Hvernig skal haga sér í sóttkví: Lítil hætta á að smita aðra í gönguferð

Farðu út á svalir og dragðu djúpt að þér andann. Farðu út í garð, hlustaðu á fuglasönginn og athugaðu með vorlaukana. Farðu í gönguferð eða bíltúr. Það að vera í sóttkví þýðir ekki að þú þurfir að loka þig af svo lengi sem þú ferð að öllu með gát.

Að njóta fallegs sólarlags er gott fyrir andlegu heilsuna.
Að njóta fallegs sólarlags er gott fyrir andlegu heilsuna.
Auglýsing

Yfir 1.700 manns eru nú í sótt­kví á Íslandi vegna nýju kór­ónu­veirunn­ar. Smit hafa greinst hjá 180 og er það fólk í ein­angr­un. Þrír eru á sjúkra­húsi vegna veiru­sýk­ing­ar­inn­ar COVID-19.

Fólk þarf að fara í sótt­kví þegar það hefur mögu­lega smit­ast þrátt fyrir að finna engin ein­kenn­i. Þeir sem eru í mestri smit­hættu eru þeir sem hafa verið á ferða­lagi á skil­greindum áhættu­svæðum og þeir sem hafa umgeng­ist fólk sem svo hefur grein­st ­með COVID-19.

Sótt­kví vegna COVID-19 eru 14 dagar frá síð­asta mögu­lega smiti eða þar til ein­kenni kom­a fram. Ef þú ferð að upp­lifa ein­kenni og sýk­ing er stað­fest í kjöl­farið þarf að fara eftir leið­bein­ingum um ein­angrun í heima­húsi.

Auglýsing

Sótt­kví er ­nauð­syn­leg aðgerð sem beitt er til að hefta og hægja á útbreiðslu smits. Þeir ­sem eru í sótt­kví skulu tak­marka öll náin sam­skipti við annað fólk.

Smit­leið er snerti- eða dropa­smit. Það þýðir að veiran getur dreifst þegar veikur ein­stak­ling­ur hóstar, hnerrar eða þurrkar sér um nefið og hraustur ein­stak­lingur fær framan í sig dropa/úða frá þeim veika eða hendur hans meng­ast af dropum og hann ber þær svo upp að and­liti snu. Ein­stak­lingar í sótt­kví þurfa að gæta vel að hand­hreins­un, sér­stak­lega þegar sam­skipti við aðra eru óhjá­kvæmi­leg.

Í leið­bein­ingum emb­ættis land­læknis fyrir almenning varð­andi sótt­kví í heima­húsi kemur fram að ­fólk í sótt­kví eigi að halda sig heima við og hafa bein sam­skipti við sem ­fæsta. Þá eigi það ekki að fara út af heim­ili „nema brýna nauð­syn beri til”. Sam­kvæmt upp­lýs­ing­um frá land­lækn­is­emb­ætt­inu er þar átt við þegar fólk þarf mögu­lega að fara út úr ­húsi og hugs­an­lega útsetja aðra fyrir smiti, t.d. ef það þarf skyndi­lega að leita ­sér lækn­is­að­stoð­ar. „Í ­göngu­ferð eða bíltúr eru litlar sem engar líkur á að þú smitir aðra,” segir í svari Kjart­ans Hreins Njáls­son­ar, upp­lýs­inga­full­trúa land­læknis við fyr­ir­spurn Kjarn­ans.

Í mörgum görðum eru nú smáfuglar að syngja enda örlítil merki um vorkomuna í lofti.

Hér að neðan eru nokkur atriði sem fólk í sótt­kví MÁ GERA og önnur sem það MÁ EKKI GERA.

Ein­stak­lingur í sótt­kví má ekki nota almenn­ings­sam­göngur eða leigu­bíla. Ef hann þarf að sækja heil­brigð­is­þjón­ustu má hann nota einka­bíl ef hann er öku­fær eða aðrir sem eru ­með honum í sótt­kví, ann­ars þarf að fá aðstoð við sjúkra­flutn­inga í gegnum 1700/112.

Ein­stak­lingur í sótt­kví má ekki fara til vinnu eða skóla þar sem aðrir eru. Hann getur þurft að fá vott­orð þess efnis frá heilsu­gæsl­unni. Biðlað hefur verið til vinnu­veit­enda um að sýna því skiln­ing ef starfs­maður þarf að vera í sótt­kví.

Ein­stak­lingur í sótt­kví má ekki fara á manna­mót, hvort sem þau varða starf hans, fjöl­skyldu eða ­fé­lags­líf. T.d. vinnufund­ir, sam­komur vinnu­fé­laga, sam­komur stétt­ar­fé­laga, ­ferm­ing­ar, jarð­ar­far­ir, sauma­klúbb­ar, kóræf­ing­ar, tón­leikar o.s.frv.

Ein­stak­lingar í sótt­kví mega ekki fara á lík­ams­rækt­ar­stöðv­ar, sund­laug­ar, í leik­hús, kvik­mynda­hús, versl­un­ar­mið­stöðvar eða aðra staði þar sem margir koma sam­an.

Ein­stak­lingar í sótt­kví mega ekki fara sjálfir eftir aðföng­um, þ. á m. í apó­tek, mat­vöru­versl­un, ­póst­hús, banka eða ann­að.

Ein­stak­lingur í sótt­kví má ekki dvelja í sam­eig­in­legum rýmum fjöl­býl­is­húsa, s.s. stiga­göng­um, þvotta­húsum eða sam­eig­in­legum görð­u­m/úti­vist­ar­svæð­um.

Ein­stak­lingur í sótt­kví má ekki taka á móti gestum á heim­ili sínu meðan sótt­kví stendur yfir.

Þrátt fyr­ir­ þessar tak­mark­anir er ýmis­legt sem er leyfi­legt í sótt­kví.

Ein­stak­lingur í sótt­kví má fara út á svalir eða í garð við heim­il­ið. Ef aðrir eru þar líka þarf sá sem er í sótt­kví að halda sig í a.m.k. 1-2 metra fjar­lægð.

Ein­stak­lingur í sótt­kví má fara í göngu­ferðir en þarf að halda sig í a.m.k. 1-2 metra fjar­lægð frá­ öðrum veg­far­end­um.

Ein­stak­lingur í sótt­kví má fara í bíltúr á einka­bíl en ekki má eiga sam­skipti við aðra í návíg­i s.s. við bíla­lúgur veit­inga­staða.

Ein­stak­lingur í sótt­kví má fara út með heim­il­issorp en huga þarf vel að hrein­læti, sinna hand­hreins­un ­fyrir og eftir opnun sorp­renn­u/rusla­tunn­u/rusla­geymslu og gjarnan strjúka yfir­ hand­föng með 70% spritti eða öðru sótt­hreins­andi efni eftir snert­ingu.

Hér er ítar­legri sam­an­tekt land­læknis á því hvernig á að haga sér í sótt­kví.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Samkeppniseftirlitið ekki haft aðkomu að rannsókn á dótturfélagi Eimskips í Danmörku
Dönsk samkeppnisyfirvöld staðfesta að húsleit hafi farið fram hjá dótturfélagi Eimskips í Danmörku en vilja að öðru leyti ekki tjá sig um rannsókn málsins. Ekki hefur verið óskað eftir aðstoð Samkeppniseftirlitsins hér á landi við rannsóknina.
Kjarninn 24. júní 2022
Þórir Haraldsson er forstjóri Líflands. Félagið flytur inn korn sem það malar í hveiti annars vegar og fóður hins vegar.
Verð á hveiti hækkað um 40 prósent á hálfu ári
Litlar líkur eru á því að hveiti muni skorta hér á landi að sögn forstjóra Líflands en félagið framleiðir hveiti undir merkjum Kornax í einu hveitimyllu landsins. Verð gæti lækkað á næsta ári ef átökin í Úkraínu stöðvast fljótlega.
Kjarninn 24. júní 2022
Lilja D. Alfreðsdóttir, menningar- og viðskiptaráðherra, lagði fram tillögu um skipun starfshópsins sem var samþykkt.
Eru íslensku bankarnir að okra á heimilum landsins?
Starfshópur hefur verið skipaður til að greina hvernig íslenskir bankar haga gjaldtöku sinni, hvernig þeir græða peninga og hvort það sé vísvitandi gert með ógagnsæjum hætti í skjóli fákeppni. Hópurinn á að bera það saman við stöðuna á Norðurlöndum.
Kjarninn 24. júní 2022
Valgerður Jóhannsdóttir og Finnborg Salome Steinþórsdóttir eru höfundar greinarinnar Kynjaslagsíða í fréttum: Um fjölbreytni og lýðræðishlutverk fjölmiðla.
Konur aðeins þriðjungur viðmælanda íslenskra fjölmiðla
Hlutur kvenna í fréttum hér á landi er rýrari en annars staðar á Norðurlöndum. Ekki er afgerandi kynjaskipting eftir málefnasviðum í íslenskum fréttum, ólíkt því sem tíðkast víðast hvar annars staðar.
Kjarninn 24. júní 2022
Seðlabankinn tekur beiðni Kjarnans um „ruslaskistu Seðlabankans“ til efnislegrar meðferðar
Nýlegur úrskurður úrskurðarnefndar um upplýsingamál skikkar Seðlabanka Íslands til að kanna hvort hann hafi gögn um Eignasafn Seðlabanka Íslands undir höndum og leggja í kjölfarið mat á hvort þau gögn séu háð þagnarskyldu.
Kjarninn 24. júní 2022
Tanja Ísfjörð Magnúsdóttir
Af hverju eru svona mörg kynferðisbrotamál felld niður?
Kjarninn 24. júní 2022
Bernhard Esau, fyrrverandi sjávarútvegsráðherra Namibíu, og Þorsteinn Már Baldvinsson hittust nokkrum sinnum. Sá fyrrnefndi hefur verið ákærður í Namibíu og sá síðarnefndi er með stöðu sakbornings í rannsókn á Íslandi.
Fjármagnsskortur stendur ekki í vegi fyrir áframhaldandi rannsókn á Samherja
Útistandandi réttarbeiðni í Namibíu er stærsta hindrun þess að hægt sé að ljúka rannsókn á Samherjamálinu svokallaða. Skortur á fjármunum er ekki ástæða þess að ákvörðun um ákæru hefur ekki verið tekin, tveimur og hálfu ári eftir að rannsókn hófst.
Kjarninn 24. júní 2022
Meira úr sama flokkiInnlent