Þorsteinn Már stígur til hliðar sem forstjóri Samherja

Þorsteinn Már Baldvinsson hefur ákveðið að stíga til hliðar sem forstjóri Samherja á meðan að rannsókn á viðskiptaháttum fyrirtækisins í Namibíu og víðar stendur yfir. Björgólfur Jóhannesson tekur við.

Þorsteinn Már Baldvinsson
Auglýsing

Þor­steinn Már Bald­vins­son, einn aðal­eig­enda Sam­herja, hefur ákveðið að stíga tíma­bundið til hliðar sem for­stjóri. Þetta er gert í sam­komu­lagi við stjórn fyr­ir­tæk­is­ins vegna ­yf­ir­stand­andi innri rann­sóknar á ætl­uðum brotum dótt­ur­fé­lags í Namib­íu. Í yfir­lýs­ingu frá Sam­herja segir að ráð­stöf­unin gildi þar til að nið­ur­stöður þeirrar rann­sóknar Sam­herja á eigin ætl­uðum brotum liggja fyr­ir. Rann­sókn­in, sem er í höndum alþjóð­legu lög­manns­stof­unnar Wik­borg Rein, mun heyra beint undir stjórn félags­ins.

Björgólfur Jóhanns­son, fyrr­ver­andi for­stjóri Icelandair Group, hefur tekið tíma­bundið við stöðu for­stjóra Sam­herj­a. 

Í yfir­lýs­ing­unni er haft eftir Eiríki S. Jóhann­essyni, stjórn­ar­for­manni Sam­herja, að þetta skref sé tek­ið til að tryggja sem best hlut­leysi rann­sókn­ar­inn­ar. „Við viljum stunda heið­ar­leg við­skipti og leggjum okkur fram um að starfa í sam­ræmi við gild­andi lög og regl­ur.“

Auglýsing

Þar segir enn fremur að til þessa hafi engin yfir­völd haft sam­band við Sam­herja en að fyr­ir­tækið muni „að sjálf­sögðu starfa með þeim stjórn­völdum sem kunna að sýna starf­semi Sam­herja á Íslandi, í Namibíu eða ann­ars staðar áhuga.“

Björgólfur Jóhanns­son segir Sam­herja gegna mik­il­vægu hlut­verki í sjáv­ar­út­vegi á alþjóða­vísu og beri við ábyrgð gagn­vart sínu fólki og við­skipta­vin­um. „Ég er dapur yfir þessum kring­um­stæðum en ég mun gera mitt besta að gæta hags­muna Sam­herja og starfs­fólks­ins.“

Í yfir­lýs­ing­unni segir að ekki sé að vænta frek­ari umfjöll­unar af hálfu Sam­herja um málið „fyrr en stað­reyndir úr ofan­greindri rann­sókn taka á sig skýr­ari mynd.“

Þetta er þriðja yfir­lýs­ingin sem Sam­herji sendir frá sér í þess­ari viku vegna umfjöll­unar um ætl­aðar mútu­greiðsl­ur, skatt­svik og pen­inga­þvætti fyr­ir­tæk­is­ins í Namibíu og víð­ar, sem opin­beruð var á þriðju­dag. 

Í frétta­­skýr­inga­þætti Kveiks þá um kvöldið kom meðal ann­­ars fram að vís­bend­ingar væru um að greiðslur upp á að minnsta kosti 1,4 millj­­­arða króna frá Sam­herja til hóps sem inn­­i­heldur meðal ann­­­ars tvo ráð­herra í Namib­­­íu, væru mút­­u­greiðslur og að við­­­skipti fyr­ir­tæk­is­ins í Afr­ík­­u­land­inu væri skýrt dæmi um spill­ing­u. Um­­fjöll­unin var unnin í sam­­starfi KveiksStund­­ar­innar, Al Jazeera og Wik­i­­leaks. Báðir ráð­herr­arnir sögðu af sér emb­ætti í gær.

Í yfir­­lýs­ingu sem Sam­herji sendi frá sér í kjöl­far þátt­ar­ins segir að svo virð­ist sem að Jóhannes Stef­áns­­son, fyrr­ver­andi verk­efna­­stjóri Sam­herja í land­inu, hafi „hugs­an­­lega flækt Sam­herja í við­­skipti sem kunni að vera ólög­­mæt.“ Það séu mikil von­brigði að sögn Þor­­steins Más Bald­vins­­son­­ar, for­­stjóra og ann­­ars aðal­­eig­anda Sam­herj­­a. Jóhannes steig fram sem upp­ljóstr­ari í þætt­inum og greindi frá því að hann hefði framið marg­háttuð lög­brot í starfi sínu fyrir Sam­herja, þegar hann vann að því að tryggja fyr­ir­tæk­inu verð­mætan kvóta í Namibíu ódýrt. Hann sagði að allt sem hann gerði hefði verið gert að fyr­ir­skipan Þor­steins Más og Aðal­steins Helga­son­ar, sem var yfir starf­semi Sam­herja í Namibíu á árum áður. Jóhannes hætti störfum hjá Sam­herja í júlí 2016.

Jóhannes hefur um nokk­urt skeið unnið með yfir­völdum í Namibíu við rann­sókn á ætl­uðum brotum Sam­herja þar og hefur þegar gefið skýrslu hjá emb­ætti hér­aðs­sak­sókn­ara á Ísland­i. 

Þor­­steinn Már sagði í yfir­lýs­ing­unni á þriðju­dag að stjórn­­endum Sam­herja væri illa brugð­ið eftir umfjöll­un­ina. „Ekki ein­ungis við það að Jóhannes stað­hæfi að hann hafi tekið þátt í starf­­semi af því tagi sem hann lýsir en ekki síður að hann skuli einnig beina ásök­unum sínum að fyrrum sam­­starfs­­fólki sínu hjá Sam­herja. Þetta eru ekki vinn­u­brögð sem við könn­umst við.“ 

Ef rann­­sókn fari fram á við­­skipt­unum í Namibíu hafi „Sam­herji ekk­ert að fela.“

Jóhannes var líka sér­­­stak­­­lega nefndur á nafn í yfir­­­lýs­ingu sem Sam­herji sendi frá sér í dag­inn fyrir umfjöllun Kveiks og Stund­ar­innar og þar sagt að honum hefði verið sagt upp störfum hjá Sam­herja árið 2016 vegna „óá­­­­­sætt­an­­­legrar fram­­­göngu hans og hegð­un­­­ar.“ Það hafi gerst í kjöl­far þess að Sam­herji hefði orðið „þess áskynja í árs­­­byrjun 2016 að ekki væri allt með felldu í rekstr­inum í Namib­­­íu“ og sent íslenskan fyrr­ver­andi rann­­­sókn­­­ar­lög­­­reglu­­­mann til lands­ins til að rann­saka mál­ið.

Í fyrri yfir­lýs­ingum hefur Sam­herji sagt að Jóhannes beri einn ábyrgð á lög­brot­un­um. Í umfjöllun Kveiks og Stund­ar­innar kom fram að ætl­aðar mútu­greiðslur til ráða­manna í Namibíu fá Sam­herja hefðu haldið áfram í nokkur ár eftir að Jóhannes lét af störfum hjá fyr­ir­tæk­inu. Sú síð­asta sem miðl­arnir eru með upp­lýs­ingar um var greidd í jan­úar 2019.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Samtal við samfélagið – English
Samtal við samfélagið – English
Samtal við samfélagið – Does trust provide the key to changed environmental behaviour?
Kjarninn 25. maí 2020
Guðmundur Ingi Guðbrandsson, umhverfis- og auðlindaráðherra.
„Þurfum að fara varlega í vindorkuna rétt eins og annað“
Umhverfis- og auðlindaráðherra sagði á þingi í dag að Íslendingar þyrftu að skoða vindorku út frá þeim þáttum er snúa að náttúru og náttúruvernd.
Kjarninn 25. maí 2020
Þríeykið: Þórólfur, Alma og Víðir.
Takk fyrir ykkur
„Í dag er stór dagur,“ sagði sóttvarnalæknir á upplýsingafundi almannavarna í dag. Þar átti hann við enn eitt skrefið í afléttingu takmarkana. Í hugum landsmanna var dagurinn þó ekki síst stór því fundurinn var sá síðasti – í bili að minnsta kosti.
Kjarninn 25. maí 2020
Jón Baldvin Hannibalsson
Um Alaskaarðinn og íslenska arfinn
Kjarninn 25. maí 2020
Katrín Jakobsdóttir, forsætisráðherra.
„Mjög áhugavert að skoða hugmyndir um þrepaskiptan erfðafjárskatt“
Forsætisráðherra sagði á Alþingi í dag að áhugavert væri að skoða hugmyndir um þrepaskiptan erfðafjárskatt en hún var meðal annars spurð út í fram­sal hluta­bréfa­eigna aðaleigenda Samherja til afkomendanna.
Kjarninn 25. maí 2020
Svandís Svavarsdóttir heilbrigðisráðherra.
Svandís þakkar þríeykinu fyrir sitt framlag
Heilbrigðisráðherra þakkaði Ölmu, Þórólfi og Víði á síðasta upplýsingafundi almannavarna í dag. Hún minnti einnig á að baráttunni væri enn ekki lokið.
Kjarninn 25. maí 2020
Þórólfur Guðnason sóttvarnalæknir.
Veiran mögulega að missa þróttinn
Sóttvarnalæknir segir að hugsanlega sé kórónuveiran að missa þróttinn. Þeir sem smitast hafa af COVID-19 undanfarið eru ekki mikið veikir. Aðeins sex smit hafa greinst hér á landi í maí.
Kjarninn 25. maí 2020
Píratar mælast næst stærstir í nýrri skoðanakönnun frá MMR
Sjálfstæðisflokkurinn mælist með 23,5 prósent fylgi í nýrri könnun MMR, en þar í kjölfarið koma Píratar með 14,6 prósent fylgi. Framsóknarflokkurinn væri minnsti flokkurinn sem næði inn þingmanni miðað við þessa könnun og mælist með 6,4 prósent fylgi.
Kjarninn 25. maí 2020
Meira úr sama flokkiInnlent