­una taka afstöðu gegn Íslandi

Sig­ríður tjáði sig um Lands­rétt­ar­málið í stöðu­upp­færslu á Face­book í síð­ustu viku. Til­efnið voru orð  Helgu Völu Helga­dótt­­ur, þing­­manns Sam­­fylk­ing­­ar­innar og for­­manns stjórn­­­skip­un­­ar- og eft­ir­lits­­nefnd­­ar, vegna svar­­leysis núver­andi dóms­­mála­ráð­herra vegna fyr­ir­­spurnar hennar um kostnað hins opin­bera af Lands­rétt­­ar­­mál­inu svo­­kall­aða. 

Helga Vala sagði í stöð­u­­upp­­­færslu á Face­book fyrr sama dag að ráð­herr­ann hefði ekki svarað marg­ít­rek­uðum fyr­ir­­spurnum sínum um málið og velti því fyrir sér hvort það gæti ekki verið að henni væri ekki svarað „því það er verið að bíða eftir nýjum dóms­­­­mála­ráð­herra Sjálf­­stæð­is­­flokks og sú sem þar situr vill bara alls ekki fá þennan skít á sig?“ 

Sig­ríður sagði Helgu Völu nota „orðið „skít­­ur“ um það að íslenska ríkið taki til varna þegar að hags­munum Íslands og íslenskrar stjórn­­­skip­unar er sótt í gegnum erlendar stofn­an­­ir. Það kemur svo sem ekki á óvart að Sam­­fylk­ingin taki afstöðu gegn Íslandi eins og hún gerði í Ices­ave mál­inu og með umsókn­inni og aðlög­un­inni að Evr­­ópu­­sam­­band­inu á sínum tíma. En þetta orð­bragð lýsir alveg nýjum metn­aði gegn hags­munum Ísland.“ 

Kall­aði Mann­rétt­inda­dóm­stól­inn póli­tíska stofnun

Í stöð­u­­upp­­­færsl­unni sagði Sig­ríður að ráð­herra, Alþingi og for­­seti Íslands hafi allir kom­ist að sömu nið­­ur­­stöðu um skipun 15 dóm­­ara við Lands­rétt. „Hæst­i­­réttur komst svo að þeirri nið­­ur­­stöðu að við dóm­­ur­unum 15 yrði ekki hróflað og að sak­­born­ingar nytu rétt­látrar máls­­með­­­ferðar fyrir dóm­in­­um. Allar greinar rík­­is­­valds­ins voru sam­­stíga um nið­­ur­­stöð­una. Aldrei áður hafa dóm­­arar verið skip­aðir með svo þéttum stuðn­­ingi allra greina rík­­is­­valds­ins. Lands­­réttur starf­aði svo með miklum ágætum á annað ár.

Auglýsing
Þá gerir ein af póli­­tískt skip­uðum stofn­unum Evr­­ópu­ráðs­ins, MDE, því skóna í mála­­ferlum manns, sem ját­aði að hafa ekið bif­­reið undir áhrifum fíkn­i­efna og án öku­rétt­inda, að dómur Lands­réttar yfir mann­inum hefði verið mann­rétt­inda­brot!“

Sig­ríður bætti við að önnur ástæða fyrir ákvörðun Mann­rétt­inda­­dóm­stóls Evr­­ópu væri sú ákvörðun Alþing­is, þvert á það sem hún hafi lagt til við Alþingi, að greiða atkvæði í einu lagi um allar 15 til­­lög­­urn­­ar. „Þeir sem stóðu að þessu „mann­rétt­inda­broti“ á sak­­born­ingi að mati MDE voru meðal ann­­arra þing­­menn Sam­­fylk­ing­­ar­inn­­ar.“

Sagði Sig­ríði ekki vera Ísland

Björn Leví Gunn­ars­son, þing­maður Pírata, svar­aði Sig­ríði síð­an, einnig á Face­book, í gær. Þar skrif­aði hann, um orð Sig­ríðar þess efnis að Sam­fylk­ingin tæki afstöðu gegn Ísland, eft­ir­far­andi: „Því­lík og önnur eins skíta­­rök hef ég sjaldan heyrt áður. Já, mér finnst orðið skítur við­eig­andi við þetta til­­efn­i.“ 

Björn Leví sagði að það hefði ekki verið Ísland sem hafi verið í vörn út af Lands­rétt­­ar­­mál­inu. „Það er vörn fyrir fyrr­ver­andi dóms­­mála­ráð­herra sem fótum tróð upp­­lýs­inga­­skyldu sína gagn­vart Alþingi þegar gögn um ráð­­legg­ingar sér­­fræð­inga ráðu­­neyt­is­ins voru hunsuð og þeim var ekki deilt með þing­inu og sagt að engin and­­mæli væru við þeim mála­til­­bún­­aði sem fyrr­ver­andi dóms­­mála­ráð­herra fór fram með. Sig­ríður Á. And­er­sen er ekki Ísland, hún tók þessa ákvörðun út frá sinni per­­són­u­­legu þekk­ingu og hefur því ekk­ert með að draga ein­hverja þjóð­ern­is­hyggju inn í þetta mál. Það er ömur­­leg sjálfs­vörn að spila málið upp þannig.“

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Guðmundur hættur sem bæjarstjóri Ísafjarðarbæjar
Bæjarstjóri Ísafjarðarbæjar hefur látið af störfum. Ástæðan er ólík sýn hans og meirihluta bæjarstjórnar á verkefni á vettvangi sveitarstjórnarstigsins.
Kjarninn 27. janúar 2020
Þórður Snær Júlíusson
Lélegir kapítalistar hampa braski sem snilld
Kjarninn 27. janúar 2020
„Stöðvum tanngreiningar“ – Vilja fella þjónustusamning úr gildi
Nú stendur yfir undirskriftasöfnun þar sem skorað er á háskólaráð að standa vörð um mannréttindi flóttafólks og umsækjenda um alþjóðlega vernd með því að fella þjónustusamning HÍ við Útlendingastofnun úr gildi.
Kjarninn 27. janúar 2020
Kom eins og stormsveipur
Kobe Bryant var fyrirmynd ungra íþróttaiðkenda. Hann lagði sig fram um að tengjast fyrirmyndum í ólíkum íþróttagreinum, til að hafa jákvæð áhrif um allan heim. Körfuboltaheimurinn er í sjokki eftir andlát hans.
Kjarninn 27. janúar 2020
Hildur Guðnadóttir vann Grammy-verðlaun fyrir Chernobyl
Hildur Guðnadóttir bætti enn einum stórverðlaununum í sarpinn í kvöld þegar hún hlaut Grammy-verðlaun.
Kjarninn 26. janúar 2020
Landris hefur orðið vestan við fjallið Þorbjörn.
„Óvenju hratt“ landris vegna mögulegrar kvikusöfnunar við fjallið Þorbjörn
Land á Reykjanesi hefur risið um allt að tvo sentímetra á nokkrum dögum, jarðskjálftar hafa orðið og hefur óvissustigi nú verið lýst yfir. Síðast gaus á svæðinu á þrettándu öld. Íbúafundir verða haldnir á morgun.
Kjarninn 26. janúar 2020
Norrænir bankar í vandræðum með reksturinn
Neikvæðir vextir á Norðurlöndunum eru nú farnir að skapa vandamála fyrir banka á svæðinu. Stjórnandi hjá fjármálaeftirliti Danmerkur segir að framundan séu erfið rekstrarskilyrði fyrir banka.
Kjarninn 26. janúar 2020
Svíður óréttlætið sem mætir flestum þolendum alvarlegra atvika
Auðbjörg Reynisdóttir safnar nú fyrir bókinni Stærri en banvæn mistök á Karolinafund en hún gekk sjálf í gegnum erfiða tíma í kjölfar afleiðinga læknamistaka. Hún segir frá því í bókinni hvernig henni tókst að vinna úr áfallinu.
Kjarninn 26. janúar 2020
Meira úr sama flokkiInnlent