Umhverf­is- og auð­linda­ráðu­neyti hefur kynnt í sam­ráðs­gátt áform um breyt­ingar á lögum um ramma­á­ætl­un. Núver­andi ramma­á­ætlun þykir ekki henta gagn­vart vind­orku vegna sér­stöðu henn­ar. Ráðu­neytið leggur því til að lög­unum verði breytt svo hægt sé að móta skýra stefnu hins opin­bera um vind­orku hér á landi og leyf­is­veit­ing­ar­kerfi henn­ar. 

Ramma­áæltun henti ekki vind­orku­kostum

Nú­ver­andi lög um ramma­á­ætlun eru talin henta frekar hefð­bundn­ari virkj­un­ar­kostum en vind­orku­kost­um. Sem auð­lind er vind­ur­inn nokkurn veg­inn óþrjót­andi, ólíkt öðrum orku­kostum og tak­markast helst af því land­rými sem til staðar er. 

Vind­ur­inn er jafn­framt ekki jafn stað­bund­inn orku­kostur og hefð­bundn­ari virkj­un­ar­kostir enda hægt að hagnýta hann á flestum stöðum lands­ins. Þessi orku­kostur krefst því almennt styttri und­ir­bún­ings- og fram­kvæmdatíma en vatns­afls- eða jarð­varma­virkj­an­ir. Enn fremur er til­tölu­lega auð­velt að taka niður og fjar­lægja slík mann­virki af virkj­un­ar­stað sé tekin ákvörðun um að hætta starf­sem­i. 

Því stefnir umhverf­is- og auð­linda­ráð­herra á að leggja fram laga­frum­varp um breyt­ingar á máls­með­ferð og með­höndlun ramma­á­ætl­un­ar, á þann hátt að tekið sé mið af sér­eðli vind­orkunnar sem orku­kosts. 

Með þeirri breyt­ingu megi gera mats- og ákvarð­ana­ferlið með vind­orku­kosti mark­viss­ara, ein­fald­ara og skjót­ara en nú er. Auk þess felst í breyt­ing­unni að slíkt ferli þurfi að byggj­ast á skýrri opin­berri stefnumörkun um stað­setn­ingu vind­orku­virkj­ana á Íslandi.

Sam­kvæmt ráð­herra kæmi slík stefna í veg fyrir að vind­orku­ver bygg­ist upp á stöðum þar sem þau eru ekki æski­leg, til dæmis vegna nátt­úru­fars, sjón­meng­unar eða kostn­að­ar­samra teng­inga við raf­orku­net­ið. 

Fer vel saman við vax­andi raf­orku­þörf sam­fé­lags­ins

Hingað til hefur vind­orka verið lítið notuð til raf­­orku­fram­­leiðslu hér á landi en gætt hefur vax­andi áhuga á und­an­­förnum árum á slíkum fram­­kvæmd­­um. 

Í áformum ráð­herra segir að vind­orka henti vel sem þriðja stoðin í orku­bú­skap Ís­lands á móti vatns­afli og jarð­varma. Megi það meðal ann­ars rekja til stefnu og áforma stjórn­valda um auk­inn hraða í orku­skiptum og almennrar aukn­ingar raf­orku­notk­unar hjá heim­ilum og minni fyr­ir­tækj­u­m. 

„Skyn­sam­leg upp­bygg­ing vind­orku fer því vel saman við vax­andi raf­orku­þörf sam­félags­ins, auknar áherslur á orku­öryggi, betri nýt­ingu flutn­ings- og dreifi­kerfi raf­orku sem og stað­bundnar lausnir í orku­mál­u­m,“ segir í áformun­um.