Félag pró­fess­ora við rík­is­há­skóla (FPR) mun ræða rang­færslur fjár­mála- og efna­hags­ráðu­neyt­is­ins um Þor­vald Gylfa­son hag­fræði­pró­fessor og þá afstöðu ráðu­neyt­is­ins að hann þætti of póli­tískur til að Ísland gæti stutt að hann fengi ráðn­ingu í starf rit­stjóra nor­ræns fræða­tíma­rits, á næsta stjórn­ar­fundi sínum 16. jún­í.

Þetta segir Rúnar Vil­hjálms­son, pró­fessor í félags­fræði við Háskóla Íslands og for­maður FPR, í svari við fyr­ir­spurn Kjarn­ans. Hann segir málið ekki verða sér­stakan fund­ar­lið á vænt­an­legum stjórn­ar­fundi, en segir að það verði rætt meðal ann­arra mála og bætir við að um nið­ur­stöðu þeirrar umræðu sé ekk­ert hægt að segja á þessu stig­i. 

Félag pró­fess­ora við rík­is­há­skóla hefur meðal ann­ars það skil­greinda hlut­verk að vera málsvari félags­manna gagn­vart yfir­völdum háskól­anna og öðrum stjórn­völdum og sneri fyr­ir­spurn Kjarn­ans að því hvaða augum FPR liti mál Þor­valds.

Þónokkrir íslenskir fræði­menn inn­an­lands og erlendis hafa gagn­rýnt fram­göngu fjár­mála- og efna­hags­ráðu­neyt­is­ins gagn­vart Þor­valdi Gylfa­syni í þessu máli.

Ólafur Mar­geirs­son, doktor í hag­fræði sem starfar í Sviss, sagði til dæmis á Face­book í gær að hann hefði sjaldan verið eins feg­inn að vera óháður íslenskum stjórn­mála­mönnum um atvinnu sér til lifi­brauðs.

Þá rit­aði Gauti B. Egg­erts­son, hag­fræði­pró­fessor við Brown-há­skóla í Banda­ríkj­un­um, að frá­sögnin af máli Þor­valds rifj­aði upp fyrir honum þá  „köfn­un­ar­til­finn­ingu“ sem hann hafði stundum er hann bjó á Íslandi fyrir rúmum tveimur ára­tugum „og horfði uppá hvernig ráðið var í hinar ýmsu stöður í þjóð­fé­lag­in­u.“

Bjarni Már Magn­ús­son laga­pró­fessor við Háskól­ann í Reykja­vík deildi einnig fyrstu frétt Kjarn­ans af mál­inu á Twitter í gær og sagði að fyr­ir­sögnin á henni mætti vera: „St­urlun í Stjórn­ar­ráð­in­u“.