Vakta­á­lags­auki sem hjúkr­un­ar­fræð­ingar á Land­spít­ala hafa fengið vegna til­rauna­verk­efnis spít­al­ans verður fram­lengdur til næstu mán­aða og nauð­syn­legar fjár­veit­ingar tryggð­ar. Þetta kemur fram í bréfi sem Bjarni Bene­dikts­son, fjár­mála- og efna­hags­ráð­herra, og Svan­dís Svav­ars­dóttir heil­brigð­is­ráð­herra hafa sent for­stjóra Land­spít­ala vegna máls­ins. 

­Ís­lenskir hjúkr­un­­ar­fræð­ing­­ar, ­sem hafa staðið í eld­línu far­ald­­ur­s­ins síð­­­ustu vikur og starfað und­ir­ gríð­­ar­­legu álagi, vökn­uðu upp við vondan draum um mán­aða­­mótin er sér­­stakrar á­lags­greiðslu til þeirra var hætt. Eru dæmi um að laun þeirra hafi lækkað um 40 ­þús­und við þetta.

Eng­ar ­sér­­stakar greiðslur vegna álags á Land­­spít­­al­­anum í yfir­stand­andi far­aldr­i hafa ver­ið til­­kynnt­­ar, en slíkar hafa til að mynda verið teknar upp í Sví­þjóð.

Í til­kynn­ingu frá Stjórn­ar­ráð­inu segir að vakta­á­lags­auk­inn, sem sé til­raun­ar­verk­efni sem sett hafi verið af stað árið 2017 og hafi marg­sinnis verið fram­lengt síð­an, verði fram­lengt til 1. októ­ber 2020 vegna þeirra „sér­stöku aðstæðna sem nú eru upp­i.“

Þar er haft eftir Bjarna Bene­dikts­syni að rík­is­stjórnin ætli að gera grund­vall­ar­breyt­ingar í þeim samn­ingum sem séu í far­vatn­inu við hjúkr­un­ar­fræð­inga á vakta­vinnu­fyr­ir­komu­lag­inu. „Von­andi hjálpar fram­leng­ing á greiðslum fyrir álag vegna vakta til að ljúka kjara­við­ræðum samn­inga­nefndar rík­is­ins og hjúkr­un­ar­fræð­inga far­sæl­lega. Ég vil trúa því." 

Svan­dís Svav­ars­dóttir segir að þegar horft sé til þeirra al­var­legu aðstæðna sem nú séu uppi í heil­brigð­is­kerf­inu vegna COVID-19, þar sem álag á heil­brigð­is­stéttir sé meira en nokkru sinni, telji hún „aug­ljóst að ráð­staf­anir sem skerða kjör hjúkr­un­ar­fræð­inga eru frá­leitar".