Átta konur á meðal 100 launahæstu forstjóra

Einungis ein kona nær inn á topp tíu yfir launahæstu forstjóra landsins og allir forstjórar sem voru með yfir átta milljónir króna á mánuði eru karlar.

tekjurkonur.jpg
Auglýsing

Átta konur komast á lista yfir 100 launahæstu forstjóra landsins sem birtur er í tekjublaði Frjálsrar verslunar.

Tekjublaðið, þar sem tekjur 3.725 Íslendinga eru opinberaðar á grundvelli upplýsinga á greiddu útsvari samkvæmt álagningarskrám Ríkisskattstjóra (RSK), kom út í dag.

Sú kona í forstjórastöðu sem situr efst á þeim lista er Rannveig Rist, forstjóri Rio Tinto Alcan á Ísland. Hún var með tæplega 6,3 milljónir króna á mánuði. Herdís Dröfn Fjeldsted, sem var framkvæmdastjóri Framtakssjóðs Íslands, fjárfestingarsjóðs í eigu Landsbankans og lífeyrissjóða, var með 6,1 milljón króna í mánaðarlaun í fyrra, en hún tók einnig sæti í stjórn Arion banka á því ári. Hún situr í 13. sæti lista Frjálsrar verslunar. 

Erna Gísladóttir, hluthafi og forstjóri bílaumboðsins BL situr svo í 20. sæti listans en meðallaun hennar á mánuði í fyrra voru tæplega 5,1 milljónir króna. 

Auglýsing
Tveir forstjórar Nova, sá fyrrverandi og núverandi, komast báðar á listann yfir hæstlaunuðustu forstjóranna. Liv Bergþórsdóttir, var með 4,9 milljónir króna að meðaltali í mánaðarlaun í fyrra en eftirmaður hennar í starfi, Margrét B. Tryggvadóttir, var með rúmlega 3,7 milljónir króna á mánuði. Liv sat einnig í stjórn WOW air á síðasta ári. 

Þær sitja í 25. og 50. sæti á listanum yfir hæstlaunuðustu forstjóranna. Á milli þeirra á listanum er svo Hrund Rudólfsdóttir, forstjóri Veritas Capital, með 4,7 milljónir króna í mánaðarlaun. Hún situr í 29. sæti á listanum. 

Magnea Þórey Hjálmarsdóttir, framkvæmdastjóri Icelandair Hotels, situr í sæti 55 á lista Frjálsrar verslunar með tæplega 3,7 milljónir króna á mánuði. Síðasta konan til að ná inn á topp 100 er svo Katrín Pétursdóttir, forstjóri Lýsis, sem var með tæplega 3,2 milljónir króna í mánaðarlaun í fyrra að meðaltali og nær að setjast í 74. sæti listans á grundvelli þeirra. 

Karlar ráða sér í efstu sætin

Jón Björnsson, fyrrverandi forstjóri Festis, var tekjuhæsti forstjóri landsins í fyrra með um 28,4 milljónir króna á mánuði. Jón stýrði Festi, sem rekur N1, Krónuna, Elko og Bakkann, þangað til í byrjun september í fyrra.

Þar á eftir komu Kári Stefánsson, með 27,5 milljónir króna á mánuði, og Róbert Wessman, forstjóri Alvogen, með 27,4 milljónir króna á mánuði. Íslensk erfðagreining sendi frá sér athugasemd í morgun þar sem fram kemur að mánaðarlaun Kára Stefánssonar hjá fyrirtækinu séu 7,5 milljónir króna, en ekki sú tala sem tilgreind er í tekjublaðinu. „Mismunurinn stafar að mestu af því að Kári Stefánsson ákvað leysa til sín sparnað úr séreignasjóði lífeyrissjóðs í fyrra. Sú eingreiðsla bætist við skattstofninn og þannig verður þessi misskilningur til.“

Auglýsing
Tómas Már Sigurðsson, fyrrverandi forstjóri Alcoa USA, var með 14,7 milljónir króna í tekjur á mánuði í fyrra, Valur Ragnarsson, fyrrverandi forstjóri Medis, hafi verið með 10,4 milljónir króna á mánuði og Grímur Sæmundsen, forstjóri og helsti hluthafi Bláa Lónsins, fékk 10,3 milljónir króna í laun á mánuði árið 2018. 

Samkvæmt þessu voru sex forstjórar með mánaðarlaun sem voru yfir tíu milljónum króna á mánuði. Níu forstjórar voru með laun yfir átta milljónum á mánuði þar sem þeir Árni Oddur Þórðarson (8,9 milljónir króna á mánuði), forstjóri Marel, Jón Þorgrímur Stefánsson (8,2 milljónir króna á mánuði), forstjóri NetApp, og Carlos Cruz (8,1 milljón króna á mánuði), forstjóri Coca Cola á Íslandi, náðu líka þeim áfanga. 

Allir níu forstjórarnir sem voru með yfir átta milljónir króna í mánaðarlaun eru karlar. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Jón Ormur Halldórsson
Pólitíska miðjan hennar Merkel
Kjarninn 19. september 2021
Steinar Frímannsson
Góð, en stundum þokukennd stefna – Umhverfisstefna Viðreisnar
Kjarninn 19. september 2021
Tugir innherjasvikamála órannsökuð þegar Fjármálaeftirlitið hætti rannsóknum
Fyrrverandi rannsakandi á verðbréfasviði Fjármálaeftirlitsins eftir hrun bankakerfisins segir sögu sína í bók sem brátt kemur út í Bretlandi og Bandaríkjunum. Hann segir stór mál enn hafa verið órannsökuð þegar FME slaufaði rannsóknarteymum sínum.
Kjarninn 19. september 2021
Þegar Pia Kjærsgaard var forseti danska þingsins á árunum 2015-2019 lét hún hengja upp stóran danskan fána í þingsalnum.
Uppgjör
Árlegt flokksþing Danska þjóðarflokksins fer fram nú um helgina. Það er haldið í skugga deilna um forystu flokksins og hrapandi fylgi. Háværar raddir hafa heyrst um nauðsyn þess að skipta um formann og eitt kunnuglegt nafn heyrst æ oftar: Pia Kjærsgaard.
Kjarninn 19. september 2021
Loðfílar hafa veirð útdauðir í um tíu þúsund ár.
Ætla sér að koma loðfílum á legg innan sex ára
Fyrirtækið Colossal segir loðfíla geta reynst vel í baráttunni gegn loftslagsbreytingum og ætla sér að búa þá til með því að blanda erfðaefni þeirra við frumur Asíufíls. Aðrir vísindamenn efast um ágæti verkefnisins.
Kjarninn 18. september 2021
Árni Jensson
Viðhorfskönnun Gallup – Trúmál
Kjarninn 18. september 2021
Jón Baldvin Hannibalsson
Land tækifæranna
Kjarninn 18. september 2021
Svona mun Sigurboginn líta út fram til 3. október
Sigurboginn klæddur í 25 þúsund fermetra plastklæði
Fyrsta stóra verkefni Christo og Jeanne-Claude hefur litið dagsins ljós eftir andlát Christo. Það hefur verið lengi í undirbúningi en um þúsund manns koma að uppsetningunni og kostnaður nemur rúmum tveimur milljörðum króna.
Kjarninn 18. september 2021
Meira úr sama flokkiInnlent