Valitor Holding hagnaðist um milljarð – Valitor hf. tapaði hálfum

Valitor Holding hagnaðist um tæpan milljarð króna í fyrra. Ástæðan var m.a. áframhaldandi hagnaður vegna sölu Visa Europe. Rekstrarfélagið Valitor hf. tapaði um hálfum milljarði. Viðskipti við stóran kúnna, Stripe, munu dragast saman á næstu árum.

Viðar Þorkelsson er forstjóri Valitor.
Viðar Þorkelsson er forstjóri Valitor.
Auglýsing

Valitor Hold­ing, dótt­ur­fé­lag Arion banka, hagn­að­ist um 940 millj­ónir króna í fyrra. Hluti af þeim hagn­aði er til­komin vegna eignar sem félagið á sem teng­ist söl­unni á Visa Europe á sínum tíma.

Alls var hlutur Valitor Hold­ing vegna þeirrar sölu um 9,1 millj­arðar króna, sam­kvæmt við­tali við for­stjóra félags­ins í febr­úar 2016. Við þá upp­hæð átt svo að bæt­ast hlut­deild í fram­tíð­ar­tekjum sem kæmu til greiðslu síð­ar. Það er sú hlut­deild sem útskýrir hluta hagn­aðar Valitor Hold­ing í fyrra.

­Upp­gjör félags­ins hefur ekki verið birt opin­ber­lega en Viðar Þor­kels­son, for­stjóri Valitor Hold­ing, stað­festir þetta í sam­tali við Kjarn­ann. Hann segir að Valitor Hold­ing hafi verið að vaxa um 30 pró­sent á ári und­an­farin ár og fjár­fest mjög í gegnum rekstur í þeim vexti.

Valitor Hold­ing er eign­ar­halds­fé­lag sem á nokkur önnur félög. Í fyrra keypti það til að mynda  tvö erlend félög, IPSInternational Pay­ment Services Ltd. og Chip and Pin Solutions Ltd. inn í sam­stæð­una. Til­gangur kaupanna var að styrkja mark­aðs­stöðu Valitor gagn­vart sölu­að­ilum í Bret­landi.

Helsta eign Valitor Hold­ing er síðan greiðslu­miðl­un­ar­fyr­ir­tækið Valitor hf. Það félag, sem er rekstr­ar­fé­lag, tap­aði 446,4 millj­ónum króna í fyrra. Viðar segir að það tap sé meðal ann­ars til­komið vegna ein­skipt­isliðar sem tengd­ist end­ur­skipu­lagn­ingu innan félags­ins.

Við­skipti Valitor við Stripe munu minnka

Um mitt ár 2015 var til­kynnt að alþjóð­lega stór­fyr­ir­tækið Apple hefði ákveðið að Bret­land yrði fyrsta landið utan Banda­ríkj­anna þar sem boðið verður upp á App­lePay sem greiðslu­leið.

Auglýsing
Valitor hf. var valið sem eitt af sex fyr­ir­tækjum á Evr­ópu­mark­aði til að þjón­usta App­lePay. Í frétta­til­kynn­ingu sem Valitor sendi frá sér vegna þessa þann 11. júní 2015 sagði m.a.: „Þessa þjón­ustu mun Valitor veita í nánu sam­starfi við banda­ríska fyr­ir­tækið Stripe sem vinnur m.a. með Twitter og Face­book auk Apple. Frá 1. júlí munu breskir kaup­menn í við­skiptum við Stripe geta þróað stuðn­ing við App­lePay sem greiðslu­máta inn í eigið iOS app. Stripe, með Valitor sem færslu­hirði, er einn af örfáum aðilum sem fá að bjóða breskum kaup­mönnum upp á þessa þjón­ustu í fyrstu lotu. Í kjöl­farið mun öðrum sam­starfs­að­ilum Valitor á breskum mark­aði einnig standa til boða að taka við greiðslum með App­lePay.“

Kjarn­inn fékk upp­lýs­ingar um að til­kynnt hafi verið um vænt­an­legar breyt­ingar hefðu orðið á þessu við­skipta­sam­bandi. Viðar segir það rétt. Stripe sé með áform um að fara sjálft að bjóða upp á svip­aða þjón­ustu og Valitor veit­ir. „Stripe hafa til­kynnt okkur að við­skipta­sam­bandið við okkur muni breyt­ast og þró­ast. Þegar lengra líður frá þá munu við­skiptin minnka.“

Hann segir að Valitor séu að taka inn nýja stóra aðila inn í við­skipti um þessar mundir og vonir standi til að það sé hægt að kynna hverjir það séu á næst­unni.  

Tek­ist á um eign­ina

Valitor sam­stæðan hefur verið mikið í umræð­unni að und­an­förnu. Í síð­ustu viku greindi Frétta­blaðið frá því að ekk­ert yrði af því að Valitor Hold­ing yrði aðgreint frá bank­anum áður en hann verður skráður á markað í næsta mán­uði. Mik­ill vilji var hjá sumum erlendu hlut­höf­um Arion banka að greiða hluta­bréf í Valitor Hold­ing út í formi arðs til hlut­hafa áður en að skrán­ing­unni kæmi.

Kjarn­inn hafði áður greint frá því að að í kynn­ingu sem ráð­gjafar við sölu á Arion banka héldu fyrir líf­eyr­is­sjóði fyrr á þessu ári hefði komið fram að virði Valitor Hold­ing væri veru­lega van­metið í bók­um Arion banka.

Eigið fé Valitor Hold­ing er bók­fært á um 16,3 millj­arða króna í bók­um Arion banka, sam­kvæmt upp­lýs­ingum sem veittar voru á kynn­ing­ar­fund­un­um. Í kynn­ing­unni segir að ef hlutur í Arion banka væri keyptur á verði sem er undir einni krónu fyrir hverja krónu af bók­færðu eigin fé megi álykta að „af­sláttur hafi feng­ist á bók­færðu virði Valitor [Hold­ing] hjá Arion“. Sé litið á þá marg­fald­ara sem settir eru á eigið fé sam­an­burð­ar­fé­laga Valitor [Hold­ing] í Evr­ópu og Banda­ríkj­unum til að finna út mark­aðs­verð þeirra þá megi „álykta sem svo að verð­mæti félags­ins gæti verið hærra en skráð virði Valitor [Hold­ing] í bók­um Arion“.

Í kynn­ing­unni var settur fram svo­kall­aður afleiddur yfir­töku­marg­fald­ari á eigin fjár Valitor Hold­ing og hann sagður vera 3,1. Miðað við það ætti virði Valitor Hold­ing að vera yfir 50 millj­arðar króna.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þórólfur Matthíasson
Af sykurpúðum
Kjarninn 6. ágúst 2020
Alma Möller, landlæknir.
Alma: Tækifærið er núna
Hópsýkingar munu halda áfram að koma upp hér á landi. „Við verðum að vera undir það búin að horfa upp á þetta næstu mánuði alla vega,“ segir sóttvarnalæknir. Landlæknir sagði að núna væri tækifærið til að kveða niður það smit sem hér er í gangi.
Kjarninn 6. ágúst 2020
Þórólfur Guðnason og Alma Möller.
„Þannig mun okkur takast að koma okkur út úr þessu COVID-fári“
Sóttvarnalæknir hefur sent heilbrigðisráðherra minnisblað þar sem hann leggur til að landamæraskimun verði haldið áfram með sama hætti og verið hefur. Hann ítrekar mikilvægi persónulegra sóttvarna, skimunar og að beita einangrun og sóttkví.
Kjarninn 6. ágúst 2020
Fordæma aðgerðir Icelandair í kjaraviðræðum
Norræna flutningamannasambandið sendi frá sér tilkynningu í gær þar sem það fordæmir aðgerðir Icelandair í nýlegum kjarasamningaviðræðum. Samtökin segja þrýsting á stéttarfélög í formi hótana ekki leysa rekstrarvandann sem upp er kominn vegna COVID-19.
Kjarninn 6. ágúst 2020
Rannsóknir hafa sýnt, án nokkurs vafa, að andlitsgrímur geta komið í veg fyrir COVID-19-smit á milli einstaklinga. Grímurnar gera þó mest gagn við ákveðnar aðstæður og þær þarf að nota á réttan hátt.
„Stutta svarið er já“ – grímur geta komið í veg fyrir smit
Rannsóknir hafa sýnt, án nokkurs vafa, að andlitsgrímur geta komið í veg fyrir COVID-19-smit á milli einstaklinga. Þetta skrifar Jón Magnús Jóhannesson, deildarlæknir á Landspítala, í nýju svari á Vísindavefnum.
Kjarninn 6. ágúst 2020
Smitum fjölgar enn – 97 í einangrun
Fjögur ný innanlandssmit af kórónuveirunni greindust hér á landi í gær og 97 manns eru nú með COVID-19 og í einangrun.
Kjarninn 6. ágúst 2020
Þórður Snær Júlíusson
Það er komið að pólitíkinni
Kjarninn 6. ágúst 2020
Saga Japans
Saga Japans
Saga Japans – Naratímabilið 2: Keisaraynjan ósigrandi
Kjarninn 6. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar