Skipu­leggj­endur tón­list­ar­há­tíð­ar­innar Bræðsl­unnar á Borg­ar­firði eystra hafa ákveðið að hátíðin fari ekki fram í sumar og segja það sam­fé­lags­lega skyldu sína að að aflýsa hátíð­inni, þrátt fyrir að verið sé að létta á sam­komu­tak­mörk­unum vegna kór­ónu­veiru­far­ald­urs­ins.

Með þess­ari ákvörðun segj­ast skipu­leggj­endur vilja afstýra allri mögu­legri smit­hættu sem gæti falist í því að stefna saman fjölda fólks á Borg­ar­firði eystra, en hvetja um leið til þess að fólk sæki fjörð­inn heim í sumar og nýti sér þá afþr­ey­ingu og þjón­ustu sem þar er.

„Við munum mæta aftur sum­arið 2021 með bestu Bræðslu allra tíma!“ segja hátíð­ar­hald­arar í færslu í Face­book-­færslu í dag. 

Tón­list­ar­há­tíðin Bræðslan hefur farið fram árlega frá því árið 2005 og und­an­farin ár hafa þús­undir gesta sótt Borg­ar­fjörð eystra heim síð­ustu helg­ina í júlí, þrátt fyrir að ein­ungis hluti þeirra kom­ist inn á tón­leik­ana sjálfa, sem haldnir eru í gömlu síld­ar­bræðsl­unni í þorp­inu.