UNICEF á Íslandi von­ast til að fólk á sam­fé­lags­miðlum svari vin­sam­legu ákalli þeirra um að hugsa sig tvisvar um áður en það skrifar athuga­semdir um Gretu Thun­berg. Frá þessu er greint á Face­book-­síðu þeirra í dag.

Þá kemur fram í stöðu­upp­færslu UNICEF að síð­ustu daga hafi mikið verið fjallað um Gretu í fjöl­miðl­um, „sem nýtur réttar síns sem barn og sem mann­eskja til að láta rödd sína heyr­ast í lofts­lags­um­ræð­unn­i.“

Því miður séu margir full­orðnir að skrifa niðr­andi og hat­urs­fullar athuga­semdir um hana sem mann­eskju. Það sé ekki ásætt­an­legt. Sem lofts­lags­að­gerð­ar­sinni, sem barn og sem mann­eskja eigi Greta, ásamt öðrum, rétt á að láta rödd sína heyr­ast.

Börn eiga rétt á að vera vernduð gegn hatri

„Við viljum biðja fólk um að hugsa sig tvisvar um áður en það skrifar athuga­semdir á sam­fé­lags­miðla. Hér er um að ræða mann­eskja sem á að vera sýnd virð­ing. Líka á inter­net­in­u,“ segir í færsl­unni.

Jafn­framt kemur fram að UNICEF styðji börn sem berj­ast fyrir betri fram­tíð. Þau hafi rétt á að vera vernduð gegn hatri. UN­ICEF imprar á að það sé á allra ábyrgð.

„Við vonum að þú munir hjálpa Gretu, og öllum þeim mögn­uðu og hug­rökku börnum sem eru að tjá sig, að njóta réttar síns og hlust­a,“ segir í færsl­unn­i.