Rekstr­ar­tap greiðslu­miðl­un­ar­fyr­ir­tæk­is­ins Valitor var 9,9 millj­arðar króna í fyrra. Það var 1,3 millj­arðar króna á árinu 2018 og því nemur sam­eig­in­legt rekstr­ar­tap þess á tveimur árum 11,2 millj­örðum króna.

­Bók­fært virði félags­ins um síð­ustu ára­mót var komið niður í 6,5 millj­arða króna, en það var 15,8 millj­arðar króna ári áður. Virði Valitor, í bókum eig­and­ans Arion banka, lækk­aði því um 9,3 millj­arða króna á einu ári. 

Þetta kemur fram í árs­reikn­ingi Arion banka sem birtur var í gær. 

Rekstr­ar­á­hrif af Valitor voru lyk­il­þáttur í slakri afkomu Arion banka í fyrra, en hagn­aður bank­ans var ein­ungis 1,1 millj­arður króna á árinu 2019 og arð­semi eig­in­fjár 0,6 pró­sent. Til sam­an­burðar var hagn­aður bank­ans 7,7 millj­arðar króna árið áður og yfir­lýst mark­mið hans er að arð­semi eigin fjár sé yfir tíu pró­sent.  

Útrás sem kost­aði mikið en skil­aði litlu

Tíð­indin um slaka rekstr­ar­stöðu Valitor koma ekki á óvart. Fyrir hefur legið í nokkurn tíma að fyr­ir­tækið glímdi við rekstr­ar­vanda, sem rekja má til mik­ils vaxtar og fjár­fest­ingar erlendis án þess að sú útþensla hafi skilað þeim árangri sem von­ast var til. Sér­stak­lega á það við svo­kall­aðar alrás­ar­lausnir, en tekju­vöxtur í þeim hefur verið langt undir vænt­ingum þrátt fyrir miklar fjár­fest­ingu í þeim sem höfðu myndað alls óefn­is­lega eign upp á 4,5 millj­arða króna. 

Þann 23. jan­úar síð­ast­lið­inn sendi Arion banki frá sér afkomu­við­vörun þar sem fram kom að virð­is­rýrn­un­ar­próf hefðu sýnt að færa þyrfti óefn­is­lega eign Valitor niður um fjóra millj­arða króna, úr 7,4 millj­örðum króna í 3,4 millj­arða króna. Til við­bótar var rekstr­ar­tap Valitor mikið í fyrra – rekstr­ar­tekjur þess dróg­ust saman um 1,5 millj­arða á árinu – og kostn­aður við yfir­stand­andi sölu­ferli fyr­ir­tæk­is­ins einnig umtals­verð­ur. Sam­an­lagt leiddi þessi staða til þess að virði Valitor hríð­féll. 

Sam­tals námu nei­kvæð áhrif Valitor á rekstur Arion banka 8,6 millj­örðum króna. Í árs­reikn­ingi bank­ans segir að Valitor sé áfram í sölu­ferlið en að það hafi „tekið lengri tíma en upp­haf­lega var gert ráð fyr­ir.“ Valitor hefur verið í form­legu sölu­ferli frá haustinu 2018. Engin tíð­indi hafa borist af áhuga­sömum kaup­end­um. 

Skipu­lags­breyt­ingar og upp­sagnir

Önnur ástæða fyrir minnk­andi tekjur Valitor er sú að einn stærsti við­­­­­skipta­vinur fyr­ir­tæk­is­ins, Stripe, hætti færslu­hirð­ing­­­­­ar­við­­­­­skiptum sínum við Valitor um mitt ár 2018, líkt og Kjarn­inn greindi frá í mars 2018 að stæði til. 

Vegna alls ofan­greinds hefur Arion banki verið að ráð­ast í kostn­að­ar­samar aðgerðir til að taka til í Valitor. Bank­inn bók­færði meðal ann­ars 600 milljón króna kostnað vegna end­ur­skipu­lagn­ingar á Valitor á síð­asta árs­fjórð­ungi 2019. 

Í byrjun jan­úar var starfs­fólki Valitor fækkað um 60. Kjarn­inn hafði greint frá því í des­em­ber 2019 að fækkað hefði verið í stjórn­enda­teymi Valitor úr tíu í fjóra.