Það stytt­ist í að for­seti Íslands, Guðni Th. Jóhann­es­son ljúki ­kjör­tíma­bili sínu. Hann hyggst bjóða sig fram til for­seta að nýju. Um þess­ar ­mundir eru einmitt fjögur ár frá því að hann bauð sig fram. „Senn er ­kjör­tíma­bilið á enda og sú sjálf­sagða skylda fram undan að safna með­mælum fyr­ir­ fram­boð mitt á nýjan leik,“ skrifar Guðni á Face­book-­síðu sína í morg­un. 

„Sú ­söfnun hlýtur hins vegar að verða með öðrum hætti en síð­ast. Því miður gefst ekki sama færi nú og þá að hitta fólk sem víð­ast og oft­ast. Í stað­inn reið­u­m við okkur á sam­fé­lags­miðla og raf­rænar und­ir­skrift­ir.“

Guðni skrifar að þetta komi til af aug­ljósum ástæð­um; vegna ­nauð­syn­legra varna gegn veirunni skæðu, eins og hann orðar það. 

„Þótt vel hafi ­gengið hingað til er bar­áttu okkar gegn þeim vágesti ekki lok­ið. En það mun birta til! Það býr kraftur í þess­ari þjóð. Stefnum að því saman að vinna bug á far­sótt­inni. Og stefnum svo að því saman að skapa hér enn betra sam­fé­lag en áð­ur. Með það í huga ákvað ég að bjóða mig fram til end­ur­kjörs. Með það í huga vil ég þjóna landi og þjóð.“