Almenningur hafi aðgang að upplýsingum um stjórnsýslu Alþingis

For­sætis­nefnd hefur lagt fram frum­varp þess efnis að almenn­ingur hafi aðgengi að upp­lýs­ingum um stjórnsýslu Alþingis. Þar á meðal eru greiddir reikningar úr bók­haldi skrif­stofu Alþingis og fundargerðir forsætisnefndar.

Steingrímur J. Sigfússon, forseti Alþingis.
Steingrímur J. Sigfússon, forseti Alþingis.
Auglýsing

Forsætisnefnd hefur lagt fram frumvarp um breytingar á lögum um þingsköp Alþingis. Frumvarpið snýr að því að veita almenning aðgang að upplýsingum um stjórnsýslu Alþingis. Þar á meðal er gert ráð fyrir að öllum verði unnt að skoða upplýsingar um greidda reikninga úr bókhaldi skrifstofu Alþingis. Jafnframt verði hægt að nálgast gögn um störf nefnda eða starfshópa sem forseti eða forsætisnefnd hefur komið á fót til þess að kanna einstök mál eða til að vinna tillögur um málefni. 

Gild­is­svið upp­lýs­inga­laga var víkkað í ár

Forsætisnefnd undir forystu Steingríms J. Sigfússonar, forseta Alþingis, vinnur nú að breytingum á þingsköpum vegna nýsamþykktra breytinga á upplýsingalögum, þar sem gildissvið laganna var útvíkkað og meðal annars látið ná til stjórnsýslu Alþingis. 

Með stjórnsýslu Alþingis er átt við þá starfsemi sem fram fer á vegum Alþingis, þar á meðal starfsemi sem forseta Alþingis eða forsætisnefnd er falin. Undanskildar eru hins vegar upplýsingar og skjöl er varða þingstörf Alþingis. 

Auglýsing

Hægt að nálgast reikninga frá skrifstofu Alþingis

Nú þegar er almenning veittur aðgangur að upplýsingum um starfsemi Alþingis þegar kemur að meðferð þingmála, þar á meðal um löggjafarstarf þingsins, meðferð fjárstjórnarvalds og eftirlitsstörf þingsins. Einnig hafa verið settar reglur um opna fundi fastanefnda þingsins og upplýsingar um laun og kostnaðargreiðslur þingmanna hafa verið gerðar aðgengilegar á vef þingsins frá alþingiskosningum árið 2007. 

Alþingishúsið. Mynd: Bára Huld Beck.Með þessu frumvarpi forsætisnefndar er lagt til að meginreglan verði sú að aðgangur skuli vera veittur að gögnum um þá starfsemi Alþingis sem lýtur að stjórnsýslu þess og er í grundvallaratriðum ekki frábrugðin því sem gildir um starfsemi opinberra aðila sem heyra undir framkvæmdarvaldið. 

Þar á meðal eru fundargerðir forsætisnefndar og annara nefnda eða starfshópa sem hafa starfsaðstöðu hjá skrifstofu Alþingis. Takmarkanir kunna þó að vera á aðgangi að fundargerðum forsætisnefndar, einkum ef efni fundargerða varðar störf Alþingis eða um málefni starfsmanna. 

Jafnframt er lagt til að heimildin verði látin ná til gagna um störf nefnda eða starfshópa sem forseti eða forsætisnefnd hefur komið á fót til þess að kanna einstök mál eða til að vinna tillögur um málefni. Einnig er lagt til að gögn um úthlutun heiðurslauna verði aðgengileg.

Ef frumvarpið nær fram að ganga verður jafnframt hægt skoða upplýsingar um greidda reikninga úr bókhaldi skrifstofu Alþingis með líkum hætti og nú er um greidda reikninga ráðuneyta og stofnana úr bókhaldi ríkisins.

Nær ekki til starfa Alþingis sem fulltrúasamkomu 

Upplýsingaskyldan nær aftur á móti ekki til starfa Alþingis sem fulltrúasamkomu þjóðkjörinna fulltrúa, það er hvorki til starfa þingmanna, þingflokka né starfsmanna þeirra. Enn fremur verða ekki veittar upplýsingar um hvað fer á milli þessara aðila og skrifstofu þingsins. 

Réttur til aðgangs að gögnum um stjórnsýslu Alþingis tekur því meðal annars ekki til gagna sem farið hafa á milli Alþingis og stjórnvalds við undirbúning fjárlagatillagna fyrir Alþingi. Né gagna um meðferð forsætisnefndar Alþingis á siðareglumálum, en um aðgang að þeim fer samkvæmt ákvörðun forsætisnefndar hverju sinni.

Lesa má frumvarpið í heild sinni hér.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Davíð Helgason, einn stofnenda og fyrrum forstjóri Unity.
Segir Ísland geta orðið „einhvers konar tilraunasetur fyrir framtíðina“
Frumkvöðullinn og milljarðamæringurinn Davíð Helgason flytur til Íslands í sumar og ætlar að fjárfesta í fyrirtækjunum sem vinna gegn loftslagsvandanum. Að hans mati er margt sem gerir landið að góðum fjárfestingarkosti.
Kjarninn 18. maí 2021
Palestínumennirnir fimm fyrir utan húsnæði Útlendingastofnunar í Hafnarfirði í dag.
„Við viljum frekar deyja á götunni á Íslandi en að fara aftur til Grikklands“
„Íslensk yfirvöld hlusta ekkert á okkur. Þó að þau viti hvernig ástandið er í okkar heimalandi og þær áhyggjur sem við höfum. Ég meina, húsin sem við bjuggum í hafa sum verið jöfnuð við jörðu.“ Þetta segir Palestínumaður sem er lentur á götunni á Íslandi.
Kjarninn 18. maí 2021
Fasteignaverð hækkar meira með hverjum mánuðinum sem líður, þar sem eftirspurn er mikil og minna er um nýbyggingar.
Ekki meiri hækkun síðan árið 2017
Fasteignaverð á höfuðborgarsvæðinu hækkaði um 13,7 prósent í apríl á ársgrundvelli, miðað við vísitölu Þjóðskrár. Vísitalan hefur ekki hækkað jafnmikið milli ára síðan í desember 2017.
Kjarninn 18. maí 2021
Þröstur Ólafsson
Var þanþolið rofið?
Kjarninn 18. maí 2021
„Þegar mikil eftirspurn er eftir húsnæði getur fyrirvari um ástandsskoðun fasteignar talist kauptilboði til frádráttar,“ segir í greinargerð með þingsályktunartillögunni.
Ástandsskýrslur fylgi öllum seldum fasteignum
Nýsamþykkt þingsályktunartillaga felur ráðherra að móta frumvarp um ástandsskýrslur fasteigna. Slíkum skýrslum er ætlað að auka traust í fasteignaviðskiptum en ábyrgð vegna galla sem ekki koma fram í ástandsskýrslum mun falla á matsaðila.
Kjarninn 18. maí 2021
Allir hljóta að hafa skoðun á vegferð Ísraelsmanna að mati Hönnu Katrínar Friðriksson þingmanns Viðreisnar.
„Við Íslendingar höfum sterka rödd á alþjóðavettvangi“
Íslensk stjórnvöld þurfa að láta í sér heyra og hvetja aðra til að gera slíkt hið sama vegna átaka milli Ísraels og Palestínu að mati þingmanna Viðreisnar og Framsóknarflokks. Þó svo að íslenska þjóðin sé fámenn hafi hún sterka rödd og hana þurfi að nota.
Kjarninn 18. maí 2021
Samkvæmt ASÍ og BSRB er skuldasöfnun ríkisins ekki áhyggjuefni þegar vextir eru lágir
Gagnrýna „afkomubætandi ráðstafanir“ og vilja breyta fjármálareglum
Sérfræðingahópur á vegum ASÍ og BSRB varar stjórnvöld við að beita niðurskurði í yfirstandandi kreppu og segir að fjármálareglur hins opinbera þurfi að vera sveigjanlegri í nýrri skýrslu um efnahagsleg áhrif faraldursins.
Kjarninn 18. maí 2021
Græni miðinn er aftur kominn upp á gafl Hafnarborgar.
Listaverk sem fjarlægt var af bæjaryfirvöldum í Hafnarfirði komið upp á nýjan leik
Listaverk þeirra Libiu Castro og Ólafs Ólafssonar var fjarlægt af gafli Hafnarborgar fyrr í þessum mánuði að beiðni bæjaryfirvalda. Listaverkið er nú aftur komið upp en líklega hafa bæjaryfirvöld látið undan þrýstingi fagfélaga að mati listamannanna.
Kjarninn 18. maí 2021
Meira úr sama flokkiInnlent