Stefnt er að því að hefja skimanir fyrir nýju kór­ónu­veirunn­i hjá Íslenskri erfða­grein­ingu í dag. Þetta kemur fram í Morg­un­blað­inu.

Kári Stef­áns­son, for­stjóri fyr­ir­tæk­is­ins, bauðst til þess í síð­ustu viku að skima fyrir veirunni í sam­fé­lag­inu.

Í frétt Morg­un­blaðs­ins er haft eftir Kára að reiknað sé með­ að sýni verði tekin svo til af handa­hófi en ekki úr þeim sem sýndu ein­kenn­i ­sjúk­dóms.

Aðgerðir heil­brigð­is­yf­ir­valda á Íslandi bein­ast að því fólki ­sem verið hefur á áhættu­svæð­um, m.a. á Ítalíu og í Aust­ur­ríki, sem og fólki sem þessir ferða­langar hafa verið í sam­neyti við. Enn sem komið er hafa lang­flest smit verið greind hjá þessum hópi. Nokkur svokölluð þriðja stigs smit hafa ­greinst.

Fyr­ir­komu­lag Íslenskrar erfða­grein­ingar verður þannig að ­fólk getur pantað tíma hjá fyr­ir­tæk­inu í gegnum vef­síð­una bok­un.­rannsokn.­is. Kári von­ast til þess að geta tekið um 1.000 sýni á dag.

Í gær höfðu sam­tals um 1.023 sýni verið tekin hér á land­i. Þar af hafa 119 greinst með veiruna. Í gær lágu tveir sjúk­lingar á Land­spít­al­anum vegna sjúk­dóms­ins. Yfir þús­und manns eru í sótt­kví.