Ekk­ert nýtt smit af kór­ónu­veirunni greind­ist á Íslandi í gær og eru stað­fest smit því enn 1.797. Tölu­verður fjöldi sýna var tek­inn í gær, 142 á sýkla- og veiru­fræði­deild Land­spít­al­ans og tæp­lega 700 hjá Íslenskri erfða­grein­ingu.

Í dag eru 659 manns í sótt­kví en gær var fjöld­inn 715.

Eng­inn liggur á gjör­gæslu vegna COVID-19 en sex manns eru á sjúkra­húsi vegna sjúk­dóms­ins, allir á Land­spít­al­an­um. 1.670 manns hafa náð bata.

Af þeim sem greinst hafa með COVID-19 á Íslandi eru tíu lát­in.

Hlut­falls­lega flestir hafa smit­ast af kór­óna­veirunni á Ís­landi í ald­urs­flokknum 40-49 ára að því er fram kemur í til­rauna­töl­fræð­i Hag­stof­unn­ar. Yngstu ald­urs­flokk­arnir eru með hlut­falls­lega fæst smit miðað við ­mann­fjölda. Sama gildir um elstu ald­urs­flokk­ana að und­an­skildum þeim allra elstu en þar vegur hvert smit þungt. Hins­vegar eru ald­urs­flokk­arnir þar á milli­ ­með hlut­falls­lega fleiri smit ef miðað er við mann­fjöld­ann, sér­stak­lega ald­urs­flokk­arnir 40-49 ára og 50-59 ára.

Á mánu­dag­inn, 4. maí, hefst aflétt­ing sam­komu­tak­mark­ana á Íslandi í skref­um. Þá verður allt að 50 manns heim­ilt að koma saman og starf­semi leik- og grunn­skóla að kom­ast í samt horf.