Ásgeir Jóns­son seðla­banka­stjóri segir að Seðla­bank­inn yrði „mjög brúna­þung­ur“ ef sú staða kæmi upp síðar á árinu að Arion banki myndi greiða hlut­höfum sínum út arð. „Það væri algjör­lega ótækt af bank­anum að íhuga slíkar arð­greiðslur við þessar aðstæð­ur, þar sem verið er að veita bönk­unum til­slak­an­ir, og hið sama gildir um kaup á eigin bréf­um.“

Þetta kemur fram í við­tali við Ásgeir sem birt­ist í Frétta­blað­inu í dag. Þar seg­ist hann hyggja að eig­endur og stjórn­endur Arion banka skilji þessa stöðu mjög vel.

Þær til­slak­anir sem Ásgeir vísar til snú­ast um að á skömmum tíma hefur bindi­skylda verið lækkun niður í núll og sveiflu­jöfn­un­ar­auki sem lagð­ist á eigið fé bank­anna afnum­in. 

Aflétt­ing kröfu um ­sveiflu­­jöfn­un­­ar­auka á að auð­velda banka­­kerf­inu að styðja við heim­il­i og fyr­ir­tæki með því að skapa svig­­rúm til nýrra útlána sem nemur að öðru óbreyttu allt að 350 millj­­örðum króna, eða um 12,5 pró­­sent af núver­andi útlána­safni bank­anna. 

Frest­uðu arð­greiðslu um tvo mán­uði

Arion banki hagn­að­ist um 1,1 millj­arð króna í fyrra og arð­semi eigin fjár bank­ans var 0,6 pró­sent. Samt sem áður var lögð til tíu millj­arða króna arð­greiðsla til hlut­hafa vegna síð­asta árs. Það stendur til að greiða út nífaldan hagnað í arð. Þau áform eru í takti við yfir­lýsta stefnu bank­ans, sem er að öllu leyti í einka­eigu og skráður á hluta­bréfa­mark­að, að greiða út tugi millj­arða króna eigin fé hans til eig­enda hans. 

Frá því að upp­haf­leg ákvörðun um þá end­ur­greiðslu var tekin hefur staðan í efna­hags­líf­inu gjör­breyst. 

Greint var frá því að sveiflu­jöfn­un­ar­auk­inn hefði verið afnumin 18. mars síð­ast­lið­inn. Dag­inn áður, 17. mars, fór fram aðal­fundur Arion banka. Þar var sam­þykkt að fresta arð­greiðsl­unni til hlut­hafa um tvo mán­uði, eða fram í miðjan maí. Auk þess var heim­ild stjórnar til að kaupa allt að tíu pró­­­sent af hlutafé bank­ans end­­­ur­nýj­uð. Miðað við mark­aðsvirði Arion banka í dag myndi það  þýða að í kringum tíu millj­­arða króna greiðslu til eig­enda bank­ans. 

Arion ­banki hefur enn sem komið er ekki end­­ur­­skoðað sín áform um að greiða út arð í maí. Í til­­kynn­ingu sem bank­inn sendi til Kaup­hallar Íslands 27. mars síð­­ast­lið­inn, vegna aðgerða sem hann hefur gripið til vegna COVID-19, kemur þvert á móti fram að eig­in­fjár- og lausa­­fjár­­­staða bank­ans sé mjög sterk án þess að til­­lit sé tekið til „fyr­ir­­sjá­an­­legrar arð­greiðslu að fjár­­hæð 10 millj­­arða króna“. 

Þar sagði enn fremur að auk ákvörð­unar um að fresta arð­greiðslu í tvo mán­uði myndi bank­inn „ekki fara í frek­­ari kaup á eigin bréfum fyrr en óvissa vegna heims­far­ald­­ur­s­ins hefur minn­k­að.“