Guðni Th. Jóhann­es­son og Guð­mundur Frank­lín Jóns­son verða í kjöri til for­seta Íslands. Þetta kemur fram í aug­lýs­ingu dóms­mála­ráðu­neyt­is­ins í Lög­birt­inga­blað­inu. RÚV greinir frá.

Frestur til að skila fram­boðum rann út síð­asta föstu­dag.

For­seta­kosn­ing­arnar fara fram laug­ar­dag­inn 27. júní en kosn­ing utan kjör­fundar erlendis er þegar haf­in.

Fram­boð til emb­ættis for­seta Íslands telj­ast ekki gild fyrr en fram­bjóð­endur hafa skilað inn til­skildum fjölda með­mæl­enda, 1500 til 3000 á lands­vísu, en ákveðið hlut­fall und­ir­skrifta þarf að ber­ast úr hverjum lands­fjórð­ungi.

Guð­mundur Frank­lín ákvað að bjóða sig fram til for­seta Íslands í apr­íl. Í ræðu sem hann flutti í gegnum Face­book kom fram að það væri gert eftir nokkra íhugun og mikla hvatn­ingu. Fram­boð hans myndi í meg­in­þáttum snú­ast um að efla for­seta­emb­ætt­ið, nýta mál­skots­rétt­inn og leggja sitt af mörkum til að berj­ast gegn spill­ingu.

Hann bauð sig líka fram til for­seta árið 2016 en dró þá fram­boð sitt til baka nokkrum vikum síðar og lýsti yfir stuðn­ingi við Ólaf Ragnar Gríms­son, sem hætti stutt­lega við að hætta við að sækj­ast eftir end­ur­kjöri. Ólafur Ragnar dró svo fram­boð sitt til baka og var ekki í fram­boði þá um sum­ar­ið.

Guðni Th. var kjör­inn for­seti árið 2916. Hann safn­aði hámarks­­­fjölda með­­­mæla fyrir fram­­boð sitt til end­ur­kjörs á nokkrum klukku­tímum þann 8. maí síð­ast­lið­inn en hann óskaði eftir und­ir­skriftum í gegnum sam­fé­lags­miðla.